完整藏文原文 · 德格版页 当前仅加载第 35 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་སེམས་ཅན་ཐམས་ཅད་ཀྱི་དོན་གང་ཆེན་མཚོ་རྣམ་པར་སྣང་མཛད་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་འཇིག་རྟེན་གྱི་ཁམས་རྒྱ་མཚོ་དེ་མཐོང་བ་འམ། འཇིག་རྟེན་གྱི་ཁམས་རྒྱ་མཚོ་དེ་ཕྱོགས་གང་ན་མཆིས་པ་དང་།
D44.035.0172b01.01འཇིག་རྟེན་གྱི་ཁམས་རྒྱ་མཚོ་དེ་འདི་ནས་རིང་ངམ་ཉེ་བ་དང་། དེ་བཞིན་གཤེགས་པ་གང་ཞིག་ད་ལྟར་དེ་ན་བཞུགས་ཤིང་འཚོ་སྐྱོང་བ་དང་། ཆོས་སྟོན་པ་ལྟ་སྨོས་ཀྱང་ཅི་འཚལ་ཏེ། བདག་གིས་འཇིག་རྟེན་གྱི་ཁམས་རྒྱ་མཚོ་དེའི་མཚན་མ་ཙམ་ཡང་མ་མཐོང་ངོ་། །
D44.035.0172b02.01དེ་ནས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གང་ཆེན་མཚོ་རྣམ་པར་སྣང་མཛད་ཀྱིས། རྒྱལ་པོ་རིན་ཆེན་མང་པོ་ལ་འདི་སྐད་ཅེས་བཀའ་སྩལ་ཏོ། དེ་ལྟ་བས་ན་རྒྱལ་པོ་ཆེན་པོ་རྣམ་གྲངས་དེས་ཀྱང་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་
D44.035.0172b03.01ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེར་ནི་དེ་བཞིན་གཤེགས་པའི་བྱིན་གྱི་རླབས་མ་གཏོགས་པར། ཏིང་ངེ་འཛིན་གྱི་སྙིང་པོ་བྱང་ཆུབ་ཀྱི་རྒྱན་རྣམ་པར་ཕྱེ་བ་སྙིང་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་གནས་པའི་བྱང་
D44.035.0172b04.01ཆུབ་སེམས་དཔའ་རྒྱ་མཚོས་ཀྱང་འགྲོ་བར་བྱ་བ་འམ། དེ་བཞིན་གཤེགས་པ་བལྟ་བ་འམ། དེ་ལ་ཕྱག་བྱ་བ་འམ། བསྙེན་བཀུར་བ་འམ། དེ་ལས་ཆོས་མཉན་པ་བདེ་བླག་མ་ཡིན་པར་ཤེས་པར་གྱིས་ཤིག །དེ་ནས་རྒྱལ་པོ་རིན་ཆེན་མང་པོས་
D44.035.0172b05.01དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གང་ཆེན་མཚོ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བསྟན་ཏུ་གསོལ། །འཇིག་རྟེན་གྱི་ཁམས་རྒྱ་མཚོ་དེ་ནི་ཕྱོགས་གང་ན་མཆིས། འཇིག་རྟེན་གྱི་ཁམས་རྒྱ་
D44.035.0172b06.01མཚོ་དེ་འདི་ནས་ནི་ཐག་ཇི་སྲིད་ཅིག་ན་མཆིས། དེ་བཞིན་གཤེགས་པ་ནི་གང་ཞིག་ད་ལྟར་དེ་ན་བཞུགས་ཤིང་འཚོ་སྐྱོང་བ་དང་། ཆོས་སྟོན་པ་བསྟན་དུ་གསོལ། །དེ་ནས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གང་ཆེན་མཚོ་རྣམ་པར་
D44.035.0172b07.01