完整藏文原文 · 德格版页 当前仅加载第 35 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་ཞིང་ཡངས་ལ་དབེན་པའི་སྣང་བ་ལ་རབ་ཏུ་འཇུག་པ་ཞེས་བྱའོ། །རིའི་ལྷ་ནགས་ཚལ་སྣ་ཚོགས་མེ་ཏོག་ཤིན་ཏུ་རྒྱས་པའི་གཙུག་ཕུད་ཀྱི་རྣམ་པར་ཐར་པ་ནི། འགྲོ་བ་བསམ་གྱིས་མི་ཁྱབ་པའི་དགེ་བའི་རྩ་བ་ཡོངས་སུ་སྨིན་པར་བྱེད་པའི་བྱམས་པ་སྒོམ་པའི་རྒྱན་ཅེས་བྱའོ། །
D44.035.0046b01.01རིའི་ལྷ་ཀུན་ནས་ཤིན་ཏུ་འཕགས་པས་རྣམ་པར་སྣང་བའི་རྒྱལ་མཚན་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་བསམ་པ་རྣམ་པར་ལྟ་བའི་དབང་པོ་ལ་འཇུག་པས་མངོན་པར་སྣང་བ་ཞེས་བྱའོ། །རིའི་ལྷ་རྡུལ་ཐམས་ཅད་དང་མི་གནས་པས་དྲི་མ་མེད་པའི་གཙུག་
D44.035.0046b02.01ཕུད་ཀྱི་རྣམ་པར་ཐར་པ་ནི། བསྐལ་པ་རྒྱ་མཚོ་མཐའ་ཡས་པར་མི་སྐྱོ་བའི་བརྩོན་འགྲུས་ཀྱིས་རབ་ཏུ་སྦྱོར་བ་ཞེས་བྱའོ། །རིའི་ལྷ་སྣང་བས་ཕྱོགས་སུ་གསོལ་བའི་འོད་ཀྱི་རྣམ་པར་ཐར་པ་ནི། སངས་རྒྱས་ཀྱི་ཡོན་ཏན་མཐའ་ཡས་པའི་སྣང་བ་རྣམ་པར་བསྟན་པ་སྟོན་
D44.035.0046b03.01པ་ཞེས་བྱའོ། །རིའི་ལྷ་སྟོབས་ལ་ཐུབ་པ་མེད་པའི་སྣང་བའི་འོད་ཀྱི་རྣམ་པར་ཐར་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར་གཏི་མུག་ཡོངས་སུ་སེལ་བའི་འོད་ཅེས་བྱའོ། །རིའི་ལྷ་ཀུན་ནས་གཟི་བརྗིད་དཔལ་གྱི་དཀྱིལ་འཁོར་གྱི་རྣམ་པར་ཐར་པ་ནི། ཆགས་པ་
D44.035.0046b04.01ཐམས་ཅད་དང་མཉམ་པའི་རྒྱན་གྱི་སྡུག་བསྔལ་ཡང་དག་པར་འཇོམས་པ་ཞེས་བྱའོ། །རིའི་ལྷ་སྣང་བའི་རྡུལ་ཆུ་བོའི་དཀྱིལ་འཁོར་གྱི་རྣམ་པར་ཐར་པ་ནི། དེ་བཞིན་གཤེགས་པ་ཐམས་ཅད་ཀྱི་བསྟན་པའི་ཡོན་ཏན་སྣང་བ་ཡང་དག་པར་སྟོན་པ་ཞེས་བྱའོ། །རིའི་ལྷ་ཀུན་
D44.035.0046b05.01ཏུ་མངོན་པར་ལྟ་བའི་མིག་གི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་རྨི་ལམ་གྱི་མཐར་ཡང་དགེ་བའི་རྩ་བ་རྣམ་པར་འཕེལ་བར་བྱེད་པ་ཞེས་བྱའོ། །རིའི་ལྷ་ཀུན་ནས་སྲ་བའི་རྡོ་རྗེའི་མཚམས་ཀྱི་མིག་གི་རྣམ་པར་ཐར་པ་ནི། དོན་རྒྱ་མཚོ་རྒྱ་ཆེན་པོ་མཐའ་ཡས་པ་དང་
D44.035.0046b06.01འགྲོགས་པ་ཞེས་བྱའོ། །དེ་ནས་རིའི་ལྷ་རིན་པོ་ཆེའི་རྩེ་མོ་མེ་ཏོག་ཤིན་ཏུ་རྒྱས་པར་གནས་པས། སངས་རྒྱས་ཀྱི་མཐུས། རིའི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བའི་རྣམ་
D44.035.0046b07.01