完整藏文原文 · 德格版页 当前仅加载第 35 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
དབྱིངས་ལས་བྱུང་། །དེ་ཕྱིར་སངས་རྒྱས་རབ་ཏུ་བརྗོད། །ཡུལ་ན་བཞུགས་མེད་རང་བཞིན་མེད། །དེ་ལ་འབྱུང་བ་མི་མངའ་སྟེ། །སྐུ་དང་མཚན་ཀྱང་དེ་བཞིན་མེད། །རྒྱལ་བ་གཟུགས་བརྙན་འདྲ་བའོ། །འགྲོ་བ་ཀུན་ཏུ་ཆོས་ཀྱི་སྤྲིན། །བསམ་པ་
D44.035.0079b01.01ཀུན་ལ་རབ་ཏུ་བྱུང་། །ཡང་དག་སངས་རྒྱས་རྣམས་ཀུན་ཏུ། །སེམས་ཅན་རྒྱ་མཚོ་འདུལ་བ་མཛད། །འཇིག་རྟེན་ཁམས་རྣམས་ཐམས་ཅད་ཀྱི། །སྙིང་པོ་བྱང་ཆུབ་ཀུན་ན་སྣང་། །འཁོད་པའི་རྒྱ་མཚོ་ཐམས་ཅད་ན། །ཞིང་རྣམས་ཀུན་གྱིས་རྣམ་པར་
D44.035.0079b02.01མཛེས། །སངས་རྒྱས་ཀུན་གྱི་སྐུ་དག་ལ། །ཡོན་ཏན་རྒྱ་མཚོ་ཟད་མི་ཤེས། །སངས་རྒྱས་ཡོན་ཏན་མཐའ་ཡས་ཏེ། །དེ་དག་ཡོན་ཏན་ཟད་པ་མེད། །དེ་ནས་བྱང་ཆུབ་སེམས་དཔའ་སྤོས་འོད་འཕྲོ་བའི་རྒྱན་ཟླ་བའི་འོད་ཀྱིས་སངས་རྒྱས་ཀྱི་བྱིན་གྱི་
D44.035.0079b03.01རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསམ་གྱིས་{མྱི་,མི་}ཁྱབ་སངས་རྒྱས་སར། །བྱང་ཆུབ་སེམས་དཔའ་གང་བཞུགས་པ། །དེ་དང་དེ་དག་སངས་རྒྱས་ཀྱི། །སངས་རྒྱས་རྣམ་འཕྲུལ་ཐམས་
D44.035.0079b04.01ཅད་མཐོང་། །ཡེ་ཤེས་ལུས་ཀྱིས་ཞུགས་པ་རྣམས། །ཞིང་ཀུན་རྡུལ་གྱི་སྦུབས་སུ་ཡང་། །དེ་བཞིན་གཤེགས་པ་ཐམས་ཅད་དང་། །བདག་ཉིད་ལུས་ཀྱང་དེར་མཐོང་ངོ་། །གཟུགས་བརྙན་ཞིང་རྣམས་ཐམས་ཅད་དང་། །སངས་རྒྱས་ཀུན་གྱི་སྤྱན་
D44.035.0079b05.01སྔར་འབྱུང་། །ཀུན་ཏུ་བྱིན་གྱི་རླབས་རྣམས་དང་། །རྣམ་པར་འཕྲུལ་པ་རབ་ཏུ་སྟོན། །ཀུན་ཏུ་བཟང་པོའི་སྨོན་ལམ་དང་། །སྤྱོད་པ་གང་གིས་རྣམ་སྦྱངས་པ། །དེ་དག་ཞིང་རྣམས་ཐམས་ཅད་དུ། །སངས་རྒྱས་ཀུན་གྱི་རྣམ་འཕྲུལ་མཐོང་། །ཀུན་
D44.035.0079b06.01ཏུ་མཉམ་པ་ཉིད་གྱུར་ཅིང་། །ཀུན་ཏུ་ལུས་ཀྱིས་རབ་གནས་ཏེ། །ཡེ་ཤེས་ཀུན་གྱི་རྗེས་སོང་ན། །སངས་རྒྱས་སྤྱོད་ཡུལ་ཞུགས་པའོ། །སངས་རྒྱས་ཡེ་ཤེས་ཞུགས་པ་རྣམས། །ཆོས་ཀྱི་དབྱིངས་ལ་རྣམ་པར་མཛེས། །སངས་རྒྱས་ཀུན་གྱི་
D44.035.0079b07.01