完整藏文原文 · 德格版页 当前仅加载第 35 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་སུ་སྣང་། །འགྲོ་བ་ཀུན་གྱི་སྡུག་བསྔལ་ཀུན་ཞི་མཛད། །དེ་ལ་བྱང་ཆུབ་སེམས་དཔའ་འོད་ཟེར་རྒྱ་མཚོ་འོད་ཆེན་དཔལ་གྱི་ཟླ་བའི་རྣམ་པར་ཐར་པ་ནི། ཕ་རོལ་ཏུ་ཕྱིན་པ་དང་སའི་ཤུགས་ཀྱིས་སེམས་ཅན་གྱི་ཁམས་ཀྱི་ཚུལ་དང་། སངས་
D44.035.0056a01.01རྒྱས་ཀྱི་ཞིང་རྣམ་པར་དག་པ་ཡང་དག་པར་འབྱུང་བ་ཞེས་བྱའོ། །བྱང་ཆུབ་སེམས་དཔའ་སྤྲིན་གྱི་ང་རོ་རྒྱ་མཚོ་དྲི་མེད་འོད་ཀྱི་སྙིང་པོའི་རྣམ་པར་ཐར་པ་ནི། བྱང་ཆུབ་སེམས་དཔའ་ཐམས་ཅད་ཀྱི་སེམས་སྐད་ཅིག་ལ་ཆོས་ཀྱི་དབྱིངས་ཀྱི་ཚུལ་གྱིས་ཁྱིམ་སྣ་ཚོགས་ལ་རྣམ་པར་
D44.035.0056a02.01ལྟ་བ་ཞེས་བྱའོ། །བྱང་ཆུབ་སེམས་དཔའ་ཡོན་ཏན་རིན་ཆེན་འབྱུང་བ་ཡེ་ཤེས་དཔལ་གྱི་གཙུག་ཕུད་ཀྱི་རྣམ་པར་ཐར་པ་ནི། བསྐལ་པ་བསམ་གྱིས་མི་ཁྱབ་པར་འགྲོ་བ་རྣམས་ལ་མངོན་སུམ་དུ་ཡོན་ཏན་དྲི་མ་མེད་པས་ཡོངས་སུ་དག་པ་སྒྲུབ་པ་ཞེས་བྱའོ། །བྱང་ཆུབ་སེམས་
D44.035.0056a03.01དཔའ་རྒྱ་ཆེན་འོད་འབར་བློ་གྲོས་དབང་ཕྱུག་གི་རྣམ་པར་ཐར་པ་ནི། བྱང་ཆུབ་སེམས་དཔའ་ཐམས་ཅད་ཀྱི་སྙིང་པོ་བྱང་ཆུབ་ཏུ་ཐོག་མ་འགྲོ་བའི་ཡེ་ཤེས་ཀྱི་ཕྱོགས་ཡང་དག་པར་འབྱུང་བའི་རྒྱུན་ཅེས་བྱའོ། །བྱང་ཆུབ་སེམས་དཔའ་པདྨོ་རྣམ་པར་གནོན་པ་འོད་ཟེར་གཙུག་ཕུད་ཀྱི་
D44.035.0056a04.01རྣམ་པར་ཐར་པ་ནི། སངས་རྒྱས་ཀྱི་ཆོས་ཐམས་ཅད་ཐ་{མྱི་,མི་}དད་པར་འགྲོ་བ་ཐམས་ཅད་ཀྱི་དབང་པོ་དང་། མོས་པ་རྒྱ་མཚོའི་འོད་ཅེས་བྱའོ། །བྱང་ཆུབ་སེམས་དཔའ་ཀུན་ཏུ་ཡེ་ཤེས་སྤྲིན་གྱི་ཉི་མའི་རྒྱལ་མཚན་སྣང་བའི་རྣམ་པར་ཐར་པ་ནི། སངས་རྒྱས་ཀྱི་ཡེ་ཤེས་བསྒྲུབ་
D44.035.0056a05.01པར་བསྐལ་པ་མཐའ་ཡས་པ་དག་ཏུ་བྱིན་གྱིས་རློབ་ཅིང་རྣམ་པར་སྤྱོད་པ་ཞེས་བྱའོ། །བྱང་ཆུབ་སེམས་དཔའ་མཐུ་སྟོབས་བརྩོན་འགྲུས་རྡོ་རྗེ་ཡངས་པའི་སྙིང་པོའི་རྣམ་པར་ཐར་པ་ནི། ཆོས་ཐམས་ཅད་ཀྱི་ཕྱག་རྒྱ་མཐའ་དང་དབུས་མེད་པ་ལ་ཡང་དག་པར་འཇུག་པ་
D44.035.0056a06.01ཞེས་བྱའོ། །བྱང་ཆུབ་སེམས་དཔའ་སྤོས་ཀྱི་འོད་འཕྲོ་ཤིན་ཏུ་འབར་བའི་འོད་ཀྱི་རྒྱལ་མཚན་གྱི་རྣམ་པར་ཐར་པ་ནི། སངས་རྒྱས་ད་ལྟར་བྱུང་བ་ཐམས་ཅད་ཀྱི་ཐོག་མའི་བྱང་ཆུབ་སེམས་དཔའི་སྤྱོད་པ་ཤེས་པའི་དཀྱིལ་འཁོར་ཡང་དག་པར་སྒྲུབ་པ་ཞེས་བྱའོ། །
D44.035.0056a07.01