完整藏文原文 · 德格版页 当前仅加载第 35 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བྱང་ཆུབ་སེམས་དཔའ་བརྩོན་འགྲུས་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། དེ་ལྟར་ཁྱོད་ཀྱིས་དྲིས་པ་གང་། །ལ་ལ་མྱུར་དུ་རྣམ་གྲོལ་ཞིང་། །ལ་ལ་དཀའ་བར་འགྲོལ་འགྱུར་བ། །
D44.035.0207a01.01སངས་རྒྱས་སྲས་པོ་བདག་ལ་ཉོན། །འདི་འདྲ་དཔག་ཏུ་མེད་པ་ཡི། །སངས་རྒྱས་བསྟན་གྱི་ཉེས་མ་ཡིན། །དད་དང་བརྩོན་འགྲུས་ནན་ཏན་གྱིས། །རྟག་ཏུ་ཁྱད་པར་འགྱུར་བ་ཡིན། །ཇི་ལྟར་རྩ་དང་ཤིང་གཤེར་བ། །མེར་བཅུག་ཤིན་ཏུ་ཉམས་ཆུང་ཞིང་། །རིང་
D44.035.0207a02.01པོར་མི་ཐོགས་འཆི་བར་འགྱུར། །དེ་བཞིན་ལེ་ལོ་བསྟན་པ་ལ། །ཇི་ལྟར་གཙུབ་མས་གཙུབས་པའི་ཚེ། །མ་བྱུང་བར་ནི་མྱུར་བཏེག་ན། །མྱུར་དུ་འཆི་བར་འགྱུར་བ་བཞིན། །དེ་ལྟར་ལེ་ལོ་བསྟན་པ་ལ། །ཉི་མའི་ནོར་བུའི་ལྕི་བ་ལ། །ཡང་དང་ཡང་བཞག་བཏེག་
D44.035.0207a03.01པ་ལ། དེ་ལ་མེ་འབྱུང་མི་འགྱུར་ཏེ། །དེ་བཞིན་ལེ་ལོ་བསྟན་པ་ལ། །ཇི་ལྟར་ཉི་མ་ཤར་བའི་ཚེ། །བྱིས་པ་རྣམས་ནི་མིག་བརྩུམས་ཤིང་། །མི་མཐོང་ཅི་ཕྱིར་ཞེས་སྨྲ་བ། །དེ་བཞིན་ལེ་ལོ་བསྟན་པ་ལ། །རྐང་ལག་མེད་པར་སྐྱེས་པའི་མིས། །ཇི་
D44.035.0207a04.01ལྟར་སྨྱུག་མདའ་ཁ་བུག་གིས། །ས་ནི་དབུག་པར་འདོད་པ་བཞིན། །དེ་ལྟར་ལེ་ལོ་བསྟན་པ་ལ། །ཇི་ལྟར་བྱིས་པ་རྒྱ་མཚོ་ལས། །ཡང་དུ་ཡང་དུ་བཅུས་བྱས་ཤིང་། །སྐམ་པར་ལ་ལ་འདོད་པ་ལྟར། །དེ་བཞིན་ལེ་ལོ་བསྟན་པ་ལ། །ཇི་ལྟར་བུམ་པ་ཆུས་
D44.035.0207a05.01བཀང་ཞིང་། །བསྐལ་པའི་མེ་ནི་བྱུང་བའི་ཚེ། །ལ་ལ་གསད་པར་འདོད་པ་ལྟར། །དེ་བཞིན་ལེ་ལོ་བསྟན་པ་ལ། །ཇི་ལྟར་ལ་ལ་ཕྱོགས་བཅུ་ཡིས། །ནམ་མཁའ་ཇི་སྙེད་ཐ་མལ་པའི། །གཟུགས་ཀྱིས་རྒྱས་པར་དགང་སྨྲ་བ། །དེ་བཞིན་ལེ་ལོ་བསྟན་པ་ལ། །
D44.035.0207a06.01དེ་ནས་བྱང་ཆུབ་སེམས་དཔའ་འཇམ་དཔལ་གྱིས་བྱང་ཆུབ་སེམས་དཔའ་ཆོས་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་ཆོས་ཀྱི་ཚུལ་ཉོན་མོངས་པ་ཐམས་ཅད་སྐེམས་པ་འདི་ཉིད་བླངས་ཀྱང་། སེམས་ཅན་ལ་ལ་འདོད་ཆགས་ཀྱི་དབང་དུ་འགྲོ། ལ་ལ་ཞེ་
D44.035.0207a07.01