完整藏文原文 · 德格版页 当前仅加载第 35 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་སྒོ་རྣམས་ཀུན་ལ་རབ་སྤྱོད་ཅིང་། །ཚུལ་འདིར་བསྐལ་པ་རྒྱ་མཚོ་ཟད་པར་བྱེད། །མཐའ་མེད་དབུས་མེད་ལྷག་མ་གང་ཡང་མེད། །དེ་དག་ཆོས་ཉིད་ཞི་བ་རབ་ཏུ་སྒྲོག །དུས་གསུམ་རྒྱལ་བའི་སྨོན་ལམ་གང་ཡོད་པ། །རྒྱལ་སྲས་དེ་དག་འགྲོ་ལ་ཕན་དོན་
D44.035.0076b01.01དུ། །དེ་དག་ཐམས་ཅད་མ་ལུས་ཡོངས་སུ་སྤྱོད། །དེ་དག་སྤྱོད་པའི་རྒྱན་ནི་འདི་འདྲའོ། །རྒྱལ་བ་ཀུན་གྱི་འཁོར་དུ་ཉེར་ཕྱིན་ཏེ། །ཕྱོགས་རྣམས་ཀུན་ན་གཟུགས་བརྙན་ལུས་འཆང་ཞིང་། །རྒྱལ་སྲས་ཡེ་ཤེས་རྒྱ་མཚོའི་བློ་གྲོས་ཅན། །དེ་དག་ཆོས་ཉིད་
D44.035.0076b02.01ཞིང་འཇུག་འདི་འདྲའོ། །འོད་ཟེར་སྒོ་རྣམས་རེ་རེ་མཐའ་ཡས་པའི། །བསམ་ཡས་ཞིང་རྣམས་དེ་དག་རབ་ཏུ་འཇུག །སྤྱོད་པས་{མྱིག་,མིག་}ནི་ཀུན་ནས་ཡོངས་དག་སྟེ། །རྒྱལ་སྲས་དེ་དག་སྤྱོད་ཡུལ་འདི་ཡིན་ནོ། །སྐྲ་རྩེ་གཅིག་ཏུ་དེ་དག་རབ་གནས་ཤིང་། །
D44.035.0076b03.01ཞིང་རྣམས་དབྱིངས་ཀུན་ཀུན་ནས་བསྐྱོད་བྱས་ཀྱང་། །སེམས་ཅན་རྣམས་ལ་འཇིགས་པ་{མྱི་,མི་}བྱེད་དེ། །ས་འདི་རྣམ་དག་ཚུལ་འཆང་དག་གིའོ། །ཚུལ་རྣམས་ཀུན་ལ་བསམ་གྱིས་{མྱི་,མི་}ཁྱབ་ལུས། །དེ་དག་ཀུན་ཏུ་ཞིང་རྣམས་སྣ་ཚོགས་སྤྲུལ། །སྐད་
D44.035.0076b04.01ཅིག་སེམས་ལ་འཆི་འཕོ་སྐྱེ་བ་སྣང་། །རྒྱན་འདི་སེམས་ལ་ཆགས་མེད་རྣམས་ཀྱིའོ། །དུས་གསུམ་བསྐལ་པ་གང་ཡོད་མ་ལུས་པར། །སྐད་ཅིག་གཅིག་གིས་ཐམས་ཅད་རབ་ཏུ་སྟོན། །སྒྱུ་མ་ལྟ་བུ་ལུས་མེད་དངོས་ཀྱང་མེད། །དེ་འདྲའི་
D44.035.0076b05.01ཆོས་ཉིད་ཆགས་མེད་བློས་རྟོགས་སོ། །བཟང་པོའི་སྤྱོད་པ་མཆོག་ལ་ཞུགས་པ་རྣམས། །འགྲོ་བ་ཀུན་ལ་ཡིད་དུ་འོང་བའི་ལུས། །རྒྱལ་སྲས་དེ་དག་ཆོས་ཉིད་འདི་ཡིན་ཏེ། །འོད་ཟེར་ཀུན་གྱི་སྒོ་ནས་དབྱངས་ཀྱང་སྒྲོག །དེ་ནས་བཅོམ་ལྡན་འདས་
D44.035.0076b06.01ཀྱིས་བྱང་ཆུབ་སེམས་དཔའ་མཐའ་དང་དབུས་མེད་པ་དེ་དག་དེ་བཞིན་གཤེགས་པའི་ཡུལ་ལ་རྣམ་པར་སྤྱོད་པས་རྣམ་པར་འཕྲུལ་པ་ཐོབ་པར་བྱ་བའི་ཕྱིར། སྨིན་མཚམས་ཀྱི་མཛོད་སྤུ་ནས་འོད་ཟེར་ཆེན་པོ་བྱང་ཆུབ་སེམས་དཔའ་ཐམས་ཅད་ཡེ་ཤེས་ཀྱི་
D44.035.0076b07.01