完整藏文原文 · 德格版页 当前仅加载第 35 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་ཏེ་འཁོད་དོ། །དེ་ནས་ཡང་འཇིག་རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་འོག་གི་ཕྱོགས་ན་འཇིག་རྟེན་གྱི་ཁམས་རྒྱ་མཚོ་པདྨོ་དྲི་ཞིམ་དཔལ་གྱི་སྙིང་པོ་ཞེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་ལས་འཇིག་རྟེན་གྱི་ཁམས་རིན་པོ་ཆེའི་
D44.035.0073b01.01སེང་གེ་སྣང་ཞིང་འབར་བ་ན་དེ་བཞིན་གཤེགས་པ་ཆོས་ཀྱི་དབྱིངས་སྣང་བར་མཛད་པའི་འོད་ཟེར་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་ཆོས་ཀྱི་དབྱིངས་སུ་འོད་འཕྲོ་བ་རྣམ་པར་སྣང་བ་འབྱུང་བའི་བློ་གྲོས་ཤེས་བྱ་བ། བྱང་ཆུབ་
D44.035.0073b02.01སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་འཕགས་ནས། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། རིན་པོ་ཆེ་ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་རློབ་ཅིང་།
D44.035.0073b03.01སྤོས་ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེ་འོད་འཕྲོ་བ་ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སངས་རྒྱས་ཀྱི་ཆོས་ཐམས་ཅད་བརྗོད་
D44.035.0073b04.01པས་ཁྱབ་པར་བྱེད་པའི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སངས་རྒྱས་ཀྱི་ཞིང་ཐམས་ཅད་ཀྱི་རྒྱན་གྱིས་རྣམ་པར་སྣང་བར་བྱས་པའི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། མེ་ཏོག་གི་ཁང་
D44.035.0073b05.01པ་བརྩེགས་པ་ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། བསྐལ་པ་ཐམས་ཅད་གཅིག་ནས་གཅིག་ཏུ་བརྒྱུད་པར་སངས་རྒྱས་ཡང་དག་པར་འབྱུང་ཞིང་སེམས་ཅན་ཡོངས་སུ་སྨིན་པར་བྱ་བར་བརྗོད་པའི་འོད་
D44.035.0073b06.01ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེ་ཟད་མི་ཤེས་པ་ཐམས་ཅད་དང་མེ་ཏོག་ཐམས་ཅད་ཀྱི་ཟེ་བའི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། དེ་དག་ལ་{སྩོགས་,སོགས་}པ་འོད་ཟེར་གྱི་སྤྲིན་
D44.035.0073b07.01