完整藏文原文 · 德格版页 当前仅加载第 35 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འོང་བ་རྣམ་པར་སྣང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྣང་བའི་སྤྲིན་འོད་ཟེར་རྣམ་པར་བརྒྱན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་ནམ་མཁའི་ཕྱོགས་དང་མཉམ་པར་རྣམ་པར་སྣང་བ་ཞེས་བྱ་བ་
D44.035.0134a01.01ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེ་ཀུན་ཏུ་སྣང་བ་རྣམ་པར་དམིགས་པའི་དོན་ཤིན་ཏུ་ཟབ་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་མེ་ཏོག་བཟང་པོས་རབ་ཏུ་བརྒྱན་པའི་རྒྱལ་མཚན་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་གསེར་
D44.035.0134a02.01གྱི་མིག་ཟླ་བའི་རྒྱན་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་སྤོས་དང་མུ་ཏིག་དམ་པའི་སྙིང་པོ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་དཔལ་གྱི་ཀུན་ཏུ་སྣང་བ་ཞེས་བྱ་བ་ཡོད་དེ། དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་
D44.035.0134a03.01འཁོར་ལོས་བསྒྲུབས་པའི་འོད་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྤྲུལ་པ་བཟང་པོ་འབྱུང་བ། སངས་རྒྱས་ཀྱི་ཡུལ་རབ་ཏུ་སྣང་བ་ཞེས་བྱ་བ་གནས་ཏེ། དེ་དག་ལ་{སྩོགས་,སོགས་}པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་
D44.035.0134a04.01སྙེད་ཀྱི་ཕྱི་རོལ་ལྷོ་ཕྱོགས་ལོགས་ཀྱི་ཁོར་ཡུག་གི་མཚམས་ན་སྤོས་ཆུའི་རྒྱ་མཚོ་གཞི་འཁོར་ལོ་ཚད་མེད་པས་བརྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཚད་མེད་པ་སྣྲེལ་ཞི་ཞེས་བྱ་བ་ཞིང་གི་རྒྱུད་ཡོན་ཏན་སྣ་ཚོགས་ཐམས་ཅད་ཤིན་ཏུ་སྟོན་པའི་སྒྲའི་ལྷུན་
D44.035.0134a05.01ཅན་རབ་ཏུ་གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་རྡོ་རྗེའི་མེ་ཏོག་གིས་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་མི་ཟད་པའི་འོད་ཟེར་སྒོ་ཀུན་ནས་སྒྲོག་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་
D44.035.0134a06.01ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེའི་གོས་ཀྱི་རྒྱལ་མཚན་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བསོད་ནམས་ཀྱི་སྤྲིན་ཀུན་ཏུ་དཔལ་
D44.035.0134a07.01