完整藏文原文 · 德格版页 当前仅加载第 35 函德格 355b 版页；藏文 NFD、目录标记与异常页序保留在来源切片中，重复版页行以稳定序号区分。
རིམ་གྲོ་ཆེར་བྱ་བ། འབྲས་བུ་ཆེ་བའི་ལྷ་བྱེ་བ་བརྒྱ་སྟོང་ཕྲག་བཅུས་ལུས་ཤིན་ཏུ་བཏུད་པ། མི་ཆེ་བའི་ལྷ་བྱེ་བ་བརྒྱ་སྟོང་ཕྲག་བཅུས་དད་པའི་རྩ་བ་བརྟན་པར་བྱས་ཏེ། མངོན་པར་བརྗོད་ཅིང་ལུས་བཏུད་པ། མི་གདུང་བའི་ལྷ་བྱེ་བ་བརྒྱ་སྟོང་
D44.035.0355b01.01ཕྲག་བཅུས་སངས་རྒྱས་ཀྱི་སྤྱན་སྔ་ནས་ཐལ་མོ་སྦྱར་ཞིང་ངོམས་མི་ཤེས་པར་བལྟ་བ། གྱ་ནོམ་སྣང་བའི་ལྷ་བྱེ་བ་བརྒྱ་སྟོང་ཕྲག་བཅུས་མངོན་པར་བལྟས་ཏེ་ལུས་བཏུད་པ། ཤིན་ཏུ་མཐོང་བའི་ལྷ་བྱེ་བ་བརྒྱ་སྟོང་ཕྲག་བཅུས་སངས་རྒྱས་
D44.035.0355b02.01ཀྱིས་བསྟན་པ་ངོམས་མི་ཤེས་པར་ལུས་དབུལ་བ། འོག་མིན་གྱི་ལྷ་བྱེ་བ་བརྒྱ་སྟོང་ཕྲག་བཅུས་སྤྱི་བོས་བཏུད་ཅིང་མཆོད་པ། ལྷ་སྣ་ཚོགས་བྱེ་བ་བརྒྱ་སྟོང་ཕྲག་བཅུས་དགའ་བ་ཆེན་པོས་སྣང་བའི་སྒྲ་ཕྱུང་བ། ལྷ་བྱེ་བ་བརྒྱ་སྟོང་ཕྲག་
D44.035.0355b03.01བཅུས་ཤིན་ཏུ་བསམས་ཤིང་བསྒྲུབས་ཏེ་བརྒྱན་པ། ལྷའི་བྱང་ཆུབ་སེམས་དཔའ་བྱེ་བ་བརྒྱ་སྟོང་ཕྲག་བཅུས་སངས་རྒྱས་ཀྱི་གདན་བསྒྲུབ་པ་ལ་བྱིན་གྱིས་བརླབ་རྒྱུན་མི་གཅད་པ། ལྷའི་བྱང་ཆུབ་སེམས་དཔའ་ཆེན་པོ་བྱེ་བ་བརྒྱ་སྟོང་
D44.035.0355b04.01ཕྲག་བཅུ་མེ་ཏོག་ཐོགས་པ་དང་། སྤོས་ཐོགས་པ་དང་། ཕྲེང་བ་ཐོགས་པ་དང་། ཕྱེ་མ་ཐོགས་པ་དང་། བྱུག་པ་ཐོགས་པ་དང་། ན་བཟའ་ཐོགས་པ་དང་། གདུགས་ཐོགས་པ་དང་། རྒྱལ་མཚན་ཐོགས་པ་དང་། བ་དན་
D44.035.0355b05.01ཐོགས་པ་དང་། རིན་པོ་ཆེ་ཐོགས་པ་དང་། ཕྱང་འཕྲུལ་ཐོགས་པ་དང་། ལྷབ་ལྷུབ་ཐོགས་པས་མངོན་པར་གཏོར་ཞིང་ཆར་དུ་ཕབ་སྟེ་རབ་ཏུ་དགྱེ་བ། ལྷ་བྱེ་བ་བརྒྱ་སྟོང་ཕྲག་བཅུས་ལྷའི་ཁྱིམ་མངོན་པར་འཕགས་པ་གཅིག་ནས་
D44.035.0355b06.01གཅིག་ཏུ་བརྒྱུད་པའི་ཕ་རོལ་ཏུ་ཕྱིན་པར་བྱ་བ། ལྷའི་གཞལ་མེད་ཁང་བྱེ་བ་བརྒྱ་སྟོང་ཕྲག་བཅུའི་ལྷའི་བུས་དད་པར་བསུ་བ། ལྷའི་བུ་བཙུན་པ་བྱེ་བ་བརྒྱ་སྟོང་ཕྲག་བཅུས་ལྷུན་ཤིན་ཏུ་བཟུང་བ། དབང་བསྐུར་བའི་ལྷའི་བུ་བྱེ་བ་བརྒྱ་སྟོང་
D44.035.0355b07.01