完整藏文原文 · 德格版页 当前仅加载第 35 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མོས་མེད་པ། །དེ་དག་དེ་བཞིན་གཤེགས་བཞིན་རྣམ་པར་འཕྲུལ། །གང་རྣམས་དགའ་ཞིང་མོས་པ་མཐའ་ཡས་པ། །རྒྱལ་བ་རྣམས་ནི་ཤིན་ཏུ་རྣམ་དག་ཅིང་། །དེ་བཞིན་གཤེགས་པ་མཁའ་འདྲ་རྗེས་དྲན་པ། །དེ་དག་ལ་ནི་
D44.035.0194a01.01སྨོན་ལམ་འདི་ཡང་བཏབ། །སེམས་ཅན་དོན་ལ་གང་རྣམས་མོས་གྱུར་ཅིང་། །རེ་རེ་དག་གིས་མནར་མེད་སྡུག་བསྔལ་བ། །བསྐལ་པ་དཔག་མེད་སྨིན་པར་བྱ་དད་པ། །དེ་དག་སྐྱོན་མེད་ཕམ་མེད་ཤིན་ཏུ་སྲུང་། །གང་རྣམས་ལུས་དང་སྲོག་ལ་མི་ལྟ་ཞིང་། །སངས་
D44.035.0194a02.01རྒྱས་ཆོས་ལ་རྟག་ཏུ་བརྟུལ་ཞུགས་ཏེ། །མཁས་པ་བདག་མེད་རྣམ་པར་སུ་སྤྱོད་པ། །དེ་དག་སངས་རྒྱས་ཆོས་ཉིད་འོད་ཐོབ་པོ། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་འདས་ནས། ཤར་ཕྱོགས་ལོགས་སུ་འཇིག་རྟེན་གྱི་ཁམས་བརྒྱ་སྣང་བར་བྱས་པ་
D44.035.0194a03.01ནས་གཞུང་དེ་བཞིན་དུ་སྟེང་གི་ཕྱོགས་སུ་འཇིག་རྟེན་གྱི་ཁམས་བརྒྱ་སྣང་བར་བྱས་སོ། །འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏེ། འཇིག་རྟེན་གྱི་ཁམས་དེ་དག་གི་ཁོངས་སུ་གང་
D44.035.0194a04.01ཅི་ཡང་རུང་སྟེ། གཏོགས་པར་གྱུར་པ་དེ་དག་ཐམས་ཅད་རིལ་གྱིས་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་ཤིང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་པ་དེ་བཞིན་དུ་
D44.035.0194a05.01འཇིག་རྟེན་གྱི་ཁམས་རེ་རེའི་གླིང་བཞི་པ་བྱེ་བ་ཕྲག་བརྒྱ་ཀུན་ན་ཡང་དེ་བཞིན་གཤེགས་པ་རྣམས་བཞུགས་པར་སྣང་སྟེ། ཐམས་ཅད་དུ་ཡང་སངས་རྒྱས་ཀྱི་བྱིན་གྱི་རླབས་ཀྱིས། ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །བྱང་
D44.035.0194a06.01ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་དང་། སངས་རྒྱས་དཔལ་དང་། ནོར་དཔལ་དང་། རིན་ཆེན་དཔལ་དང་། ཡོན་ཏན་དཔལ་དང་། མིག་གི་དཔལ་དང་། བརྩོན་འགྲུས་དཔལ་དང་། ཆོས་ཀྱི་
D44.035.0194a07.01