完整藏文原文 · 德格版页 当前仅加载第 35 函德格 371b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་མེད་པ་ཡི་ཡོན་ཏན་གྱིས། །ཞིང་རྣམས་ཀུན་ན་རབ་ཏུ་སྣང་། །གང་ཞིག་ཡེ་ཤེས་འདི་དག་དང་། །ཡེ་ཤེས་ཐམས་ཅད་རྟོགས་འདོད་པས། །བསམ་པ་རྣམ་པར་སྤྱད་བྱས་ཏེ། །བྱང་ཆུབ་སྤྱོད་པ་སྤྱད་པར་བྱ། །དྲང་སྲོང་ཆེན་
D44.035.0371b01.01པོའི་བྱིན་གྱི་རླབས། །འདི་འདྲ་གང་གིས་མཐོང་གྱུར་ཅིང་། །དེ་ནི་ཐེ་ཙོམ་མི་བྱེད་ན། །དགེ་བཤེས་མཆོག་ལ་བསྙེན་པ་ཡིན། །དེ་ནས་བྱང་ཆུབ་སེམས་དཔའ་དམ་པའི་རྒྱལ་མཚན་གྱིས། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་
D44.035.0371b02.01བཅུར་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཤིན་ཏུ་ཟབ་སྟེ་བརྗོད་དུ་མེད། །བརྗོད་དུ་ཡོད་ཀྱང་འདའ་བར་དཀའ། །ཚིག་གི་ལམ་ལས་ཤིན་ཏུ་འདས། །ནམ་མཁའ་ལ་ནི་རྒྱལ་བ་སྣང་། །དེ་བཞིན་གཤེགས་པའི་
D44.035.0371b03.01བྱིན་རླབས་ཀྱིས། །མི་ཡི་སེང་གེ་མཐོང་བར་འགྱུར། །ཡང་དག་སངས་རྒྱས་རྟོག་མེད་ཀྱང་། །རྒྱལ་བ་རྣམ་པར་རྟོག་པར་སྣང་། །འཇིག་རྟེན་མགོན་པོས་ཆོས་ཉིད་དངོས། །ཟབ་མོ་འདི་དག་ཡང་དག་བསྟན། །གང་ཟག་མཚུངས་པ་མེད་པ་ཡི། །དེས་ནི་སྐུ་འདི་
D44.035.0371b04.01རབ་ཏུ་འབྱུང་། །ཐམས་ཅད་གཟིགས་ཀྱི་སྤྱོད་ཡུལ་གྱི། །ཡེ་ཤེས་ཆེན་པོ་འདི་འདྲ་སྟེ། །འདི་ལ་གང་ཞིག་རྟོགས་འདོད་པ། །དེས་ནི་རྒྱལ་བ་མངོན་དུ་བྱོས། །ཡིད་ཀྱི་དབང་པོ་རྣམ་དག་པས། །དེ་བཞིན་གཤེགས་པ་བསྙེན་བཀུར་ཞིང་། །འདི་ཡི་ཚུལ་ལས་འདའ་
D44.035.0371b05.01བྱེད་ཚེ། །ནམ་ཡང་སྐྱོ་བར་མི་བྱའོ། །མི་ཟད་པ་ཡི་བསོད་ནམས་དང་། །བྱང་ཆུབ་སེམས་ཀྱིས་བརྟན་པ་རྣམས། །ཐེ་ཙོམ་རྣམ་པར་བཟློག་བྱས་ཏེ། །དེ་དག་ལ་ནི་སྐྱོ་མེད་ལྟོས། །རྒྱལ་སྲས་གང་གིས་ཆོས་དབྱིངས་ཀྱི། །ཤིན་ཏུ་བསྟན་པའི་མཐར་ཕྱིན་པ། །དེས་ནི་ཀུན་
D44.035.0371b06.01གཟིགས་རྣམ་འཕྲུལ་བ། །འདི་དག་ཤིན་ཏུ་འདའ་བར་བྱ། །དད་པ་ཆོས་འདིའི་རྩ་བ་ཞེས། །ཆོས་ཀྱི་ཕུང་པོས་བཤད་མཛད་ཀྱིས། །དད་པ་ཤིན་ཏུ་ཆེར་བསྐྱེད་ལ། །བྱང་ཆུབ་སྤྱོད་པ་སྤྱད་པར་གྱིས། །སངས་རྒྱས་བསྟི་སྟང་གང་བྱེད་ཅིང་། །དེ་བཞིན་གཤེགས་ལ་དྲིན་གཟོ་བ། །
D44.035.0371b07.01