完整藏文原文 · 德格版页 当前仅加载第 35 函德格 361a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ། དེ་བཞིན་གཤེགས་པའི་སྟོབས་བཅུ་བསྒྲིབས་པ་མེད་པ་མངོན་པར་སངས་རྒྱས་པ། ཐུགས་ལ་ཆགས་པ་མི་མངའ་བས་རྟག་ཏུ་མཉམ་པར་གཞག་ཅིང་མ་འདྲེས་པ། ཡེ་ཤེས་ཐམས་ཅད་ལ་རྣམ་པར་སྤྱོད་པ། དོན་
D44.035.0361a01.01དང་ཚིག་དང་ཡི་གེ་ཐ་དད་པ་ཡང་དག་པར་སྟོན་པ། ཡེ་ཤེས་རྒྱ་མཚོ་མཐའ་དང་དབུས་མེད་པ་ལ་ཞུགས་པ། ཡོན་ཏན་གྱི་མཆོག་ཡེ་ཤེས་སྙིང་པོས་བྱུང་བས་ཆོས་ཀྱི་དབྱིངས་ཐམས་ཅད་དུ་སངས་རྒྱས་ཀྱི་ཉི་མ་ཤར་བ། འགྲོ་བ་ཐམས་ཅད་དུ་སྔོན་
D44.035.0361a02.01གྱི་སྨོན་ལམ་ཟད་པ་མི་མངའ་བར་ཆོས་ཀྱི་དབྱིངས་ཀྱི་རང་བཞིན་ལ་གནས་པ། སངས་རྒྱས་ཀྱི་རྣམ་པར་སྤྱོད་པ་མཉམས་པ་བརྙེས་པ། བདག་གི་དང་ཡོངས་སུ་གཟུང་བ་མེད་པས་གནས་པར་མི་མངའ་བ། འཇིག་རྟེན་ལས་འདས་པའི་ཆོས་
D44.035.0361a03.01ཐམས་ཅད་འབྱུང་ཞིང་འཇིག་རྟེན་གྱི་ཆོས་ཐམས་ཅད་ཀྱིས་མ་གོས་པ། འགྲོ་བ་ཐམས་ཅད་ཀྱིས་མི་ཤེས་པའི་རྒྱལ་མཚན་ཡང་དག་པར་བཅད་པ། འཇིག་རྟེན་ཐམས་ཅད་ཀྱི་མི་ཤེས་པ་ཆེན་པོ་ཡོངས་སུ་བསལ་བའི་གནས་སུ་གྱུར་པ་འགྲོ་བ་ཐམས་
D44.035.0361a04.01ཅད་སྣང་བར་མངོན་པར་འདོན་པ། འཇིག་རྟེན་ཐམས་ཅད་ཡེ་ཤེས་ཁྱད་པར་དུ་འཕགས་པ་ལ་རབ་ཏུ་གཞོག་པ། འགྲོ་བ་ཐམས་ཅད་ཉེ་བར་འཚོ་བའི་བསོད་ནམས་ཡོངས་སུ་མི་ཟད་པ། བྱང་ཆུབ་སེམས་དཔའ་ཐམས་ཅད་ཀྱི་ཤེས་པ་
D44.035.0361a05.01ཐུགས་སུ་ཆུད་པ། དད་པར་བྱ་བར་འོས་པ། ཡང་དག་པར་རྫོགས་པའི་སངས་རྒྱས་སུ་གཞོལ་བའི་བྱམས་པ་ཆེན་པོ་ལས་བྱུང་བ་ཐུགས་རྗེ་ཆེན་པོ་ཡང་དག་པར་སྟོན་པས་སྤྱོད་པ། སངས་རྒྱས་ཀྱི་སྐུ་བརྗོད་དུ་མེད་པའི་ཆོས་དང་།
D44.035.0361a06.01སངས་རྒྱས་ཀྱི་ཆོས་སྣ་ཚོགས་བསམ་གྱིས་མི་ཁྱབ་པའི་གསུང་དང་དབྱངས་ཀྱི་ཆར་འབེབས་པ། སེམས་ཅན་གྱི་བསམ་པ་ཇི་ལྟ་བ་བཞིན་དུ་ཡང་དག་པར་ཚིམ་པར་མཛད་པ། སྔོན་གྱི་མཐའ་དང་ཕྱི་མའི་མཐའ་དང་ད་ལྟར་བྱུང་བའི་
D44.035.0361a07.01