完整藏文原文 · 德格版页 当前仅加载第 35 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེར་ཏེ། སྐྱེས་བུ་བཅུ་སྔོན་དུ་འགྲོ་བས་ཕྱོགས་བཅུ་རེ་རེ་ལ་སྐྱེས་བུ་རེ་རེ་ཞིང་ཡང་ཕྱོགས་བཅུར་བྱས་ན། ཀྱེ་རྒྱལ་བའི་སྲས་དེ་ལ་ཇི་སྙམ་དུ་སེམས། སྐྱེས་བུ་དེ་ལ་{སྩོགས་,སོགས་}པའི་མིའི་འཇིག་རྟེན་གྱི་ཁམས་ཚད་མེད་པ་
D44.035.0273a01.01བཅུར་གཏོགས་པ་དེ་དག་ལ་དེའི་རྒྱུས་བསོད་ནམས་ཀྱི་ཕུང་པོ་ཆེར་འཕེལ་ལམ། སྨྲས་པ། ཀྱེ་རྒྱལ་བའི་སྲས་དེ་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཡེ་ཤེས་ཀྱིས་ཐུགས་སུ་ཆུད་པར་ཟད་དོ། །སྨྲས་པ། ཀྱེ་རྒྱལ་བའི་སྲས་
D44.035.0273a02.01བྱང་ཆུབ་སེམས་དཔའ་སེམས་དང་པོ་བསྐྱེད་པའི་བསོད་ནམས་ཀྱི་ཕུང་པོ་ཇི་ཙམ་ཡོད་པའི་བསོད་ནམས་ཀྱི་ཕུང་པོ་དེ་ལ་བསྐལ་པ་ཚད་མེད་པར་མཉེས་པར་བྱས་པའི་སངས་རྒྱས་མཆོད་པ་དང་། རིམ་གྲོ་ལས་བྱུང་བའི་བསོད་ནམས་ཀྱི་ཕུང་པོ་སྔ་མ་དེས་ནི་བརྒྱའི་ཆར་
D44.035.0273a03.01ཡང་ཉེ་བར་མི་འགྲོའོ། །སྟོང་གི་ཆ་དང་། བརྒྱ་སྟོང་གི་ཆ་དང་། བྱེ་བ་བརྒྱ་སྟོང་གི་ཆར་ཡང་ཉེ་བར་མི་འགྲོའོ། །གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ། །ཀྱེ་རྒྱལ་བའི་སྲས་དཔེ་སྔ་མ་
D44.035.0273a04.01དེ་དག་ལྟ་ཡང་ཞོག་གི། ཀྱེ་རྒྱལ་བའི་སྲས་འདི་ལ་སྐྱེས་བུ་གཉིས་པ་ཞིག་བྱུང་སྟེ། དེའི་སེམས་བསྐྱེད་པ་གཅིག་གིས། སྐྱེས་བུ་སྔ་མ་དེ་དང་འགྲོ་བ་ཕལ་འཇིག་རྟེན་གྱི་ཁམས་ཚད་མེད་པར་གཏོགས་པ་སྔ་མ་རྣམས་ཀྱིས། བསྐལ་པ་
D44.035.0273a05.01ཚད་མེད་པར་སངས་རྒྱས་མཆོད་པ་དང་། རིམ་གྲོར་མངོན་པར་འདུ་བྱས་པ་དེ་དེ་དག་སེམས་བསྐྱེད་པ་གཅིག་གིས་མངོན་པར་འདུ་བྱེད་ལ། ཚུལ་དེ་ལྟ་བུར་སེམས་བསྐྱེད་པ་རེ་རེར་མཉེས་པར་བྱེད་པས། ཤར་ཕྱོགས་ལོགས་སུ་འཇིག་རྟེན་
D44.035.0273a06.01གྱི་ཁམས་ཚད་མེད་པར་གཏོགས་པའི་སེམས་ཅན་རྣམས་དང་ལྷན་ཅིག་པས། སངས་རྒྱས་བཅོམ་ལྡན་འདས་ཚད་མེད་པ་མཉེས་པར་བྱས་ཏེ། གཞུང་དེ་བཞིན་དུ། ཐོག་མ་ལ་ཇི་སྐད་དུ་བརྗོད་པ་དེ་བཞིན་དུ་གཉིས་པ་ལ་དཔག་ཏུ་མེད་པ་
D44.035.0273a07.01