完整藏文原文 · 德格版页 当前仅加载第 35 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར་བ་སྐྱོ་བ་མེད་པས་མཆོད་བྱས་ནས། །དེ་དག་བདུད་བཞིའི་ལམ་ལས་ཡོངས་འདས་ཏེ། །མྱུར་དུ་བྱང་ཆུབ་བླ་མེད་རབ་ཏུ་ཐོབ། །སེམས་ཅན་མང་པོ་བརྩོན་འགྲུས་བསྐུལ་བྱས་ཏེ། །དཀོན་མཆོག་གསུམ་ལ་མཆོད་པ་རབ་བྱས་
D44.035.0229a01.01ནས། །ཐ་མའི་དུས་སུ་དམ་ཆོས་ཡོངས་སུ་བཟུང་། །དེས་ནི་བརྩོན་ལྡན་འོད་ཟེར་དེ་གྲུབ་པོ། །འོད་ཟེར་ཞི་བར་བྱེད་པ་རབ་བཀྱེ་ཞིང་། །རྣམ་འཁྲུགས་སེམས་ཅན་ཇི་སྙེད་དེས་བསྐུལ་བ། །དེ་དག་འདོད་ཆགས་ཞེ་སྡང་གཏི་མུག་རྣམས། །ཉམས་སུ་མི་
D44.035.0229a02.01གནོད་མཉམ་བཞག་སེམས་སུ་གྱུར། །སྡིག་ཏོའི་གྲོགས་པོ་ཉེས་ལྡན་སྤྱོད་ཅན་དང་། །འདུ་འཛི་ཡོངས་སུ་རྣམ་པར་སྤངས་བྱས་ཏེ། །བསམ་གཏན་ཞི་བའི་དགོན་པ་རབ་བསྔགས་པས། །དེས་ནི་ཞི་བྱེད་འོད་ཟེར་དེ་གྲུབ་པོ། །འོད་ཟེར་ཤེས་རབ་རྣམ་བརྒྱན་
D44.035.0229a03.01རབ་བཀྱེ་ཞིང་། །ཤེས་རབ་འཆལ་པ་ཇི་སྙེད་དེས་བསྐུལ་པ། །བདེན་དང་བརྟན་དང་རྣམ་ཐར་ཚུལ་རྣམས་དང་། །དབང་པོའི་རྒྱུས་ལ་རྟོག་པར་ཤེས་གྱུར་ཅིང་། །ཉི་མ་སྒྲོན་མའི་ཏིང་འཛིན་ཐོབ་གྱུར་ནས། །ཤེས་རབ་འོད་གསལ་མཛད་པའི་རྒྱལ་བར་འགྱུར། །
D44.035.0229a04.01རྒྱལ་སྲིད་ནོར་དང་བདག་ཕོངས་ཡོངས་བཏང་སྟེ། །བྱང་ཆུབ་དོན་དུ་ཆོས་རྣམས་གང་བཙལ་བ། །དེ་དག་རིམ་གྲོར་རབ་ཏུ་བརྗོད་བྱས་པས། །ཤེས་རབ་རྣམ་བརྒྱན་འོད་ཟེར་དེས་གྲུབ་པོ། །འོད་ཟེར་སངས་རྒྱས་ལྡན་པ་རབ་བཀྱེ་ཞིང་། །སེམས་ཅན་ཇི་སྙེད་
D44.035.0229a05.01འོད་ཟེར་དེས་བསྐུལ་བ། །སངས་རྒྱས་བསམ་གྱིས་མི་ཁྱབ་ཤིན་ཏུ་མང་། །པད་མོ་མཆོག་ལ་བཞུགས་པར་རབ་ཏུ་མཐོང་། །སངས་རྒྱས་བདག་ཉིད་ཆེ་དང་རྣམ་ཐར་དང་། །སངས་རྒྱས་རྣམ་འཕྲུལ་མཐའ་ཡས་ཡོངས་བསྟན་ཏེ། །སངས་རྒྱས་
D44.035.0229a06.01སྟོབས་དང་རྫུ་འཕྲུལ་བརྗོད་བྱས་པས། །སངས་རྒྱས་ལྡན་པའི་འོད་ཟེར་དེས་གྲུབ་པོ། །འོད་ཟེར་མི་འཇིགས་སྦྱིན་པ་རབ་བཀྱེ་ཞིང་། །འཇིགས་མནར་སེམས་ཅན་ཇི་སྙེད་དེས་ཕོག་པ། །འབྱུང་པོ་གཟའ་དང་བསད་ཅིང་བརྡེག་པ་དང་། །ནད་ཀྱིས་
D44.035.0229a07.01