完整藏文原文 · 德格版页 当前仅加载第 35 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
བ་འོད་ཟེར་སངས་རྒྱས་ཀྱི་ཞིང་། ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་རབ་ཏུ་བཀྱེ་སྟེ། འཇིག་རྟེན་གྱི་ཁམས་ཐམས་ཅད་ཁྱབ་པར་མཛད་ནས། འདུལ་བ་ཐམས་ཅད་ཡང་དག་པར་བསྐུལ་ཏོ། །བཅོམ་ལྡན་འདས་དེ་བཞིན་གཤེགས་པ་ཡོན་ཏན་
D44.035.0148b01.01ཐམས་ཅད་ཀྱི་རི་བོ་རི་རབ་དཔལ་གྱི་སྤྲིན་གྱིས་འོད་ཟེར་དེ་དག་བཀྱེ་མ་ཐག་ཏུ། དེའི་མོད་ལ་སེམས་ཅན་ཐམས་ཅད་ཀྱི་ཉོན་མོངས་པ་ཐམས་ཅད་ཀྱང་རབ་ཏུ་ཞི་བར་གྱུར། སྒྲིབ་པའི་དྲ་བ་ཐམས་ཅད་ཀྱང་ཤིན་ཏུ་བསལ། སངས་རྒྱས་བལྟ་བ་ལ་སྒྲིབ་པའི་རི་ཐམས་
D44.035.0148b02.01ཅད་ཀྱང་རྣམ་པར་བཅོམ། སེམས་ཅན་ཐམས་ཅད་ཀྱི་རྙོག་པ་ཡང་རྣམ་པར་དག །དགེ་བ་རྒྱ་མཚོ་ཐམས་ཅད་ཀྱང་རབ་ཏུ་བྱུང་། མོས་པ་ཡངས་པའི་དཀྱིལ་འཁོར་ཡང་ཡོངས་སུ་དག །མི་ཁོམ་པ་དང་། ངན་སོང་དང་། ངན་འགྲོའི་གཡང་ས་དང་། འཇིགས་
D44.035.0148b03.01པ་ཐམས་ཅད་ཀྱང་རྣམ་པར་བསྩལ། ལུས་དང་སེམས་ཀྱི་གནོད་པ་ཐམས་ཅད་ཀྱང་རབ་ཏུ་ཞི། སངས་རྒྱས་མཐོང་བས་དགའ་བའི་ཤུགས་ཀྱང་རྣམ་པར་དག །ཐམས་ཅད་མཁྱེན་པ་ཉིད་ལ་རབ་ཏུ་གཞོལ་བ་ཡང་ཤིན་ཏུ་ཐོབ་པར་གྱུར་ཏེ། དེ་དག་འོད་གཟེར་དེས་ཡང་
D44.035.0148b04.01དག་པར་བསྐུལ་བ་དང་། འཇིག་རྟེན་གྱི་དབང་པོ་ཐམས་ཅད་འཁོར་བརྒྱ་སྟོང་དུ་མ་དག་གིས་བསྐོར་ཅིང་། བཅོམ་ལྡན་འདས་གང་ན་བ་དེར་འདོང་བར་གྱུར་ཏོ། །ཀྱེ་རྒྱལ་བའི་སྲས་དག །དེ་ལ་གྲོང་ཁྱེར་ཆེན་པོ་འོད་འཕྲོ་བའི་འོད་ཅེས་བྱ་བ་དེར་རྒྱལ་པོ་བལྟ་ན་དགའ་བ་
D44.035.0148b05.01ཤིན་ཏུ་གཙང་བའི་བློ་གྲོས་ཤེས་བྱ་བ། གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་བདག་པོ་བྱུང་སྟེ། དེ་ལ་བུད་མེད་བསོད་ནམས་ཀྱི་དཔལ་ལ་{སྩོགས་,སོགས་}པ་སྟོང་ཕྲག་སུམ་ཅུ་རྩ་བདུན་ཡོད་དོ། །དེ་ལ་བུ་གཟི་བརྗིད་ཆེན་པོ་ལ་{སྩོགས་,སོགས་}པ་ལྔ་བརྒྱ་ཡོད་དོ། །རྒྱལ་
D44.035.0148b06.01པོའི་བུ་གཟི་བརྗིད་ཆེན་པོ་ལ་ཡང་བུད་མེད་བལྟ་ན་བཟང་བ་ལ་{སྩོགས་,སོགས་}པ་སྟོང་ཕྲག་བཅུ་ཡོད་དོ། །དེ་ནས་རྒྱལ་པོ་གཞོན་ནུ་གཟི་བརྗིད་ཆེན་པོས་སངས་རྒྱས་ཀྱི་རྣམ་པར་འཕྲུལ་པ་མཐོང་ནས་སྔོན་གྱི་དགེ་བའི་རྒྱུས་ཆོས་བཅུ་ཁོང་དུ་ཆུད་པར་གྱུར་ཏོ། །བཅུ་གང་ཞེ་ན། འདི་ལྟ་སྟེ་
D44.035.0148b07.01