完整藏文原文 · 德格版页 当前仅加载第 35 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་བཅུའི་ཞིང་རྣམས་རྒྱ་མཚོ་ཀུན་བཀང་ཞིང་། །བདེ་གཤེགས་རྣམས་ཀྱི་བྱང་ཆུབ་སྤྱོད་བསྟན་ཀྱང་། །རྒྱ་མཚོའི་ཞིང་རྣམས་ཐ་དད་གང་ཡང་མེད། །རྡུལ་རྣམས་ཀུན་ལ་ཁ་དོག་བསམ་མི་ཁྱབ། །སྤྲུལ་པའི་སྤྲིན་གྱིས་ཀུན་ཏུ་གང་
D44.035.0102a01.01བྱས་ཏེ། །སངས་རྒྱས་སྤྲུལ་པས་སེམས་ཅན་རྣམ་འདུལ་ཡང་། །འབྱམ་ཀླས་ཕྱོགས་ན་ཐ་དད་གང་ཡང་མེད། །རྡུལ་རྣམས་ཀུན་ལ་རྒྱ་མཚོའི་ཆོས་བརྗོད་དེ། །དེ་དག་འཁོར་ལོ་ཚུལ་བཞིན་འཁོར་མཛད་ཅིང་། །ཐབས་དང་མཐུ་ཡི་སྒོ་མོ་སྣ་ཚོགས་ཀྱིས། །
D44.035.0102a02.01ཐམས་ཅད་བརྗོད་ཀྱང་དེ་ལ་ཐ་དད་མེད། །རྡུལ་གཅིག་ལ་ནི་རྒྱལ་བ་ཀུན་གྱི་གསུང་། །འགྲོ་བ་སྣོད་དུ་གྱུར་ལ་དེ་དག་བརྗོད་བྱས་ཏེ། །རྒྱ་མཚོའི་ཞིང་དུ་བསྐལ་པར་བྱིན་བརླབས་ཀྱང་། །དེ་དག་གསུང་གི་ཡན་ལག་ཐ་མི་དད། །ཞིང་རྣམས་རྒྱ་མཚོ་མཐའ་ཡས་
D44.035.0102a03.01རྒྱན་གྱི་རྣམས། །ཐམས་ཅད་རྡུལ་སྦུབས་གཅིག་ཏུ་རབ་ཏུ་འཛུད། །རྒྱལ་བ་རྣམས་ཀྱི་རྫུ་འཕྲུལ་མཐུ་ལ་ལྟོས། །ལས་ཀྱི་དངོས་ལས་དེ་དག་སྐྱེས་པ་མིན། །རྡུལ་གཅིག་ལ་ནི་དུས་གསུམ་རྒྱལ་བ་དག །ཇི་ལྟར་བྱུང་བ་དེ་དག་ཐམས་ཅད་སྣང་། །དེ་དག་
D44.035.0102a04.01གཤེགས་དང་བྱོན་པ་གང་ཡང་མེད། །འགྲོ་བ་ཀུན་ནས་སངས་རྒྱས་རྣམ་པར་འཕྲུལ། །འཇིག་རྟེན་གྱི་ཁམས་རྒྱ་མཚོ་ཤིན་ཏུ་བསྟན་པའི་ཕྱོགས་གསལ་བར་བྱ་བ་ཡང་དག་པར་བསྒྲུབས་པ་ཞེས་བྱ་སྟེ་ལེའུ་བཞི་པའོ།། །།སངས་རྒྱས་
D44.035.0102a05.01རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བརྒྱད་པ། ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་འདི། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་སྔོན་བྱང་ཆུབ་
D44.035.0102a06.01སེམས་དཔའི་སྤྱད་པ་སྤྱོད་པའི་ཚེ། བསྐལ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ཡོངས་སུ་དག་པར་བྱས་ཏེ། བསྐལ་པ་རེ་རེ་ཞིང་ཡང་དེ་བཞིན་གཤེགས་པ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་ཞབས་ཀྱི་དྲུང་དུ།
D44.035.0102a07.01