完整藏文原文 · 德格版页 当前仅加载第 35 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་འཇུག་པ་དང་། ལས་གཅིག་ལས་ཐམས་ཅད་དང་མཉམ་པ་ཉིད་དུ་མངོན་པར་འཚང་རྒྱ་བར་བྱ་བའི་ཕྱིར། བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་བླ་མ་དང་
D44.035.0270a01.01བཅས་པའི་ལས་དང་། བླ་ན་མེད་པའི་ལས་དང་། ལྷག་མ་དང་བཅས་པའི་ལས་དང་། མཉམ་པའི་ལས་དང་། མི་མཉམ་པའི་ལས་ཀྱི་བྱེ་བྲག་ཡེ་ཤེས་ཀྱི་རྒྱུད་ཆེན་པོས་མངོན་པར་འཚང་རྒྱ་ཞིང་། ཤེས་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་
D44.035.0270a02.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་གནས་པའི་ལས་དང་། མི་གནས་པའི་ལས་དང་། ཐུན་མོང་གི་ལས་དང་། ཐུན་མོང་མ་ཡིན་པའི་ལས་དང་། མཐའ་ཡས་པའི་ལས་དང་། མུ་མེད་པའི་ལས་དང་། མ་འདྲེས་པའི་
D44.035.0270a03.01ལས་དང་། དགེ་བའི་ལས་དང་། མི་དགེ་བའི་ལས་དང་། འཇིག་རྟེན་པའི་ལས་དང་། འཇིག་རྟེན་ལས་འདས་པའི་ལས་དང་། ལས་ཀྱི་བྱེ་བྲག་ཐམས་ཅད་ལ་ཡེ་ཤེས་ཀྱི་རྒྱུད་ཆེན་པོས་མངོན་པར་འཚང་རྒྱ་ཞིང་ཤེས་པར་བྱ་བའི་ཕྱིར། བྱང་ཆུབ་
D44.035.0270a04.01སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་ཤེས་པའི་ལས་དང་། མི་ཤེས་པའི་ལས་དང་ཆེན་པོ་དང་། འབྲིང་དང་། ཚད་མེད་པའི་ལས་ཀྱི་སྒྲིབ་པ་ཐམས་ཅད་མ་ལུས་པར་ཆགས་པ་མེད་པས་
D44.035.0270a05.01ཤེས་པར་བྱ་བ་དང་། སངས་རྒྱས་ཀྱི་རྣམ་པར་ཐར་པ་མངོན་པར་འཚང་རྒྱ་བར་བྱ་བའི་ཕྱིར། བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་རྣམ་པར་དག་པའི་ལས་དང་། ཀུན་ནས་ཉོན་མོངས་
D44.035.0270a06.01པའི་ལས་དང་། རྒྱ་ཆེན་པོའི་ལས་དང་། རྒྱ་ཆུང་ངུའི་ལས་དང་། ཀུན་ཏུ་འབྲེལ་པའི་ལས་དང་། ཀུན་ཏུ་མ་འབྲེལ་པའི་ལས་དང་། ཕྲ་བའི་ལས་དང་། སྦོམ་པའི་ལས་དང་། ལས་མ་ལུས་པར་སེམས་ཅན་གྱི་ཁམས་ཀྱི་ལས་ཀྱི་ཚུལ་རྣམ་པ་ཐ་དད་
D44.035.0270a07.01