完整藏文原文 · 德格版页 当前仅加载第 35 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཐམས་ཅད་ཀྱི་ཡོན་ཏན་གྱི་དཀྱིལ་འཁོར་ཅེས་བྱ་བའི་ཏིང་ངེ་འཛིན་ཁོང་དུ་ཆུད་དོ། །འདི་ལྟ་སྟེ་སངས་རྒྱས་ཀྱི་ཆོས་ཀྱི་དབྱིངས་ལ་སྒོ་ཀུན་ནས་རབ་ཏུ་འཇུག་པ་ཞེས་བྱ་བའི་ཏིང་ངེ་འཛིན་ཁོང་དུ་ཆུད་དོ། །འདི་ལྟ་སྟེ་ཚུལ་
D44.035.0149a01.01ཡངས་པའི་སྤྲིན་གྱི་སྙིང་པོ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པ་ཁོང་དུ་ཆུད་དོ། །འདི་ལྟ་སྟེ། འགྲོ་བ་ཐམས་ཅད་འདུལ་བའི་རྒྱན་ཆེན་པོ་ཞེས་བྱ་བའི་བྱམས་པ་ཆེན་པོ་ཁོང་དུ་ཆུད་དོ། །འདི་ལྟ་སྟེ་སྒྲ་ཡི་སྤྲིན་གྱིས་ཀུན་ཏུ་རྒྱས་པར་བྱེད་པ་ཞེས་བྱ་བའི་སྙིང་རྗེ་ཆེན་པོ་
D44.035.0149a02.01ཁོང་དུ་ཆུད་དོ། །འདི་ལྟ་སྟེ་ཡོན་ཏན་མཐའ་དང་དབུས་མེད་པས་ཡང་དག་པར་འཕགས་པ་ཞེས་བྱ་བ་དགའ་བ་ཆེན་པོ་ཁོང་དུ་ཆུད་དོ། །འདི་ལྟ་སྟེ་ཆོས་ཐམས་ཅད་ཇི་ལྟ་བ་བཞིན་དུ་རྟོགས་པ་ཞེས་བྱ་བའི་བཏང་སྙོམས་ཆེན་པོ་ཁོང་དུ་ཆུད་དོ། །འདི་ལྟ་སྟེ་ཚུལ་གྱི་གཞི་
D44.035.0149a03.01རྒྱ་ཆེན་པོ་རྒྱ་མཚོའི་སྙིང་པོ་ཞེས་བྱ་བའི་མངོན་པར་ཤེས་པ་ཆེན་པོ་ཁོང་དུ་ཆུད་དོ། །འདི་ལྟ་སྟེ་མོས་པ་རྒྱ་མཚོའི་སྟོབས་དང་ཤུགས་རྣམ་པར་འཕེལ་བར་བྱེད་པ་ཞེས་བྱ་བའི་སྨོན་ལམ་གྱི་ཚུལ་གྱི་སྒོ་ཆེན་པོ་ཁོང་དུ་ཆུད་དོ། །འདི་ལྟ་སྟེ་ཐམས་ཅད་མཁྱེན་པ་ཉིད་ཀྱི་ཡེ་ཤེས་ཀྱི་
D44.035.0149a04.01འོད་ལ་ཡང་དག་པར་གཞོལ་བའི་ཤུགས་ཞེས་བྱ་བ་ཐ་དད་པ་ཡང་དག་པར་ཤེས་པའི་ཡེ་ཤེས་ཆེན་པོའི་སྒོ་ཁོང་དུ་ཆུད་དོ། །དེ་ནས་རྒྱལ་པོ་གཞོན་ནུ་གཟི་བརྗིད་ཆེན་པོ་ཞེས་བྱ་བ་དེ་ཆོས་ཀྱི་སྣང་བ་ཆེན་པོ་ཐོབ་ནས། སངས་རྒྱས་ཀྱི་བྱིན་གྱི་རླབས་ཀྱིས་
D44.035.0149a05.01འཁོར་གྱི་ཚོགས་ཐམས་ཅད་ལ་ཚིགས་སུ་བཅད་དེ་སྨྲས་པ། །ཉི་མ་མང་པོ་སྟོང་གི་རྣམས། །མཁའ་ལ་མངོན་པར་འཕགས་པ་བཞིན། །སྙིང་པོ་བྱང་ཆུབ་དྲི་མེད་ལ། །སངས་རྒྱས་འོད་ནི་ཤིན་ཏུ་སྣང་། །བསྐལ་པ་བྱེ་བ་སྟོང་དག་གི། །མགོན་པོ་འཇིག་རྟེན་བྱུང་བ་ནི། །སངས་
D44.035.0149a06.01རྒྱས་ཡང་དག་སྐྱེས་པ་རྣམས། །རྒྱལ་བ་ཀུན་ན་རབ་ཏུ་སྣང་། །ལྟོས་ཤིག་སངས་རྒྱས་འོད་ཟེར་ལ། །སངས་རྒྱས་སྤྲིན་ནི་བསམ་མི་ཁྱབ། །གནས་རྣམས་ཀུན་ན་ཀུན་ཀྱང་སྣང་། །དེ་བཞིན་གཤེགས་པ་མཉམ་པར་གཞག །འོད་འཕྲོ་སྤྲིན་རྣམས་རབ་
D44.035.0149a07.01