完整藏文原文 · 德格版页 当前仅加载第 35 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཅིག །བཀྲ་ཤིས་དམ་པ་གང་ཞིག་གིས། །རྣམ་པར་གཟིགས་པ་སྐྱེས་བུའི་ཟླ་བ་མི་ཡི་མགོན། །རིན་ཆེན་རྒྱན་དུ་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །ཤིན་ཏུ་རྒྱས་པ་དོན་དམ་མཁས་ཤིང་བརྟན་པ་དེ། །
D44.035.0239b01.01མ་ལ་ཡའི་རྩེ་མོར་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །སངས་རྒྱས་སྟོན་མཆོག་ཐོགས་པ་མི་མངའ་བ། །དྲི་མེད་ཟླ་བར་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་
D44.035.0239b02.01དམ་པ་གང་ཞིག་གིས། །གྲགས་པ་དྲི་མ་མེད་པ་མགོན་པོ་པདྨོའི་བླ། །དྲི་མ་མེད་པར་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །མགོན་པོ་མར་མེ་མཛད་པ་འོད་སྣང་མངའ་བ་དེ། །འོད་ཟེར་དྲ་བར་གཤེགས་
D44.035.0239b03.01གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །ཇི་ལྟར་ལྷའི་དབང་པོ་བརྒྱ་བྱིན་གྱིས་སངས་རྒྱས་ཀྱི་མཐུས་ཡང་དག་པར་རྫོགས་པའི་སངས་རྒྱས་བཅུའི་རྒྱལ་བ་གཤེགས་པ་གླུར་བླངས་ཏེ་ཚིགས་སུ་བཅད་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་ན་ཡང་སངས་རྒྱས་ཀྱི་
D44.035.0239b04.01མཐུས་ལྷའི་དབང་པོ་རྣམས་དེ་བཞིན་གཤེགས་པའི་མཚན་གཞན་དང་གཞན་གྱིས། ཡང་དག་པར་རྫོགས་པའི་སངས་རྒྱས་བཅུའི་རྒྱལ་བ་གཤེགས་པ་དག་གླུར་ལེན་ཅིང་ཚིགས་སུ་བཅད་པར་གྱུར་ཏོ། །དེ་ནས་བཅོམ་ལྡན་འདས་རྣམ་པར་རྒྱལ་བའི་ཁང་པར་གཤེགས་ནས་སྐྱིལ་མོ་ཀྲུང་བཅས་
D44.035.0239b05.01ཏེ་བཞུགས་སོ། །བཅོམ་ལྡན་འདས་ཇི་ལྟར་བཞུགས་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་ན་ཡང་དེ་བཞིན་གཤེགས་པ་དག་གདན་དེ་དག་ལ་བཞུགས་པར་སྣང་ངོ་། །བཅོམ་ལྡན་འདས་དེ་ལྟར་བཞུགས་མ་ཐག་ཏུ་དེའི་ཚེ་སངས་རྒྱས་ཀྱི་མཐུས། རྣམ་པར་རྒྱལ་བའི་
D44.035.0239b06.01ཁང་པ་དེ་ཡང་སུམ་ཅུ་རྩ་གསུམ་ཐམས་ཅད་ཀྱི་ཁང་པ་དང་། ལྷའི་རིས་ཙམ་དུ་ཆེ་བར་སྣང་བར་གྱུར་ཏེ། འདི་ན་ཇི་ལྟ་བ་ལྟར་འཇིག་རྟེན་གྱི་ཁམས་ཐམས་ཅད་ནའང་དེ་བཞིན་ནོ། །དེ་བཞིན་གཤེགས་པ་རི་རབ་ཀྱི་རྩེར་གཤེགས་པའི་ལེའུ་སྟེ། {བཅྭོ་,བཅོ་}བརྒྱད་པའོ།། །།
D44.035.0239b07.01