完整藏文原文 · 德格版页 当前仅加载第 35 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ཞབས་དང་ལྡན་པ་རྣམས། །མཚུངས་པ་མེད་ལ་གྲངས་ཀྱང་ནམ་ཡང་མེད། དེ་ནི་འཇིག་རྟེན་འདི་ན་ལ་ལ་དག །རྒྱུ་ལ་ཐོགས་པ་མེད་པར་འདོད་ཕྱིར་རོ། །གང་ལ་ཕུང་པོ་མེད་ཅིང་ཁམས་མེད་དེ། །སྐྱེ་མཆེད་དག་དང་སྐྱེ་ཞིང་འཆི་
D44.035.0196a01.01མེད་པ། །དེ་ཡི་གྲངས་ནི་འཇིག་རྟེན་འདི་བརྙེས་པས། །སྐྱེས་བུ་སེང་གེ་རྣམས་སུ་རབ་ཏུ་བརྗོད། །ནང་དང་ཕྱི་ཞེས་བྱ་བར་གདགས་པ་རྣམས། །དེ་དག་རང་བཞིན་དངོས་ཉིད་སྟོང་པ་སྟེ། །རྟོག་པ་མེད་ཅིང་རྣམ་རྟོག་དེ་བཞིན་མེད། །གཞལ་དུ་མེད་པའི་ཆོས་
D44.035.0196a02.01ཉིད་འདི་འདྲའོ། །དེ་དག་ལ་ནི་གཡོ་བ་ནམ་ཡང་མེད། །སྙེམས་ཤིང་ལྡེག་དང་སྒྲིབ་པ་གང་ཡང་མེད། །འཇིག་རྟེན་ཐམས་ཅད་རྗེས་སུ་རབ་ཏུ་མཁྱེན། །མཐའ་ཡས་འདུལ་བའི་ཚུལ་ནི་འདི་འདྲའོ། །ཞི་བའི་ཏིང་འཛིན་སྤྱོད་ཡུལ་དགྱེས་པ་རྣམས། །རྩེ་
D44.035.0196a03.01གཅིག་གཉིས་ལ་སྤྱོད་པ་མ་ཡིན་ཏེ། །ཡིད་ཀྱིས་བསྩགས་པའང་དེ་བཞིན་གང་ཡང་མེད། །འདིར་ནི་སངས་རྒྱས་རྣམ་འཕྲུལ་མཐའ་ཡས་པའོ། །རྒྱུ་དང་རྐྱེན་དང་བྱ་བ་རྣམ་དག་དང་། །ལས་ཀྱི་རྣམ་སྨིན་སེམས་ཅན་སྤྱོད་པ་ཡིས། །རྒྱལ་བ་རྣམས་ཀྱི་ཡེ་ཤེས་
D44.035.0196a04.01མི་ལྡོག་སྟེ། །བདེ་གཤེགས་ཆོས་འདི་དེ་ལྟར་བསམ་མི་ཁྱབ། །ཕྱོགས་རྣམས་བཅུ་ན་ཇི་ལྟར་འཁོད་པ་ཡི། །འཇིག་རྟེན་རྣམ་པ་སྣ་ཚོགས་ཀུན་གཟིགས་ཤིང་། །སེམས་ཅན་ཚད་མེད་ཡོངས་སུ་འགྲེལ་མཛད་ཀྱང་། །སྐྱེས་བུའི་དབང་པོ་དེ་དག་རྟོག་མི་
D44.035.0196a05.01མངའ། །ཐམས་ཅད་མཁྱེན་པ་ཉིད་ནི་གསེར་གྱི་མདོག །དེ་ཡང་ཀུན་ན་རྣམ་པར་ཀུན་ཏུ་གནས། །དེ་དག་བསམ་པ་ཇི་འདྲ་ཇི་བཞིན་དུ། །ཐུབ་པ་རྣམས་ནི་དེ་ལྟར་ཆོས་ཀྱང་སྟོན། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་ནས་འདས་ཏེ།
D44.035.0196a06.01ཤར་ཕྱོགས་ལོགས་སུ་འཇིག་རྟེན་གྱི་ཁམས་སྟོང་ཕྲག་བཅུ་སྣང་བར་བྱས་སོ། །གཞུང་དེ་བཞིན་དུ་སྟེང་གི་ཕྱོགས་སུ་འཇིག་རྟེན་གྱི་ཁམས་སྟོང་ཕྲག་བཅུ་སྣང་བར་བྱས་སོ། །འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས།
D44.035.0196a07.01