完整藏文原文 · 德格版页 当前仅加载第 35 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
དང་སྨོན་ལམ་རྒྱ་མཚོའི་སྒྲ་འབྱིན་པའོ། །རིན་པོ་ཆེ་ཐམས་ཅད་ཀྱི་འོད་ཟེར་གྱི་དཀྱིལ་འཁོར་གྱི་སྤྲིན་རྣམ་པར་སྣང་བའོ། །བྱང་ཆུབ་སེམས་དཔའི་ལུས་ཀྱི་སྤྲིན་མེ་ཏོག་སྣ་ཚོགས་ཀྱི་ཁ་དོག་ལྟ་བུ་རབ་ཏུ་འགྱེད་པའོ། །ཁ་དོག་དང་དབྱིབས་མཐའ་
D44.035.0106a01.01ཡས་པའི་གདུགས་ཀྱིས་ཁེབས་པར་རྣམ་པར་འཕྲུལ་པས་བརྒྱན་པའོ། །དམིགས་པ་ཐམས་ཅད་ལ་འཇིག་རྟེན་གྱི་ཁམས་མང་པོ་རྒྱ་ཆེན་པོ་ཐམས་ཅད་སྣང་བའོ། །ཕྱོགས་ཀུན་ནས་རིན་པོ་ཆེའི་ཐེམ་སྐས་ཀྱི་ཕྲེང་བ་བཅུ་རབ་ཏུ་བཀྱེ་བའོ། །མུ་ཏིག་རིན་པོ་ཆེ་ཐམས་
D44.035.0106a02.01ཅད་ཀྱི་ཁ་དོག་ལྟ་བུའི་མུ་ཁྱུད་ཀྱིས་ཀུན་ནས་བསྐོར་བའོ། །རིན་པོ་ཆེ་ཤེལ་གྱི་རྒྱལ་མཚན་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་བཅུས་ཀུན་ནས་བརྒྱན་པའོ། །འདི་ལྟ་སྟེ་ནོར་བུ་དང་མེ་ཏོག་གི་ཁང་པ་བརྩེགས་པ་ཆུ་ཀླུང་གངྒཱའི་བྱེ་མ་སྙེད་ཁ་དོག་མཐའ་ཡས་པ་
D44.035.0106a03.01བཅུས་ཀུན་ནས་བསྐོར་བའོ། །འདི་ལྟ་སྟེ་ནོར་བུ་ཐམས་ཅད་ཀྱི་པདྨོ་ཡིད་དུ་འོང་བའི་གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུས་ཀུན་ནས་བསྐོར་བའོ། །འདི་ལྟ་སྟེ་ནོར་བུ་རྡོ་རྗེ་ཤིན་ཏུ་སྲ་བའི་གླིང་བཞིའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱིས་རབ་ཏུ་བསྒྲུབས་
D44.035.0106a04.01པའོ། །རིན་པོ་ཆེ་ཐམས་ཅད་ཀྱི་མེ་ཏོག་པུནྡ་རི་ཀ་དང་། སྤོས་ཀྱི་ཆུ་ཡོངས་སུ་རྒྱས་པས་ཀུན་ནས་བསྐོར་བའོ། །འདི་ལྟ་སྟེ་རིན་པོ་ཆེའི་ཤིང་གི་ཕྲེང་བ་རིན་པོ་ཆེ་འབར་ཞིང་ཀུན་ནས་འཕྱང་བའི་ནོར་བུའི་དྲ་བ་ཅན་གླིང་བཞིའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་
D44.035.0106a05.01སྙེད་ཀྱིས་ཀུན་ནས་བསྐོར་བའོ། །ཙནྡན་དང་སྤོས་དང་ནོར་བུ་མང་པོ་སྒྲ་ཐམས་ཅད་དང་སངས་རྒྱས་ཀྱི་འོད་ཀྱི་དཀྱིལ་འཁོར་གྱི་ཕྱག་གིས་རྣམ་པར་སྣང་བར་བྱས་པ་ཆུ་ཀླུང་གངྒཱའི་བྱེ་མ་སྙེད་ཀྱིས་འགྲམ་ཤིན་ཏུ་བརྒྱན་པའོ། །འདི་ལྟ་སྟེ་རིན་པོ་ཆེ་དང་གོས་དང་རྒྱལ་
D44.035.0106a06.01མཚན་དང་། དྲིལ་བུ་མང་པོ་ཐམས་ཅད་ཀྱི་སྒྲ་འབྱུང་བས་རྒྱན་ཤིན་ཏུ་རྒྱས་པའོ། །རིན་པོ་ཆེ་ཡིད་དུ་འོང་བའི་ནོར་བུ་ཐམས་ཅད་ཀྱི་ར་བ་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པས་ཀུན་ནས་བསྐོར་བའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་
D44.035.0106a07.01