完整藏文原文 · 德格版页 当前仅加载第 35 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་གཟི་བརྗིད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གཞི་མཉམ་པ་མི་མཇེད་ཅེས་བྱ་བ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁྱད་པར་གྱི་བློ་གྲོས་རྒྱ་མཚོ་ཞེས་བྱ་བ་
D44.035.0134b01.01བཞུགས་སོ། །དེའི་སྟེང་འཇིག་རྟེན་གྱི་ཁམས་ཀྱི་རྒྱུད་ཀྱི་དང་པོ་ལ་འཇིག་རྟེན་གྱི་ཁམས་ཉི་མའི་མིག་གི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཉི་མ་པད་མོའི་སྤྲིན་ཅེས་བྱ་བ་བཞུགས་སོ། །སྤོས་ཆུའི་རྒྱ་མཚོ་རིན་པོ་ཆེ་ཨིནྡྲ་ནཱི་ལས་རབ་ཏུ་བརྒྱན་
D44.035.0134b02.01པའི་རྒྱན་ཅན་དེ་དང་འདབ་ཆགས་སུ་སྤོས་ཆུའི་རྒྱ་མཚོའི་གཞུང་ལས་ལྷ་མ་ཡིན་གྱི་གནས་ཤིན་ཏུ་འབྱུང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་སྤོས་ཀྱི་འོད་ཟེར་ཆུའི་ཤུགས་འཛིན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་སེང་གེའི་རིན་པོ་ཆེས་
D44.035.0134b03.01བསྒྲུབས་པ་རྣམ་པ་སྣ་ཚོགས་ཤེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེ་ཐམས་ཅད་ཀྱི་ཕྱོགས་ཁྱབ་པར་བྱེད་པ་རྣམ་པར་དམིགས་པ་ཞེས་བྱ་བ་རབ་ཏུ་གནས་ཏེ། དེ་དང་འདབ་ཆགས་སུ་སྤོས་ཆུའི་རྒྱ་མཚོ་ཁ་དོག་གི་སྤྲིན་གྱི་གནས་འབྱུང་བ་ཞེས་བྱ་བ་ཡོད་དེ། དེ་ལ་
D44.035.0134b04.01འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེའི་རི་བོའི་སྤོ་ལ་དཀྱིལ་འཁོར་རྣམ་པར་བྲེས་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་གཞི་དང་སྒོ་པདྨོ་རྣམ་པར་བཀྲམ་པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་རྣམ་པར་སྣང་བའི་ཆོས་ཀྱི་དབྱིངས་
D44.035.0134b05.01བདེ་བའི་རྒྱན་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་མར་མེའི་ཚུལ་བཟང་པོའི་འོད་རབ་ཏུ་འཕྲོ་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྤྲུལ་པས་ཕྱོགས་རྣམ་པར་ལྟ་ཞིང་ཀུན་ཏུ་ཁྱབ་པ་ཞེས་བྱ་བ་རབ་ཏུ་གནས་སོ། །དེ་དང་
D44.035.0134b06.01འདབ་ཆགས་སུ་སྤོས་ཆུའི་རྒྱ་མཚོ་བསམ་གྱིས་མི་ཁྱབ་པའི་རྒྱན་ཤིན་ཏུ་བསྟན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཐམས་ཅད་དུ་སྣང་བས་ལེགས་པར་རྣམ་པར་གྲགས་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་
D44.035.0134b07.01