完整藏文原文 · 德格版页 当前仅加载第 35 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱི་སྨོན་ལམ་དབང་གིས་གསལ། །སངས་རྒྱས་ཀུན་གྱི་འཁོར་རྣམས་ནི། །ཁྱོད་ཀྱི་ལུས་ཀྱང་རབ་ཏུ་གནས། །སངས་རྒྱས་ཀུན་གྱི་སྨོན་ལམ་དག །མཐའ་དང་དབུས་མེད་རྒྱ་མཚོ་ལ། །བློ་ཆེན་གང་རྣམས་འཇུག་
D44.035.0153a01.01པ་ན། །དེ་དག་ཚུལ་འདི་གནས་པར་འགྱུར། །ང་ལ་མཆོད་པ་བྱས་པས་ཀྱང་། །གཟི་བརྗིད་ཆེན་པོ་སྟོབས་ཆེན་གྱིས། །སེམས་ཅན་རི་རབ་རྡུལ་མཉམ་པ། །བྱང་ཆུབ་ཡོངས་སུ་སྨིན་པར་བྱས། །བྱང་ཆུབ་སེམས་དཔའ་གྲགས་ཆེན་དག །ཀུན་
D44.035.0153a02.01ཏུ་བཟང་པོ་དཔའ་བའི་རྣམས། །ཆོས་ཀྱི་དབྱིངས་ནི་ཀུན་བཀང་ཞིང་། །ཞིང་གི་རྒྱ་མཚོ་དག་པར་བྱེད། །ཀྱེ་རྒྱལ་བའི་སྲས་དག་དེ་ལ་བསྐལ་པ་རྒྱ་ཆེན་པོ་རིག་པ་ཞེས་བྱ་བ་དེ་ལ་བསྐལ་པ་བར་མ་ཆུ་ཀླུང་གང་གཱའི་བྱེ་མ་སྙེད་ཅིག་བྱུང་སྟེ། དེའི་དུས་ན་མི་རྣམས་
D44.035.0153a03.01ཀྱི་ཚེ་ཡང་བསྐལ་པ་བར་མ་གཉིས་ཐུབ་པར་གྱུར་ཏེ། རྒྱལ་བའི་སྲས་དག་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་བོ་རི་རབ་དཔལ་གྱི་སྤྲིན་དེའི་སྐུ་ཚེའི་ཚད་ནི་ལོ་བྱེ་བ་ཕྲག་ལྔ་བཅུར་གྱུར་ཏོ། །དེ་ཡོངས་སུ་མྱ་ངན་ལས་འདས་ནས། དེ་བཞིན་གཤེགས་
D44.035.0153a04.01པ་ཕ་རོལ་ཏུ་ཕྱིན་པའི་སྤྱན་བཟང་པོའི་རྒྱན་གྱི་རྒྱལ་པོ་ཞེས་བྱ་བ་འཇིག་རྟེན་དུ་ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་དེ་ཉིད་ལ་བྱུང་སྟེ། དེ་བཞིན་གཤེགས་པ་ཕ་རོལ་ཏུ་ཕྱིན་པའི་སྤྱན་བཟང་པོ་རྒྱན་གྱི་རྒྱལ་པོ་དེ་མངོན་པར་སངས་རྒྱས་
D44.035.0153a05.01པའི་རྣམ་པར་འཕྲུལ་པ་རྒྱལ་བུ་གཞོན་ནུ་གཟི་བརྗིད་ཆེན་པོས་མཐོང་ངོ་། །མཐོང་ནས་ཀྱང་སྒོ་རྒྱ་མཚོ་མཐའ་ཡས་པའི་སྙིང་པོ་ཞེས་བྱ་བ་རབ་ཏུ་ཐོབ་པོ། །ཡེ་ཤེས་རྒྱ་ཆེན་པོའི་བྱིན་གྱི་རླབས་དང་ཆོས་ཀྱི་ཀློང་གི་གཟུངས་ཀྱང་རབ་ཏུ་ཐོབ་བོ། །ཀུན་གྱི་རྗེས་སུ་
D44.035.0153a06.01སོང་བར་འགྲོ་བ་འདུལ་བའི་རྣམ་པར་ཐར་པ་ཞེས་བྱ་བའི་བྱམས་པ་ཆེན་པོ་ཡང་རབ་ཏུ་ཐོབ་བོ། །དམིགས་པའི་སྒོའི་སྤྲིན་ཐམས་ཅད་ཀྱིས་རྒྱས་པར་བྱེད་པ་ཞེས་བྱ་བའི་སྙིང་རྗེ་ཆེན་པོ་ཡང་རབ་ཏུ་ཐོབ་བོ། །སངས་རྒྱས་ཐམས་ཅད་ཀྱི་ཡོན་ཏན་རྒྱ་མཚོ་དང་བྱིན་གྱི་
D44.035.0153a07.01