完整藏文原文 · 德格版页 当前仅加载第 35 函德格 387b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོ་འཕྲུལ་ལ་མི་ཕྱེད་པར་དད་པ་ཡིན། བྱང་ཆུབ་སེམས་དཔའི་ཐབས་མཁས་པའི་སྤྱོད་པ། རྣམ་པ་ཐ་དད་པ་སྣ་ཚོགས་ཀྱིས་ཡང་དག་པར་གཟུང་བ་དམིགས་པ་ཀུན་ཏུ་རྒྱུ་བ། གཞན་དང་གཞན་ཅན་དེ་དག་ཐམས་ཅད་ལ་མི་ཕྱེད་པར་དད་པ་ཡིན་ཏེ། དེ་ལྟར་
D44.035.0387b01.01མི་ཕྱེད་པའི་གནས་རབ་ཏུ་ཐོབ་པའི། བྱང་ཆུབ་སེམས་དཔའ་སེམས་དཔའ་ཆེན་པོ་ནི་དགེ་བའི་རྩ་བ་ཅི་ཡང་རུང་སྟེ། སངས་རྒྱས་སམ། བྱང་ཆུབ་སེམས་དཔའ་འམ། ཉན་ཐོས་སམ། རང་སངས་རྒྱས་སམ། སངས་རྒྱས་ཀྱི་བསྟན་པའམ།
D44.035.0387b02.01སེམས་ཅན་རྣམས་ལ་{དམྱིགས་,དམིགས་}པ་གང་དགེ་བའི་རྩ་བ་སྣ་ཚོགས་སམ། དགེ་བའི་རྩ་བ་རྣམ་པ་ཐ་དད་པའམ། བྱང་ཆུབ་ཏུ་སེམས་བསྐྱེད་པ་རྣམ་པར་འཕེལ་བར་བྱ་བ་འམ། བྱམས་པ་བསྒོམ་པའི་དགེ་བའི་རྩ་བ་ཡང་དག་པར་བསྐྱེད་པས་ཀྱང་རུང་སྟེ།
D44.035.0387b03.01སྙིང་རྗེ་ཆེན་པོ་ཡངས་པ། ཚད་མེད་པ། ཡང་དག་པར་མཐོང་བས། བྱང་ཆུབ་ཏུ་སེམས་བསྐྱེད་པ་ཡངས་པར་བྱ་བ་དང་། སངས་རྒྱས་ཐམས་ཅད་ཀྱི་རྗེས་སུ་བསླབ་པ་དང་། སངས་རྒྱས་ཐམས་ཅད་ཀྱི་རྗེས་སུ་ནན་ཏན་དུ་བྱ་བ་དང་། དགེ་བའི་རྩ་བ་ཐམས་ཅད་
D44.035.0387b04.01ཡང་དག་པར་བསྡུ་བ་དང་། དོན་ཤེས་པ་ལ་ཡང་དག་པར་འཇུག་པར་བྱ་བ་དང་། བསོད་ནམས་ཀྱི་ཚོགས་ཡང་དག་པར་བསྒྲུབ་པ་དང་། སྦྱིན་པའི་ཚོགས་རབ་ཏུ་བརྩམ་པ་དང་། ཡོན་ཏན་ཐམས་ཅད་ཀྱི་ཚོགས་ལ་རབ་ཏུ་འཇུག་པར་བྱ་བ་དང་། དུས་གསུམ་
D44.035.0387b05.01མཉམ་པ་ཉིད་དུ་རྣམ་པར་དཔྱོད་པར་བྱེད་ཅིང་། དེ་དགེ་བའི་རྩ་བ་དེ་དག་ཐམས་ཅད་མཁྱེན་པའི་ཚོགས་བསག་པའི་ཕྱིར་ཡོངས་སུ་བསྔོའོ། །སངས་རྒྱས་ཐམས་ཅད་བལྟ་བ་དང་མི་འབྲལ་བ་ཡོངས་སུ་རྫོགས་པར་བྱ་བ་དང་། དགེ་བའི་བཤེས་གཉེན་ཐམས་ཅད་
D44.035.0387b06.01དང་མི་འབྲལ་བ་རབ་ཏུ་ཐོབ་པར་བྱ་བ་དང་། བྱང་ཆུབ་སེམས་དཔའ་ཐམས་ཅད་དང་མི་འབྲལ་བར་འགྲོགས་པ་དང་། ཐམས་ཅད་མཁྱེན་པར་སེམས་བསྐྱེད་པ་ཡིད་ལ་བྱ་བ་དང་མི་འབྲལ་བ་དང་། སངས་རྒྱས་ཐམས་ཅད་ཀྱི་བསྟན་པ་ཡང་དག་པར་གཟུང་ཞིང་བསྲུང་བ་
D44.035.0387b07.01