完整藏文原文 · 德格版页 当前仅加载第 35 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ལ་{སྩོགས་,སོགས་}པ་འཇིག་རྟེན་གྱི་ཁམས་རྒྱ་མཚོ་ཡོངས་སུ་དག་པར་བྱ་བའི་ཚུལ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོ་ཡོངས་སུ་དག་པར་
D44.035.0097b01.01བྱ་བའི་ཚུལ་རྒྱ་མཚོ་འདི་ཉིད་རྣམ་པར་བསྟན་པའི་ཕྱིར་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་རྣམས་རྒྱ་མཚོ་ཐམས་ཅད་སྣ་ཚོགས་རྒྱན། །སྨོན་ལམ་ཚུལ་རྣམས་རྒྱ་མཚོ་ཀུན་
D44.035.0097b02.01གྱིས་བྱུང་། །ཁ་དོག་མཐའ་ཡས་ལས་ཀྱི་རྒྱ་མཚོ་དག །ཞིང་རྣམས་རྒྱ་མཚོ་རྟག་ཏུ་འོད་མང་འགྱེད། །སྔན་ཅད་དགེ་བའི་བཤེས་གཉེན་བསྙེན་བཀུར་ཅིང་། །བསྐལ་པ་མཉམ་པའི་ལས་དགེ་ཡོངས་སྦྱངས་ཏེ། །སྙིང་རྗེ་བྱམས་པས་དགོངས་ཡངས་
D44.035.0097b03.01ཀུན་བཀང་ཞིང་། །ཞིང་རྣམས་རྒྱ་མཚོ་ཡངས་པ་འདི་ཀུན་སྦྱངས། །ཆོས་སྒོ་ཀུན་ཏུ་ཏིང་འཛིན་ས་ཀུན་གྱིས། །སངས་རྒྱས་ཡོན་ཏན་རྒྱ་མཚོ་ཡངས་སྦྱངས་ཏེ། །བསམ་གཏན་ཚུལ་དང་རྣམ་ཐར་ས་སྦྱང་ཞིང་། །ཞིང་རྣམས་རྒྱ་མཚོ་སྣ་ཚོགས་ཡངས་པ་བྱུང་། །
D44.035.0097b04.01མོས་པའི་དཀྱིལ་འཁོར་མཐའ་ཡས་སྟོབས་བསྐྱེད་ཅིང་། །རྒྱལ་བའི་མཉམ་ཉིད་མ་ནོར་རྟོགས་བྱས་ནས། །བཟོད་པ་རྒྱ་མཚོའི་ཚུལ་རྣམས་ཡོངས་སྦྱངས་ཤིང་། །རྣམ་དག་ཁ་དོག་མཐའ་ཡས་ཞིང་རྣམས་བྱུང་། །བསོད་ནམས་སྤྲིན་ནི་ནམ་མཁའ་མཉམ་
D44.035.0097b05.01བསྐྱེད་ཅིང་། །འགྲོ་བ་ཀུན་ཕན་བདེ་དོན་སྤྱོད་སྤྱད་དེ། །བསོད་ནམས་རྒྱ་མཚོ་སེམས་ཅན་ཀུན་བསྟན་པས། །འཇིག་རྟེན་ཁམས་རྣམས་རྒྱ་མཚོ་ཀུན་ཀྱང་འབྱུང་། །ཞིང་རྣམས་རྒྱ་མཚོའི་རྡུལ་སྙེད་ཚད་མེད་པའི། །ཕ་རོལ་ཕྱིན་པ་མ་ལུས་ཀུན་སྦྱངས་ཏེ། །
D44.035.0097b06.01སྨོན་ལམ་མཐར་ཕྱིན་མི་ཟད་གོམས་བྱས་པས། །དྲི་མེད་རྒྱ་མཚོའི་ཞིང་རྣམས་ཡངས་པ་འབྱུང་། །འབྱུང་བའི་སྤྱོད་པ་གང་ཡོད་ཚད་མེད་དང་། །ཆོས་རྣམས་ཐམས་ཅད་ཡངས་པ་ཡོངས་སྦྱངས་ཏེ། །སྣ་ཚོགས་ཐབས་སྒོས་སེམས་ཅན་སྦྱངས་པས་ན། །འདི་
D44.035.0097b07.01