完整藏文原文 · 德格版页 当前仅加载第 35 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་བསམ་གྱིས་མི་ཁྱབ་སྟེ། །དེ་དག་ཐམས་ཅད་སངས་རྒྱས་ཀྱི་མཐུ་དང་། དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་དུ་བརླབས་པས། སེམས་ཅན་ཐམས་ཅད་སངས་རྒྱས་ཀྱི་ཡེ་ཤེས་རྒྱ་མཚོ་ལ་གཟུང་བ་དང་བྱང་ཆུབ་སེམས་དཔའ་
D44.035.0090a01.01ཐམས་ཅད་དེ་བཞིན་གཤེགས་པའི་ཡོན་ཏན་རྒྱ་མཚོ་ལ་རབ་ཏུ་དགོད་པ་དང་། འཇིག་རྟེན་གྱི་ཁམས་རྒྱ་མཚོ་ཐམས་ཅད་སངས་རྒྱས་ཀྱི་རྣམ་པར་འཕྲུལ་པ་ཐམས་ཅད་ཀྱིས་རྣམ་པར་བརྒྱན་པ་དང་། བསྐལ་པ་རྒྱ་མཚོ་ཐམས་ཅད་དུ་དེ་བཞིན་གཤེགས་པའི་གདུང་རྗེས་སུ་
D44.035.0090a02.01བསྩབ་པ་དང་། འཇིག་རྟེན་གྱི་ཁམས་རྒྱ་མཚོ་ཐམས་ཅད་དུ་ཆོས་ཀྱི་རང་བཞིན་གྱིས་དཀྱིལ་འཁོར་རབ་ཏུ་བརྗོད་པ་དང་། སེམས་ཅན་ཐམས་ཅད་ཀྱི་བསམ་པ་དད་པ་རྒྱ་མཚོ་ཐ་དད་པ་ཇི་ལྟ་བ་བཞིན་དུ་རབ་ཏུ་བསྟན་པ་དང་། སེམས་ཅན་ཐམས་ཅད་ཀྱི་དབང་པོ་རྒྱ་མཚོ་ལ་
D44.035.0090a03.01སངས་རྒྱས་ཀྱི་ཆོས་ཚུལ་ཀུན་ཏུ་སྣང་བ་ཡང་དག་པར་བསྐྱེད་པ་དང་། སེམས་ཅན་ཐམས་ཅད་ཀྱི་བསམ་པ་རྒྱ་མཚོའི་སྒྲིབ་པའི་རི་ཐམས་ཅད་རྣམ་པར་གཞོམ་པ་དང་། སེམས་ཅན་ཐམས་ཅད་ཀྱི་སེམས་དང་སྤྱོད་པ་རྒྱ་མཚོ་ལ་འབྱུང་བའི་ལམ་རྣམ་
D44.035.0090a04.01པར་སྦྱང་བ་དང་། བྱང་ཆུབ་སེམས་དཔའ་རྒྱ་མཚོ་ཐམས་ཅད་བྱང་ཆུབ་སེམས་དཔའི་སྨོན་ལམ་རྒྱ་མཚོ་ལ་རབ་ཏུ་དགོད་པའི་ཕྱིར་ཡང་དག་པར་བསྟན་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་འཁོར་གྱི་དཀྱིལ་འཁོར་རྒྱ་མཚོ་རྣམས་དེ་བས་ཀྱང་
D44.035.0090a05.01ཤིན་ཏུ་དགའ་བར་བྱ་བ་དང་། ཆོས་ལ་དགའ་བའི་ཤུགས་ཐམས་ཅད་རྣམ་པར་འཕེལ་བར་བྱ་བ་དང་། མོས་པའི་ཚུལ་ཡངས་པ་རྒྱ་མཚོ་ཡང་དག་པར་འབྱུང་བར་བྱ་བ་དང་ཆོས་ཀྱི་དབྱིངས་ཀྱི་རང་བཞིན་དང་སྙིང་པོ་སྒོ་ཀུན་དང་ལྡན་པ་རྣམ་པར་དག་པར་བྱ་བ་དང་།
D44.035.0090a06.01ཀུན་ཏུ་བཟང་པོའི་སྨོན་ལམ་རྒྱ་མཚོ་ལ་རབ་ཏུ་དགོད་པར་བྱ་བ་དང་། ཡེ་ཤེས་ཀྱི་{མྱིག་,མིག་}དུས་གསུམ་གྱི་རྗེས་སུ་སོང་བ་ཡོངས་སུ་སྦྱང་བ་དང་། འཇིག་རྟེན་ཐམས་ཅད་ཀུན་ནས་སྣང་བར་བྱེད་པའི་སྙིང་པོ་ཤེས་རབ་ཆེན་པོའི་རྒྱ་མཚོ་རྣམ་པར་འཕེལ་བར་བྱ་བ་དང་།
D44.035.0090a07.01