完整藏文原文 · 德格版页 当前仅加载第 35 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་རྒྱ་མཚོའི་རྡུལ་དང་མཉམ་པ་ཡི། །ཕྱོགས་བཅུའི་རྒྱལ་སྲས་རྟག་ཏུ་ཀུན་འདུ་ཞིང་། །རྒྱལ་བ་མཆོད་ཅིང་ཆོས་ཉིད་ཉན་པར་བྱེད། །བརྒྱན་པའི་དཔལ་ནི་རྣམ་ཐར་འདི་ལ་འཇུག །འགྲོ་བ་རྒྱ་མཚོའི་སེམས་ནི་བསམ་མི་ཁྱབ། །
D44.035.0021a01.01གནས་མེད་གཡོ་བ་མེད་ཅིང་རྟེན་པ་མེད། །ཐམས་ཅད་སྐད་ཅིག་གཅིག་ལ་རྒྱལ་བས་མཁྱེན། །དགའ་བ་སྣ་ཚོགས་དགའ་བར་འདི་མཐོང་ངོ་། །དེ་ལ་ལྷའི་རྒྱལ་པོ་རབ་མཚེ་མའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་མྱ་ངན་བསལ་བ་དགེ་བའི་སྒོ་ཡང་
D44.035.0021a02.01དག་པར་འབྱུང་བ་ཞེས་བྱའོ། །ལྷའི་བུ་དགའ་བ་བདེ་བའི་འོད་ཀྱི་རྣམ་པར་ཐར་པ་ནི། དམིགས་པ་ཐམས་ཅད་ཁྱབ་པར་བྱེད་པའི་ཡུལ་ཞེས་བྱའོ། །ལྷའི་བུ་བློ་གྲོས་མི་ཟད་པའི་ཡོན་ཏན་དཔལ་གྱི་རྣམ་པར་ཐར་པ་ནི། ནད་ཐམས་ཅད་རྣམ་པར་སེལ་ཅིང་ཕན་པར་སྙིང་
D44.035.0021a03.01རྗེ་བའི་དཀྱིལ་འཁོར་ཅེས་བྱའོ། །ལྷའི་བུ་འཕྲུལ་པ་བཟང་ཞིང་དགེ་བའི་རྣམ་པར་ཐར་པ་ནི། བུད་མེད་ཐམས་ཅད་འདུལ་བའི་བསམ་པ་རྗེས་སུ་རྟོགས་པའི་ཚུལ་ལ་འཇུག་པ་ཞེས་བྱའོ། །ལྷའི་བུ་ས་དང་རི་བོའི་འོད་ཀྱི་རྣམ་པར་ཐར་པ་ནི། ཆོས་ཐམས་ཅད་གཟུང་བ་ལ་
D44.035.0021a04.01རྨོངས་པ་མེད་པའི་གཟུངས་ཀྱི་སྒོ་བདེ་བར་སྣང་བ་ཞེས་བྱའོ། །ལྷའི་བུ་བསམ་གྱིས་མི་ཁྱབ་པའི་བློ་གྲོས་ཀྱི་རྣམ་པར་ཐར་པ་ནི། དམིགས་པའི་ཡུལ་ཐམས་ཅད་ལས་ཀྱི་རང་བཞིན་བསམ་གྱིས་མི་ཁྱབ་པའི་ཚུལ་ལ་འཇུག་པ་ཞེས་བྱའོ། །ལྷའི་བུ་འཁོར་ལོའི་གཙུག་
D44.035.0021a05.01གི་རྣམ་པར་ཐར་པ་ནི། ཆོས་ཀྱི་འཁོར་ལོའི་ཤུགས་ཀྱིས་སེམས་ཅན་ཡོངས་སུ་སྨིན་པར་བྱ་བ་བགྲང་བའི་ཚུལ་ལ་འཇུག་པ་ཞེས་བྱའོ། །ལྷའི་བུ་གཟི་བརྗིད་འོད་འཕྲོའི་རྣམ་པར་ཐར་པ་ནི། ཁམས་ཐམས་ཅད་ཀྱི་མཐར་འགྲོ་བས་མིག་ཤིན་ཏུ་ཡངས་པའི་དཀྱིལ་
D44.035.0021a06.01འཁོར་གྱིས་ཀུན་ཏུ་བལྟ་བ་ཞེས་བྱའོ། །ལྷའི་བུ་འོད་རྣམ་པར་སྣང་བའི་རྣམ་པར་ཐར་པ་ནི། ལས་ཀྱི་དམིགས་པ་དང་འགྲོགས་པའི་བདུད་ཀྱི་ལས་ཐམས་ཅད་ཟློག་པ་ཞེས་བྱའོ། །ལྷའི་བུ་གྲགས་པའི་ཕྱོགས་སུ་རྣམ་པར་ལྟ་བའི་རྣམ་པར་ཐར་པ་ནི། ལྷའི་གནས་
D44.035.0021a07.01