完整藏文原文 · 德格版页 当前仅加载第 35 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
རུང་སྟེ་གཏོགས་པར་གྱུར་པ་དེ་དག་ཐམས་ཅད་རིལ་གྱིས་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་པར་སྣང་བ་དེ་བཞིན་དུ། འཇིག་རྟེན་གྱི་ཁམས་རེ་རེའི་གླིང་བཞི་པ་བྱེ་བ་ཕྲག་བརྒྱ་ཀུན་ན་ཡང་། དེ་བཞིན་གཤེགས་པ་སངས་
D44.035.0195b01.01རྒྱས་ཀྱི་གདན་ལ་བཞུགས་པར་སྣང་ངོ་། །ཐམས་ཅད་དུ་ཡང་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་
D44.035.0195b02.01དཔལ་ཞེས་བྱ་བ་ནས་བཟང་པོའི་དཔལ་གྱི་བར་དུའོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་མདོག་ཅེས་བྱ་བ་ནས་འདྲ་བའི་མདོག་ཅེས་བྱ་བའི་བར་དག་གོ །
D44.035.0195b03.01བྱང་ཆུབ་སེམས་དཔའ་དེ་དག་ཀྱང་ཐམས་ཅད་དེ་བཞིན་གཤེགས་པ་མཚན་འདི་ཞེས་བྱ་བའི་ཞམ་རིང་ན་ཚངས་པའི་སྤྱད་པ་སྤྱོད་པ་དག་སྟེ། འདི་ལྟར་རིག་བྱེད་མི་གཡོ་བ་ཞེས་བྱ་བ་ནས་རིག་བྱེད་སྣ་ཚོགས་ཞེས་བྱ་བའི་བར་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་
D44.035.0195b04.01རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་པ་དག་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་
D44.035.0195b05.01ན་ཇི་ལྟ་བ་དེ་བཞིན་ཐམས་ཅད་ན་ཡང་བརྗོད་དོ། །དེའི་ཚེ་ཚིགས་སུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །གང་གིས་བདེ་གཤེགས་རྣམས་ཀྱི་ཆོས་ཟབ་པ། །ཟིལ་གྱིས་ནོན་པ་བརྗོད་པ་མེད་པ་རྣམས། །གང་ལ་འཇིག་རྟེན་རྟག་ཏུ་མྱོས་འགྱུར་བ།
D44.035.0195b06.01དེ་དག་ཐམས་ཅད་རིམ་གྱིས་རབ་ཏུ་སྟོན། །གལ་ཏེ་བདག་གཅིག་མེད་དུ་ཟིན་ན་ནི། །དེ་ཡི་སྤྱོད་ཡུལ་སྟོང་པ་ཞི་བའང་མེད། །རང་བྱུང་རྡུལ་རྣམས་ཤིན་ཏུ་བསྩལ་བ་ཡི། །བདེ་གཤེགས་རྣམས་ཀྱི་སྐུ་ཡང་ཇི་ལྟར་འབྱུང་། །མཁྱེན་དང་རྣམ་གྲོལ་
D44.035.0195b07.01