完整藏文原文 · 德格版页 当前仅加载第 35 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
འདྲ་ཡིད་འོང་རྒྱ་མཚོའི་ཞིང་རྣམས་འབྱུང་། །རྒྱན་རྣམས་ཀུན་གྱི་ཚུལ་དང་ས་སྦྱངས་ཤིང་། །རྒྱལ་བའི་ཡོན་ཏན་རྒྱ་མཚོ་ཀུན་ཞུགས་ནས། །འགྲོ་བ་ཀུན་གྱི་སྡུག་བསྔལ་མཚོ་བསྐམས་པས། །ཞིང་གི་མཚོ་ཡངས་འདི་ཀུན་དག་
D44.035.0098a01.01པར་འགྱུར། །སྟོབས་རྣམས་རྒྱ་མཚོ་གཞལ་མེད་ཡོངས་སྦྱངས་ཤིང་། །འགྲོ་བ་འདི་འདྲ་ཚད་མེད་རྣམས་སྦྱངས་ཏེ། །སངས་རྒྱས་རྒྱ་མཚོ་ཡངས་ཀུན་བསྙེན་བཀུར་བས། །ཞིང་རྣམས་རྒྱ་མཚོ་རྣམ་མང་རྣམ་པར་དག །ཀྱེ་རྒྱལ་བའི་སྲས་དག་དེ་ལ་འཇིག་
D44.035.0098a02.01རྟེན་གྱི་ཁམས་རྒྱ་མཚོ་རེ་རེར་སངས་རྒྱས་འབྱུང་བའི་ཚུལ་རྒྱ་མཚོ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། འདི་ལྟར་སངས་རྒྱས་འབྱུང་བ་ལ་ལ་ནི་སྐུ་ཆུང་ངུར་ཀུན་ཏུ་སྟོན་ཏོ། །འདི་ལྟ་སྟེ་སངས་རྒྱས་འབྱུང་བ་ལ་ལ་ནི་ཆོས་ཀྱི་
D44.035.0098a03.01དབྱིངས་ཐམས་ཅད་གཟུགས་ཀྱི་སྐུས་གང་བར་སྟོན་ཏོ། །སངས་རྒྱས་འབྱུང་བ་ལ་ལ་ནི་སྐུ་ཚེའི་ཚད་མི་རིང་ངོ་། །སངས་རྒྱས་འབྱུང་བ་ལ་ལ་ནི་སྐུ་ཚེའི་ཚད་རིང་ངོ་། །སངས་རྒྱས་འབྱུང་བ་ལ་ལ་ནི་སངས་རྒྱས་ཀྱི་ཞིང་གཅིག་ཡོངས་སུ་དག་པར་བྱིན་གྱིས་རློབ་པོ། །
D44.035.0098a04.01སངས་རྒྱས་འབྱུང་བ་ལ་ལ་ནི་འཇིག་རྟེན་གྱི་ཁམས་རྒྱ་མཚོ་ཐམས་ཅད་ཡོངས་སུ་དག་པར་བྱིན་གྱིས་རློབ་པོ། །སངས་རྒྱས་འབྱུང་བ་ལ་ལ་ནི་ཚུལ་གཅིག་གིས་བསྟན་པའི་ཆོས་ཀྱི་འཁོར་ལོ་བྱིན་གྱིས་རློབ་པོ། །སངས་རྒྱས་འབྱུང་བ་ལ་ལ་ནི་ཚུལ་བསམ་གྱིས་མི་ཁྱབ་
D44.035.0098a05.01པར་བསྟན་པའི་ཆོས་ཀྱི་འཁོར་ལོ་བྱིན་གྱིས་རློབ་པོ། །སངས་རྒྱས་འབྱུང་བ་ལ་ལ་ནི་སེམས་ཅན་གྱི་ཁམས་ཉུང་ངུ་རྣམ་པར་གདུལ་བ་བྱིན་གྱིས་རློབ་པོ། །སངས་རྒྱས་འབྱུང་བ་ལ་ལ་ནི་སེམས་ཅན་རྒྱ་མཚོ་མཐའ་ཡས་པ་རྣམ་པར་གདུལ་བ་བྱིན་གྱིས་རློབ་སྟེ། །
D44.035.0098a06.01དེ་དག་ལ་སོགས་པ་འཇིག་རྟེན་གྱི་ཁམས་རྒྱ་མཚོ་རེ་རེར་སངས་རྒྱས་འབྱུང་བའི་ཚུལ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་སངས་རྒྱས་འབྱུང་བའི་ཚུལ་རྒྱ་མཚོའི་ཕྱོགས་འདི་
D44.035.0098a07.01