完整藏文原文 · 德格版页 当前仅加载第 35 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཐུབ་པ་མེད་པའི་ཟླ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་པདྨོས་རབ་ཏུ་བརྒྱན་པས་ཤིན་ཏུ་དྲི་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་གྲོང་ཁྱེར་གྱི་བློ་གྲོས་རབ་ཏུ་སྒྲོག་པའི་སྒྲ་དབྱངས་ཞེས་བྱ་བ་
D44.035.0121a01.01བཞུགས་སོ། །དེའི་སྟེང་ན་འཇིག་རྟེན་གྱི་ཁམས་བདེ་བ་སྐྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་བཅུར་སྙན་པ་རྣམ་པར་གྲགས་པའི་ཡེ་ཤེས་སྒྲོན་མ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གཞི་དྲི་མ་མེད་ཅིང་དྲི་མ་དང་བྲལ་བའི་
D44.035.0121a02.01དྲ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེང་གེའི་འོད་ཟེར་ཡོན་ཏན་རྒྱ་མཚོ་ཡོངས་སུ་རྒྱས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ནགས་ཚལ་གྱི་རྒྱལ་མཚན་རྣམ་པར་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་
D44.035.0121a03.01ཤེས་ཀྱི་མེ་ཏོག་པདྨོ་ཀུན་ཏུ་རྒྱས་པའི་འོད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྒྱན་དུ་མས་རབ་ཏུ་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་གྱིས་ཀུན་ཏུ་ཁྱབ་པ་ཆོས་ཀྱི་དབྱིངས་ཀྱི་དཔལ་གྱི་རྒྱལ་མཚན་ཞེས་བྱ་བ་བཞུགས་སོ། །
D44.035.0121a04.01དེའི་སྟེང་ན་འཇིག་རྟེན་གྱི་ཁམས་རིན་པོ་ཆེ་ལས་བསྒྲུབས་པའི་རྒྱན་ཀུན་ཏུ་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བློ་གྲོས་དམ་པ་བཟང་པོའི་དེད་དཔོན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་
D44.035.0121a05.01འདས་པ་ན། འཇིག་རྟེན་གྱི་ཁམས་ཟེ་བའི་རྒྱལ་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་མཛད་པ་ཟླ་བའི་དཔལ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན།
D44.035.0121a06.01འཇིག་རྟེན་གྱི་ཁམས་མཛོད་དྲི་མ་མེད་པའི་རྒྱན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཚངས་པ་རྣམ་པར་སངས་རྒྱས་པའི་གཟི་བརྗིད་ཅེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་འོད་ཀྱི་ལྷུན་ཅན་
D44.035.0121a07.01