完整藏文原文 · 德格版页 当前仅加载第 35 函德格 379a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་བྱང་ཆུབ་སེམས་དཔའ་ཡང་དྲིན་མི་གཟོ་བ་དང་། བློ་ཞེན་པ་དང་། སེམས་འཁྲུག་པ་དང་། རྙོག་པ་དང་། མུན་པར་གྱུར་པ་དང་། རང་བཞིན་སྟོར་བ་དང་། རློམ་སེམས་དང་ལྡན་པ་དང་། སྒྲུབ་པ་ཉམས་པ་དང་།
D44.035.0379a01.01སེམས་རྨུས་ལོང་ལྟ་བུར་གྱུར་པའི་སེམས་ཅན་བྱིས་པ་ཐམས་ཅད་ཀྱིས་སྐྱོན་ཅན་དུ་མི་ནུས་སོ། །འདི་ལྟ་སྟེ་དཔེར་ན། ལྷའི་བུ་ཉི་མ་འཆར་བ་དེ་ནི་རྨུས་ལོང་གི་སྐྱོན་གྱིས་འཆར་བ་ལ་ཐོགས་པར་མི་འགྱུར་རོ། །དྲི་ཟའི་གྲོང་ཁྱེར་གྱི་སྐྱོན་གྱིས་ཐོགས་
D44.035.0379a02.01པར་མི་འགྱུར་རོ། །གླིང་བཞི་འཇིག་རྟེན་གྱི་ཁམས་ཀྱི་སའི་རྡུལ་གྱི་སྐྱོན་གྱིས་ཐོགས་པར་{མྱི་,མི་}འགྱུར་རོ། །ལྷ་མ་ཡིན་གྱི་དབང་པོ་སྒྲ་གཅན་གྱི་སྐྱོན་གྱིས་ཐོགས་པར་མི་འགྱུར་རོ། །དུ་བ་འཁྲིགས་པའི་སྐྱོན་གྱིས་ཐོགས་པར་མི་འགྱུར་རོ། །འཛམ་བུའི་
D44.035.0379a03.01གླིང་གི་ཉེ་བའི་ཉོན་མོངས་པའི་སྐྱོན་གྱིས་ཐོགས་པར་མི་འགྱུར་རོ། །གྲིབ་མ་སྣ་ཚོགས་ཀྱི་སྐྱོན་གྱིས་ཐོགས་པར་མི་འགྱུར་རོ། །དུག་གི་རིའི་སྐྱོན་གྱིས་ཐོགས་པར་མི་འགྱུར་རོ། །ཁམས་ཀྱི་ཉེ་བའི་ཉོན་མོངས་པའི་སྐྱོན་གྱིས་ཐོགས་པར་མི་འགྱུར་རོ། །
D44.035.0379a04.01དུས་ཡོངས་སུ་འགྱུར་བའི་སྐྱོན་གྱིས་ཐོགས་པར་མི་འགྱུར་རོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དྲན་པ་ཅན་ཡང་དག་པར་ཤེས་པ་དང་ལྡན་པ། སེམས་ཀྱི་བདག་ཉིད་ཆེ་བ་ཉིད་ཤིན་ཏུ་ཟབ་ཅིང་ཡངས་པ་ཡིད་ལ་ཡང་དག་པར་རྟོག་པ།
D44.035.0379a05.01མི་ཞན་པ་ཡོན་ཏན་སྤྱད་པས་ཡེ་ཤེས་མཐར་གྱུར་པ་ཆོས་ལ་ཤིན་ཏུ་དད་པའི་སེམས་མངོན་པར་སྐྱེས་པ། ཆོས་ཀྱི་སྣང་བའི་འོད་ཀྱིས་རབ་ཏུ་སྣང་བ་དོན་ཐམས་ཅད་མཐོང་བ་ཆོས་མངོན་པར་ཤེས་པ་ཡེ་ཤེས་རིག་པ་སྤྱོད་པ་མེད་པ་ལྷུར་བྱེད་པ། སེམས་ཅན་ཐམས་ཅད་དགེ་བའི་ཆོས་སྤྱོད་པ་ལ་རབ་
D44.035.0379a06.01ཏུ་སྦྱོར་བ། སེམས་ཅན་ཐམས་ཅད་ཀྱིས་ཉེས་པར་སེམས་བསྐྱེད་པ་ལ་འཁྲུལ་པ་མེད་པ་དེ་ཡང་དགེ་བའི་རྩ་བ་དེ་དག་ཡོངས་སུ་བསྔོ་བ་ན། གནོད་པར་བྱེད་པ་ཐམས་ཅད་ཀྱི་སྐྱོན་གྱིས་ཐོགས་པར་{མྱི་,མི་}འགྱུར་རོ། །སེམས་ཅན་མི་སྲུན་པའི་ཚུལ་གྱིས་ལྡོག་པར་{མྱི་,མི་}
D44.035.0379a07.01