完整藏文原文 · 德格版页 当前仅加载第 35 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
སྤོས་ཆུའི་རྒྱ་མཚོའི་རྒྱན་འདི་ཉིད་ཡོངས་སུ་བསྟན་པའི་ཕྱིར། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ས་སྟེངས་དེ་ན་སྤོས་ཀྱི་ཆུ་བོ་ཡི། །རྒྱ་མཚོ་ནོར་བུས་བརྒྱན་པ་རྣམས་བརྗོད་དེ། །
D44.035.0106b01.01གཞི་རྣམས་རིན་ཆེན་གོས་ཀྱི་ཀུན་བཏིང་བ། །མི་ཤིགས་རྡོ་རྗེ་ལྟ་བུ་སྲ་ཞིང་མཛེས། །སྤོས་དང་ནོར་བུའི་རྒྱལ་པོ་མང་པོ་དང་། །ཉི་མའི་ནོར་བུའི་འོད་འཕྲོ་སྟུག་སྤྲིན་དང་། །པདྨོའི་རིན་ཆེན་འཕྲེང་བའང་ཀུན་ནས་བྲེས། །གཞི་རྣམས་དྲི་མེད་ཡིད་དུ་འོང་བའོ། །
D44.035.0106b02.01སྤོས་ཀྱི་ཆུ་ཡིས་ཡོངས་སུ་རྒྱས་པ་སྟེ། །རིན་ཆེན་འོད་ཟེར་སྣ་ཚོགས་མེ་ཏོག་གློང་། །སྒྲ་དབྱངས་རབ་ཏུ་གཏོང་བའི་དབྱངས་ཀྱིས་ཀྱང་། །སངས་རྒྱས་རྣམ་པར་འཕྲུལ་པ་རབ་ཏུ་སྒྲོག །ཐེམ་སྐས་ཕྲེང་བ་ཡིད་དུ་འོང་དང་ལྡན། །གཞི་ནི་རིན་ཆེན་ནོར་བུ་མང་པོས་
D44.035.0106b03.01བརྒྱན། །སྟེགས་བུ་ཀུན་བཀོད་རིན་ཆེན་པདྨོ་ཡི། །སྤྲིན་སྟུག་དྲ་བ་རྣམ་པར་བྲེས་པ་སྟེ། །རིན་ཆེན་ནོར་བུའི་ཤིང་གི་འཕྲེང་བ་དག །རིན་ཆེན་གསེར་གྱི་ཁ་དོག་ཡིད་འོང་འབར། །འོད་ཀྱི་ཚོགས་དང་རོལ་མོའི་སྒྲ་དག་ཀྱང་། །རྣམ་པར་འཕྲུལ་མང་དབྱངས་སུ་
D44.035.0106b04.01རབ་ཏུ་སྒྲོག །སྤོས་ཆུས་ཡོངས་གང་རིན་ཆེན་བསྒྲུབས་པ་སྟེ། །མེ་ཏོག་པུནྡ་རི་ཀས་ཀུན་ནས་བསྐོར། །སྤོས་དང་འོད་དང་བདུག་སྤོས་འོད་ཟེར་འགྱེད། །དེ་དག་འོད་ཀྱི་དཀྱིལ་འཁོར་རྣམ་པར་ཡངས། །རིན་ཆེན་རྒྱལ་མཚན་མུ་ཏིག་འབར་བ་ཅན། །གོས་དང་
D44.035.0106b05.01ནོར་བུ་སྣ་ཚོགས་ཀུན་འཕྱང་ཞིང་། །རིན་ཆེན་ནོར་བུའི་དྲིལ་བུ་དྲ་བ་དག །ཐམས་ཅད་མཁྱེན་པར་འཇུག་པའི་སྒྲ་ཡང་སྒྲོག །པདྨོའི་གྲོང་ཁྱེར་རྣམས་ཀྱིས་ཀུན་ནས་བསྐོར། །ཁ་དོག་མཐའ་ཡས་ནོར་བུས་རྣམ་པར་བརྒྱན། །ཕྱོགས་རྣམས་ཀུན་ནས་མུ་
D44.035.0106b06.01ཏིག་སྤྲིན་བཀྱེ་ཞིང་། །གྲོང་ཁྱེར་རྒྱ་མཚོས་དེ་དག་རབ་ཏུ་བརྒྱན། །དྲ་བ་བཟང་པོས་ཀུན་ནས་བསྐོར་བ་སྟེ། །རིན་ཆེན་བྱས་པའི་གཟུགས་བཟང་ཁྱབ་ཀྱི་བར། །རྣམ་པ་དུ་མར་འབར་ཞིང་ཡིད་འོང་བའི། །རྒྱ་མཚོས་བཟང་ཞིང་མཛེས་པར་རབ་ཏུ་བརྒྱན། །སྔོན་
D44.035.0106b07.01