完整藏文原文 · 德格版页 当前仅加载第 35 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཡུལ་དུ་འགྲོ་བ་ནི་གང་། སངས་རྒྱས་ཀྱི་ཡུལ་ལ་འཇུག་པ་ནི་ཇི་ལྟ་བུ། སངས་རྒྱས་ཀྱི་ཡུལ་ཁོང་དུ་ཆུད་པའི་ཤེས་པ་ནི་གང་། སངས་རྒྱས་ཀྱི་ཡུལ་གྱི་རྗེས་སུ་འགྲོ་བ་ནི་གང་། སངས་རྒྱས་ཀྱི་ཡུལ་ཤིན་ཏུ་བསྟན་པ་ནི་གང་། སངས་རྒྱས་ཀྱི་
D44.035.0209b01.01ཡུལ་ཤེས་པར་བྱ་བ་ནི་གང་། སངས་རྒྱས་ཀྱི་ཡུལ་རྟོགས་པ་ནི་གང་། སངས་རྒྱས་ཀྱི་ཡུལ་གྱི་ཚུལ་ནི་ཇི་ལྟ་བུ། སངས་རྒྱས་ཀྱི་ཡུལ་ནི་ཅི་ཙམ་དུ་ཡངས། དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་སེམས་དཔའ་དེ་དག་ཐམས་ཅད་ལ་ཚིགས་
D44.035.0209b02.01སུ་བཅད་དེ་སྨྲས་པ། །ནམ་མཁའི་ཡུལ་དང་འདྲ་བ་སྟེ། །ཀུན་ཏུ་འོད་ལ་འདྲ་བ་མེད། །སེམས་ཅན་ཐམས་ཅད་འཇུག་པ་སྟེ། །ཆོས་ཉིད་ལ་ནི་འཇུག་པ་མེད། །ཚོགས་རྣམས་ཐམས་ཅད་བསྟན་པར་ནི། །བསྐལ་པ་བྱེ་བར་མི་ནུས་ཏེ། །ཇི་སྙེད་རྒྱལ་བའི་
D44.035.0209b03.01ཚོགས་མངའ་བ། །དེ་ནི་སངས་རྒྱས་ཡུལ་ཡིན་ནོ། །བློ་གྲོས་སེམས་ཀྱང་ཇི་བཞིན་དུ། །སེམས་ཅན་ཐམས་ཅད་རབ་ཏུ་འཇུག །དེ་ལ་བསྟན་པ་ཐོགས་པ་མེད། །དེ་ནི་སངས་རྒྱས་ཡུལ་ཡིན་ནོ། །འཇིག་རྟེན་ཐམས་ཅད་འཇུག་པ་དང་། །འཇིག་རྟེན་རྒྱུ་བ་
D44.035.0209b04.01གང་ཡོད་པ། །དེ་དག་ཀུན་ལ་ཡེ་ཤེས་གནས། །གཟུགས་སུ་སྣང་བ་མ་ཡིན་ནོ། །སངས་རྒྱས་ཡེ་ཤེས་ཆགས་མེད་པ། །དུས་གསུམ་ཀུན་ལ་ཆགས་པ་མེད། །ནམ་མཁའ་འབྱུང་དང་མཚུངས་པ་ཡིན། །དེ་ནི་ཡེ་ཤེས་ཡུལ་ཡིན་ནོ། །ཆོས་ཀྱི་དབྱིངས་ནི་ཐ་
D44.035.0209b05.01མི་དད། །སེམས་ཅན་ཁམས་རྣམས་རྟོགས་པར་མཁྱེན། །དབྱིངས་རྣམས་ཐམས་ཅད་རབ་ཏུ་བརྙེས། །དེ་ནི་སངས་རྒྱས་ཡུལ་ཡིན་ནོ། །སྒྲར་གདགས་ཇི་སྙེད་ཡོད་པ་དང་། །སེམས་ཅན་ཀུན་གྱི་སྒྲ་སྐད་དུ། །སྒྲ་ལ་མཁྱེན་པ་ཐུགས་ཆུད་ཀྱང་། །རྣམ་པར་
D44.035.0209b06.01རྟོག་པ་གང་ཡང་མེད། །རྣམ་ཤེས་རྣམ་པར་ཤེས་བྱ་མེད། །སེམས་ཀྱིས་བརྗོད་པའང་མ་ཡིན་ཏེ། །ཡེ་ཤེས་རང་བཞིན་ཤིན་ཏུ་དག །སེམས་ཅན་རྣམས་ལའང་རབ་ཏུ་བཤད། །ཉོན་མོངས་མེད་ཅིང་ལས་མེད་དོ། །དངོས་པོ་མེད་ཅིང་གནས་པ་མེད། །སྣང་
D44.035.0209b07.01