完整藏文原文 · 德格版页 当前仅加载第 35 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྣམ་པར་ཐར་པ་ནི། ཡོན་ཏན་གྱི་དཀྱིལ་འཁོར་ཐམས་ཅད་ཀྱི་རྒྱན་ཡོངས་སུ་སྦྱོང་ཞིང་རྣམ་པར་སྒོམ་པ་ཞེས་བྱའོ། །ནགས་ཚལ་གྱི་ལྷ་ཡན་ལག་རབ་ཏུ་འཆང་བའི་གཟི་བརྗིད་ཀྱི་རྣམ་པར་ཐར་པ་ནི། ཤེས་རབ་དྲི་མ་མེད་པའི་སྒོ་ནས་ཆོས་ཀྱི་དབྱིངས་ལ་
D44.035.0045b01.01དམིགས་ཤིང་། ཀུན་ནས་རྣམ་པར་དམིགས་པས་རྒྱས་པར་འགོངས་པ་ཞེས་བྱའོ། །ནགས་ཚལ་གྱི་ལྷ་དགེ་བའི་འོད་སྣ་ཚོགས་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སྤྱོད་པ་རྒྱ་མཚོ་ལ་ཡང་དག་པར་འཇུག་པའི་ཆོས་ཀྱི་སྤྲིན་མངོན་པར་སྒྲུབ་པ་ཞེས་
D44.035.0045b02.01བྱའོ། །ནགས་ཚལ་གྱི་ལྷ་སྒྲ་སྐད་ཡིད་དུ་འོང་བའི་དབྱངས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཡིད་དུ་མི་འོང་བའི་སྒྲ་ལ་བཟོད་པ་རབ་ཏུ་ཐོབ་པས་ཆོས་ཀྱི་སྣང་བ་དྲི་མ་མེད་པ་ཞེས་བྱའོ། །ནགས་ཚལ་གྱི་ལྷ་ཀུན་ནས་སྤོས་མང་པོ་ལྡང་བའི་
D44.035.0045b03.01འོད་ཀྱི་རྣམ་པར་ཐར་པ་ནི། སྤྱོད་པ་རྒྱ་ཆེན་པོའི་དཀྱིལ་འཁོར་སྤྱོད་པས་ཡོངས་སུ་དག་པར་བྱེད་ཅིང་ཕྱོགས་ཀུན་ཏུ་རྣམ་པར་སྣང་བ་ཞེས་བྱའོ། །ནགས་ཚལ་གྱི་ལྷ་ཀུན་ནས་དཔལ་གྱི་འོད་རབ་ཏུ་འབྱུང་བའི་དཀྱིལ་འཁོར་གྱི་རྣམ་པར་ཐར་པ་ནི། འགྲོ་བ་ལ་
D44.035.0045b04.01ཕན་པའི་དོན་ཆོས་ཐམས་ཅད་ཀྱི་ཡོན་ཏན་གྱིས་རྒྱས་པར་ཡང་དག་པར་སྦྱོང་བ་ཞེས་བྱའོ། །ནགས་ཚལ་གྱི་ལྷ་མེ་ཏོག་དང་འབྲས་བུ་དང་རོའི་འོད་ཀྱི་རྣམ་པར་ཐར་པ་ནི། སངས་རྒྱས་སྐྱེ་བ་ཐམས་ཅད་ལ་དགའ་བར་ལྟ་ཞིང་རྗེས་སུ་དྲན་པའི་ཡོན་ཏན་གྱི་རྒྱན་གྱི་
D44.035.0045b05.01སྙིང་པོ་ཞེས་བྱའོ། །དེ་ནས་ནགས་ཚལ་གྱི་ལྷ་ཡལ་ག་སྣ་ཚོགས་ཀྱི་སྤྲིན་གྱིས་སངས་རྒྱས་ཀྱི་མཐུས་ནགས་ཚལ་གྱི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསོད་ནམས་སྟོབས་
D44.035.0045b06.01དང་ཡེ་ཤེས་སྟོབས་རྣམས་དང་། །སྔོན་ཚེ་བྱང་ཆུབ་སྤྱོད་པས་སངས་རྒྱས་བྱུང་། །སྟོབས་རྣམས་ཀུན་གྱི་རང་བྱུང་ཕ་རོལ་ཕྱིན། །འགྲོ་བ་ཀུན་ན་འཕགས་ཤིང་རྣམ་པར་མཛེས། །འགྲོ་བ་ཐམས་ཅད་སྙེད་ཀྱི་ཐུགས་རྗེའི་སྒོ། །དེ་བཞིན་གཤེགས་པས་སྔོན་ཚེ་
D44.035.0045b07.01