完整藏文原文 · 德格版页 当前仅加载第 35 函德格 364b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་རྣམ་པར་འདས་ཤིང་འཇིག་རྟེན་ལས་འདས་པའི་དགེ་བའི་རྩ་བས་ཡོངས་སུ་བྱུང་བ། རྒྱན་བྱེ་བ་ཁྲག་ཁྲིག་བརྒྱ་སྟོང་བསམ་གྱིས་མི་ཁྱབ་པ་ཡང་དག་པར་སྟོན་པ། བསྐལ་པ་བྱེ་བ་ཁྲག་ཁྲིག་བསམ་གྱིས་མི་ཁྱབ་པར་ཡོན་ཏན་མི་ཟད་པ།
D44.035.0364b01.01སངས་རྒྱས་ཀྱི་རྣམ་པར་འཕྲུལ་པ་ཟད་མི་ཤེས་པ་ལས་བྱུང་བ། སངས་རྒྱས་སྐྱེ་བ་བརྗོད་དུ་མེད་པ་ཡང་དག་པར་སྟོན་པ། ཡེ་ཤེས་ཀྱི་སྒོ་ལ་རབ་ཏུ་ཡོག་པ། དོན་ཡངས་པ་ཤིན་ཏུ་སྟོན་པ། སངས་རྒྱས་ཀྱི་སྤྲུལ་པ། བརྗོད་དུ་མེད་པའི་ཚུལ་ཡང་
D44.035.0364b02.01དག་པར་སྟོན་པ། སངས་རྒྱས་ཀྱི་ཡུལ་མཐའ་དང་དབུས་མེད་པ་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་ཁམས་ཀྱི་མཐར་ཐུག་པ། འཇིག་རྟེན་གྱི་ཁམས་ཐམས་ཅད་དུ་བྱིན་གྱི་རླབས་ཀྱིས་བྱུང་བ་འགྲོ་བ་ཐམས་ཅད་རྣམ་པར་དག་པ།
D44.035.0364b03.01མཉམ་པ་ཉིད་ཀྱི་རྗེས་སུ་སོང་བ། ཐམས་ཅད་མཁྱེན་པ་ཆགས་པ་མེད་པ། མཐའ་དང་དབུས་མེད་པའི་སངས་རྒྱས་ཀྱི་སྤྱོད་པ་ལས་བྱུང་བ། དེ་བཞིན་གཤེགས་པ་བསམ་གྱིས་མི་ཁྱབ་པས་བསྟན་པའི་དཔལ་ཡོད་པ། རིན་པོ་ཆེའི་འོད་འཕྲོ་
D44.035.0364b04.01བ་བྱེ་བ་བརྒྱ་སྟོང་བསམ་གྱིས་མི་ཁྱབ་པ་དེ་ལྟར་བྱུང་བ་མཐོང་བར་གྱུར་ཏོ། །བཅོམ་ལྡན་འདས་ཀྱིས་ཀྱང་བྱིན་གྱི་རླབས་ཀྱི་རྒྱན་སྨོན་ལམ་ཆེན་པོ་ལས་བྱུང་བའི་དགེ་བའི་རྩ་བ་མཐའ་ཡས་པ་དང་། དེ་བཞིན་གཤེགས་པ་མཉེས་པར་བྱ་བའི་སྤྱོད་
D44.035.0364b05.01པས་རྣམ་པར་དག་པ་དང་། སྔོན་གྱི་བག་ཡོད་པ་ལས་ཡང་དག་པར་བྱུང་བའི་ཐམས་ཅད་མཁྱེན་པའི་སེམས་ཆགས་པ་མེད་པའི་དགེ་བའི་རྩ་བ་ལས་བྱུང་བ་དང་། དེ་བཞིན་གཤེགས་པ་འབྱམ་ཀླས་པ་འགྲོ་བ་ཐམས་ཅད་ཀྱི་ཐེ་ཙོམ་གཅོད་པ་དང་།
D44.035.0364b06.01དེ་བཞིན་གཤེགས་པ་མཐོང་བ་ལ་སེམས་ཅན་ཚད་མེད་པ་རབ་ཏུ་དགོད་པ་དང་། དགེ་བའི་རྩ་བའི་སྒོ་དང་སངས་རྒྱས་ཀྱི་ཆོ་འཕྲུལ་ཟིལ་གྱིས་ནོན་པ་མེད་པ་ལ་རྒྱ་མཚོའི་མཐས་གཏུགས་པའི་སེམས་ཅན་གཟུད་པར་བྱ་བ་དང་། བྱང་ཆུབ་སེམས་དཔའི་
D44.035.0364b07.01