完整藏文原文 · 德格版页 当前仅加载第 35 函德格 317b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ནས་ཐོབ་པར་བྱེད་ཀྱང་། ཆོས་ལ་གནས་མི་སྐྱེད་དོ། །བྱང་ཆུབ་ཀྱི་སེམས་ལ་ཞུགས་པའི་ཡིད་ཀྱིས་འཚང་རྒྱ་བར་བྱ་བ་ལ་ཡང་རྣམ་པར་སྤྱོད་དེ། འཚང་རྒྱ་བར་བྱ་བ་དེ་ལ་གནས་མི་སྐྱེད་དོ། །ཚིག་གི་ལམ་ཡང་བརྗོད་དེ། ཚིག་གི་ལམ་ལ་གནས་པར་མི་
D44.035.0317b01.01བྱེད་དོ། །སེམས་ཅན་གྱི་རྒྱུད་ལ་ཡང་འཇུག་སྟེ། སེམས་ཅན་གྱི་རྒྱུད་ལ་ཡང་གནས་པར་མི་བྱེད་དོ། །ཏིང་ངེ་འཛིན་ཀྱང་རབ་ཏུ་ཤེས་ཤིང་དེ་དག་ལ་ཡང་མཉམ་པར་གཞོག་སྟེ། ཏིང་ངེ་འཛིན་དེ་དག་ལ་གནས་ཀྱི་སེམས་ཀྱང་མི་སྐྱེད་དོ། །སངས་རྒྱས་ཀྱི་ཞིང་
D44.035.0317b02.01བརྗོད་དུ་མེད་པར་འགྲོ་ཞིང་འཇུག་ལ་དེ་དག་ཏུ་ཕྱིན་ཏེ་མཐོང་ཞིང་གནས་ཀྱང་གནས་ཀྱི་སེམས་མི་སྐྱེད་དོ། །དེ་དག་ནས་འགྲོ་ཡང་ཆགས་པའི་སེམས་མི་སྐྱེད་དེ། དེ་དག་སེམས་འདི་ལྟར་བསྐྱེད་དོ། །ཀྱེ་སངས་རྒྱས་ཀྱི་ཆོས་དེ་ལྟར་གཟུང་བ་མེད། སངས་
D44.035.0317b03.01རྒྱས་ཀྱི་བྱང་ཆུབ་དེ་ལྟར་བསྒྲིབས་པ་མེད། ཆོས་དང་འདུལ་བ་དེ་ལྟར་ལེགས་པར་བསྟན། སངས་རྒྱས་ཀྱི་བསྟན་པ་དེ་ལྟར་ལེགས་པར་གནས། བྱང་ཆུབ་སེམས་དཔའི་སྤྱོད་པ་དེ་ལྟར་ལེགས་པར་འདུག །བྱང་ཆུབ་ཀྱི་སེམས་དེ་ལྟར་ལེགས་པར་གནས།
D44.035.0317b04.01བྱང་ཆུབ་སེམས་དཔའི་རྣམ་པར་ཐར་པ་དེ་ལྟར་ཤིན་ཏུ་རྟོགས། བྱང་ཆུབ་སེམས་དཔའི་རང་བཞིན་དེ་ལྟར་ཆགས་པ་མེད། བྱང་ཆུབ་སེམས་དཔའི་ཚུལ་དེ་ལྟར་གནས་པ་མེད། བྱང་ཆུབ་སེམས་དཔའི་ལམ་དེ་ལྟར་ཤིན་ཏུ་སྦྱངས། བྱང་ཆུབ་སེམས་དཔའི་ལུང་
D44.035.0317b05.01བསྟན་པ་དེ་ལྟར་བྱིན་གྱིས་བརླབས་ཀྱང་། བྱིས་པ་སོ་སོའི་སྐྱེ་བོ་འདི་དག་ནི་ཤེས་པ་མེད་པ། མཐོང་བ་མེད་པ། དད་པ་མེད་པ། མོས་པ་མེད་པ། མི་མཁས་པའི་གནས་ལ་སྤྱོད་པ། བསམ་པ་རྨུགས་པ། འཁོར་བའི་རྒྱུད་ཤིན་ཏུ་འབྱུང་བ་ལ་གཞོལ་བ།
D44.035.0317b06.01སངས་རྒྱས་བལྟ་བ་ལ་ལོག་པར་ཞུགས་པ། འདྲེན་པའི་ས་ལས་ཉམས་པ། ལམ་ཤེས་པའི་དྲུང་ནས་གར་བ། ཁ་ལོ་སྒྱུར་བ་མི་ཚོལ་བ། སྟོབས་བཅུ་ལ་རིམ་གྲོ་མེད་པ། བྱང་ཆུབ་སེམས་དཔའ་ལ་དྲིན་དུ་མི་གཟོ་བ། དམའ་བ་ལ་གནས་པ།
D44.035.0317b07.01