完整藏文原文 · 德格版页 当前仅加载第 35 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་སངས་རྒྱས་རྣམ་པར་སྣང་མཛད་ཀྱིས། །སྣ་ཚོགས་རྒྱ་མཚོ་ཞིང་རྣམས་ཡོངས་སྦྱངས་པ། །ཤིན་ཏུ་རྒྱ་ཆེ་མཐའ་དང་དབུས་མེད་པ་འང་། །དེ་དག་ཀུན་ན་རྣམ་པར་འཕྲུལ་པ་བྱེད། །སྤོས་ཆུའི་རྒྱ་མཚོ་དེ་དག་རེ་རེ་ཞིང་ཡང་སྤོས་ཆུའི་ཆུ་
D44.035.0107a01.01ཀླུང་གཡས་ཕྱོགས་སུ་འཁོར་ཞིང་འབབ་པ་གླིང་བཞིའི་འཇིག་རྟེན་གྱི་ཁམས་རྡུལ་ཤིན་ཏུ་ཕྲ་བ་སྙེད་ཀྱིས་འཁོར་བར་བྱས་པ་སྟེ། སྤོས་ཆུའི་ཆུ་ཀླུང་དེ་དག་ཐམས་ཅད་ཀྱང་འཁོར་ཀུན་ནས་རྡོ་རྗེའི་པདྨོ་ཁ་དོག་དང་དྲི་མཐའ་ཡས་པས་བསྒྲུབས་པའོ། །ནོར་བུའི་འཁོར་ལོ་དང་ནོར་བུའི་འོད་རྣམ་པར་
D44.035.0107a02.01དག་པ་སྣ་ཚོགས་ཀྱིས་མཐའ་ཀུན་ནས་དཀྲིས་པའོ། །སངས་རྒྱས་ཀྱི་འོད་ཀྱི་དཀྱིལ་འཁོར་རིན་པོ་ཆེ་ཐམས་ཅད་ཀྱི་ཁ་དོག་ལྟ་བུས་རྣམ་པར་སྣང་བར་བྱས་པའི་འོད་ཟེར་གྱི་སྤྲིན་དང་ལྡན་པའོ། །སེམས་ཅན་ཐམས་ཅད་ཀྱི་སྒྲ་དབྱངས་སྒྲོག་པའི་དྲིལ་བུའི་དྲ་བ་རིན་པོ་
D44.035.0107a03.01ཆེ་ཐམས་ཅད་ཀྱི་ཁ་དོག་ཏུ་འདུག་པས་ཀུན་ནས་ཁེབས་པའོ། །སྤྱོད་པའི་འོད་ཀྱི་ཀློང་སངས་རྒྱས་ཐམས་ཅད་ཀྱི་མཚན་གྱི་དབྱིབས་ལྟ་བུ་རབ་ཏུ་འབྱུང་བའོ། །ནོར་བུའི་རྒྱལ་པོ་རྒྱན་ཐམས་ཅད་ནང་ན་སྣང་ཞིང་འོད་ཤིན་ཏུ་འབར་བ་འཇིག་རྟེན་གྱི་ཁམས་རྒྱ་མཚོ་ལྟ་བུར་
D44.035.0107a04.01སྣང་བ་ཐམས་ཅད་ཀྱིས་ཤིན་ཏུ་ཡོག་པར་བྱས་པའོ། །ནོར་བུའི་རྒྱལ་པོ་ཕྱོགས་བཅུའི་སངས་རྒྱས་ཀྱི་སྤྲུལ་པ་རྣམ་པར་སྣང་བ་དང་། སངས་རྒྱས་ཐམས་ཅད་ཀྱི་རྣམ་པར་འཕྲུལ་པའི་སྙིང་པོའི་མེ་ཏོག་ཤིན་ཏུ་རྒྱས་པས་ཀུན་ནས་ཁེབས་པའོ། །དུས་གསུམ་དུ་
D44.035.0107a05.01གཤེགས་པའི་སངས་རྒྱས་དང་བྱང་ཆུབ་སེམས་དཔའི་མཚན་གྱི་འཁོར་ལོ་དབྱངས་སུ་སྒྲོག་པའོ། །སྤོས་ཀྱི་ཆུ་དང་རིན་པོ་ཆེ་འོད་འཕྲོ་བ་ཐམས་ཅད་ཀྱི་འོད་དང་། འོད་ཟེར་གྱི་སྤྲིན་རབ་ཏུ་འབྱུང་བ་སྟེ། ཆུ་ཀླུང་དེ་དག་རེ་རེ་ཞིང་ཡང་རྒྱན་ཤིན་ཏུ་བསྟན་པ་འཇིག་
D44.035.0107a06.01རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་སྤོས་ཆུའི་ཆུ་ཀླུང་གི་རྒྱན་དང་། ཡོན་ཏན་རྒྱ་མཚོ་འདི་ཉིད་ཡོངས་སུ་བསྟན་པའི་ཕྱིར་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་
D44.035.0107a07.01