完整藏文原文 · 德格版页 当前仅加载第 35 函德格 363b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི་འགྲོ་བའི་རྗེས་སུ་སོང་བའི་བྱིན་གྱི་རླབས་མངའ་བ། གྲོགས་སྔོན་དུ་འགྲོ་བའི་དགེ་བའི་རྩ་བས་སེམས་ཅན་རྣམ་པར་དག་པར་མཛད་པ། འགྲོ་བ་ཐམས་ཅད་ཀྱི་སྨོན་ལམ་གྱི་རྗེས་སུ་སོང་བ་ཉམས་པ་མེད་པ། སེམས་ཅན་ཐམས་ཅད་ཀྱི་དགེ་བའི་
D44.035.0363b01.01རྩ་བ་ཡོངས་སུ་བཟུང་བས་དག་པར་མཛད་པ་ལ་{སྩོགས་,སོགས་}པའི་ཚུལ་གྱིས་ཡོངས་སུ་བྱུང་བ། བདུད་ཀྱི་དཀྲུགས་མ་ཐམས་ཅད་རྣམ་པར་འཇོམས་པར་བྱུང་བ། ཆགས་པ་མེད་པའི་མཐའི་སྟོབས་ཀྱིས་བྱུང་བ། འགྲོ་བ་ཐམས་ཅད་ཀྱིས་བལྟ་ན་འོད་ཤིན་ཏུ་
D44.035.0363b02.01དད་པར་སྣང་བ། ཡེ་ཤེས་ཀྱི་དབྱིངས་ཆགས་པ་མེད་པའི་སྙིང་པོའི་ཉི་མ་སེམས་ཅན་གང་ཡང་རུང་བ་ལ་ཆོས་ཀྱི་སྦྱིན་པ་མཛད་པ། འོད་གཟེར་གྱི་དཀྱིལ་འཁོར་གྱི་མཛོད་མཐའ་དང་དབུས་མེད་པ། དེ་བཞིན་གཤེགས་པའི་སྟོབས་ཀྱི་ཡེ་ཤེས་ཀྱི་དཀྱིལ་འཁོར་
D44.035.0363b03.01མངའ་བ། འགྲོ་བ་ཐམས་ཅད་ལ་སྣང་བར་གྱུར་པ། བསམ་པ་དང་ཡང་དག་པར་རྟོག་པ་ཐམས་ཅད་ཡོངས་སུ་རྫོགས་པ། ཕྱིར་རྒོལ་བ་ཤིན་ཏུ་བཅོམ་པ། ཡོན་གྱི་གནས་དམ་པ་མཆོག་དུ་གྱུར་པ། འགྲོ་བ་ཐམས་ཅད་ཀྱི་རྟེན་དུ་གྱུར་པ། ཡོན་
D44.035.0363b04.01ཏན་ཚད་མེད་པར་འགྱུར་བ། འགྲོ་བ་ཐམས་ཅད་ཡོངས་སུ་དག་པར་མཛད་པ། དགེ་བའི་རྩ་བ་ཆུང་ངུ་ཚད་མེད་པར་ཡོངས་སུ་འཛིན་པ། ཟད་མི་ཤེས་པའི་ཡེ་ཤེས་ཀྱི་སར་འཛུད་ཅིང་རབ་ཏུ་གཞོག་པ། འཇིག་རྟེན་ཐམས་ཅད་ཀྱི་དགེ་བའི་
D44.035.0363b05.01རྩ་བ་སེམས་ལ་རག་ལས་པར་ཡིད་ཆེས་པས་ཚད་མེད་པའི་བསོད་ནམས་དང་། ཡོན་ཏན་དག་པར་མཛད་པ། ཡེ་ཤེས་ཀྱི་ཚུལ་གྱིས་ངན་སོང་གསུམ་གྱི་འགྲོ་བ་ཡོངས་སུ་སྐྱོབ་པའོ། །ཞེས་རྣམ་པ་དེ་ལྟ་བུར་དེ་བཞིན་གཤེགས་པ་ལ་མོས་པ་རྣམ་པ་དེ་ལྟ་
D44.035.0363b06.01བུར། ཡང་དག་པར་རྫོགས་པའི་སངས་རྒྱས་ལ་ཡང་དག་པར་ལྟ་བ། རྣམ་པ་དེ་ལྟ་བུར་ཡེ་ཤེས་ཀྱི་མུ་སྟེགས་ལས་འབབ་པ། རྣམ་པ་དེ་ལྟ་བུའི་ཡོན་ཏན་རྒྱ་མཚོའི་གང་ཆེན་མཚོ་ཐམས་ཅད་ལ་འཇུག་པ། རྣམ་པ་དེ་ལྟ་བུའི་ཡེ་ཤེས་ཀྱི་ནམ་
D44.035.0363b07.01