完整藏文原文 · 德格版页 当前仅加载第 35 函德格 357b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཕྱེ་མའི་ཕུར་མ་ཐོགས་ཐོགས་པ་དང་། ལྷ་རྫས་ཀྱི་རིན་པོ་ཆེ་ཐམས་ཅད་ཀྱི་ཕྱེ་མའི་ཕུར་མ་ཐོགས་ཐོགས་པ་དང་། ལྷ་རྫས་ཀྱི་སྤོས་ཀྱི་མེ་ཏོག་ཐམས་ཅད་ཀྱི་ཕྱེ་མའི་ཕུར་མ་ཐོགས་ཐོགས་པ་དང་། ལྷ་རྫས་ཀྱི་མེ་ཏོག་མན་དཱ་
D44.035.0357b01.01ར་བའི་ཕུར་མ་ཐོགས་ཐོགས་པ་རྣམས་ཀྱང་དོང་སྟེ། བཅོམ་ལྡན་འདས་ལ་གཏོར་ཏོ། །མངོན་པར་གཏོར་ཏོ། །རབ་ཏུ་གཏོར་ཏོ། །ལྷའི་བུ་དགའ་ལྡན་གྱི་གནས་སུ་གཏོགས་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་རྣམས་ཀྱང་བར་སྣང་
D44.035.0357b02.01ལ་འཁོད་དེ། ཡེ་ཤེས་ཀྱི་སྤྱོད་ཡུལ་ལ་གཞོལ་བའི་སེམས་ཀྱིས་སྤོས་དང་བདུག་པའི་སྤྲིན་གྱིས་བདུག་པས་བར་སྣང་བརྒྱན་པར་བྱས་སོ། །སངས་རྒྱས་ལ་དགའ་ཞིང་གཞོལ་བའི་སེམས་ཀྱིས་ལྷ་རྫས་ཀྱི་མེ་ཏོག་ཐམས་ཅད་ཀྱི་སྤྲིན་གྱི་ཆར་
D44.035.0357b03.01གྱིས་རབ་ཏུ་བརྒྱན་པས་བར་སྣང་བརྒྱན་པར་བྱས་སོ། །དེ་བཞིན་གཤེགས་པ་ལ་ཞེ་ས་ཆེར་བྱ་བའི་སེམས་ཀྱིས་ལྷ་རྫས་ཀྱི་གདུགས་སྣ་ཚོགས་ཀྱི་སྤྲིན་གྱིས་བར་སྣང་ཡོག་པར་བྱས་ཏེ་བརྒྱན་པར་བྱས་སོ། །སངས་རྒྱས་ལ་མཆོད་པར་གཞོལ་བའི་སེམས་
D44.035.0357b04.01ཀྱིས་ལྷ་རྫས་ཀྱི་ཕྲེང་བ་སྣ་ཚོགས་ཀྱི་སྤྲིན་རབ་ཏུ་དགྱེ་བས་བར་སྣང་བརྒྱན་པར་བྱས་སོ། །སངས་རྒྱས་ལས་ཐོས་པར་མོས་པའི་སེམས་ཀྱིས་གསེར་གྱི་དྲ་བ་གྲངས་མེད་པ་ལས་དྲིལ་བུ་སྣ་ཚོགས་ཀྱི་དྲ་བ་འཁྲོལ་ཞིང་སྒྲ་འབྱིན་པས་གཡོག་པར་བྱས་ཏེ་
D44.035.0357b05.01བར་སྣང་བརྒྱན་པར་བྱས་སོ། །དེ་བཞིན་གཤེགས་པ་ལ་ཡོན་གྱི་གནས་དམ་པ་ཡིན་པར་འཛིན་པའི་སེམས་ཀྱིས་བླ་རེ་གྲངས་མེད་པ་ལས་རིན་པོ་ཆེ་ཐམས་ཅད་ཀྱི་སེ་མོ་དོའི་སྤྲིན་ལྡིང་ཞིང་། འབྲུལ་བའི་རྒྱན་གྱིས་བར་སྣང་བརྒྱན་པར་བྱས་སོ། །
D44.035.0357b06.01སངས་རྒྱས་ལ་དགེ་བར་འདུན་པའི་སེམས་ཀྱིས་ལྷ་རྫས་ཀྱི་གཞལ་མེད་ཁང་གྲངས་མེད་པར་ལྷ་རྫས་ཀྱི་རོལ་མོ་བརྡུང་བ་དང་། དཀྲོལ་བ་ཐམས་ཅད་ཀྱི་སྒྲ་ཡིད་དུ་འོང་བ་ཕྱུང་བས་བར་སྣང་བརྒྱན་པར་བྱས་སོ། །སངས་རྒྱས་སྐྱེ་བ་ཤིན་ཏུ་
D44.035.0357b07.01