完整藏文原文 · 德格版页 当前仅加载第 35 函德格 385a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བསྔོས་པས་སེམས་ཅན་རབ་ཏུ་དགྲོལ་བ་རྒྱུན་ཆད་པར་མི་འགྱུར་རོ། །དགེ་བའི་རྩ་བ་དེ་དག་ཡོངས་སུ་བསྔོ་བ་འདིས་ཡོངས་སུ་བསྔོ་བ་ན། ཆོས་ཀྱི་མཚན་ཉིད་ལ་གནས་པའང་མི་གཏོད་སྟེ། ལས་དང་རྣམ་པར་སྨིན་པ་མེད་པའི་ཆོས་
D44.035.0385a01.01ཐམས་ཅད་ལ་ཉོན་མོངས་པ་མེད་པའི་ཡོངས་སུ་བསྔོ་བའི་ཚུལ་གྱིས་ལས་དང་རྣམ་པར་སྨིན་པ་བསྒྲུབ་པ་ལ་མངོན་པར་མཁས་པ་ཡིན་ནོ། །དེ་ལྟར་བྱང་ཆུབ་སེམས་དཔའ་དགེ་བའི་རྩ་བ་དེ་དག་ཡོངས་སུ་བསྔོ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D44.035.0385a02.01རྗེས་སུ་སྤྱོད་པ་ཁ་ན་མ་ཐོ་བ་མེད་པ་ཡིན་ནོ། །ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་སེམས་ཅན་རྣམས་ཀྱི་འདུ་ཤེས་འགོག་ཅིང་འགྲོ་བ་ཐམས་ཅད་ཡོངས་སུ་སྐྱོབ་པ་ཞེས་བྱ་བ་སྟེ་དང་པོའོ །
D44.035.0385a03.01དེ་ནས་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་གྱིས། འཁོར་ཐམས་ཅད་ལ་རྣམ་པར་བལྟས་ཏེ། ཆོས་ཀྱི་དབྱིངས་ལ་རྣམ་པར་བལྟས་ནས། དོན་དང་ཚིག་དང་ཡི་གེ་ལ་འཇུག་པར་བྱ་བ་དང་། སེམས་རྒྱ་ཆེན་པོ་མཐའ་དང་དབུས་མེད་པ་ཡོངས་སུ་
D44.035.0385a04.01བསྒོམ་པ་དང་། འགྲོ་བ་ཐམས་ཅད་སྙིང་རྗེ་ཆེན་པོས་ཁྱབ་པར་བྱ་བ་དང་། དུས་གསུམ་གྱི་སངས་རྒྱས་ཀྱི་གདུང་ལ་སེམས་ཡང་དག་པར་འབྲེལ་པར་བྱ་བ་དང་། སངས་རྒྱས་ཀྱི་ཆོས་དང་ཡོན་ཏན་ཐམས་ཅད་ལ་འཇུག་པར་བྱ་བ་དང་། སངས་རྒྱས་
D44.035.0385a05.01ཐམས་ཅད་ཀྱི་བྱིན་གྱིས་བརླབས་པའི་ལུས་ཡང་དག་པར་བསྐྱེད་པ་དང་། སེམས་ཅན་ཐམས་ཅད་ཀྱི་བསམ་པ་རབ་ཏུ་དབྱེ་བ་དང་། དགེ་བའི་རྩ་བ་བསྐྱེད་པའི་དུས་ལ་ཇི་ལྟར་འབབ་པ་ཡང་དག་པར་བལྟ་བ་དང་། ཆོས་ཀྱི་ལས་དང་འཐུན་པའི་གཟུགས་ཀྱི་ལུས་
D44.035.0385a06.01ཡོངས་སུ་དག་པ་ཡང་དག་པར་བསྟན་པར་བྱེད་ཅིང་། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །གང་ཞིག་བསམ་ཡས་བསྐལ་པར་སྤྱོད་པ་དག །སེམས་ཅན་ཕན་
D44.035.0385a07.01