完整藏文原文 · 德格版页 当前仅加载第 35 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱམ་ཀླས་གཞན་དང་གཞན་ལ་རབ་ཏུ་ཞུགས། །རང་གི་བྱང་ཆུབ་སྤྱོད་པས་སྔོན་ཅད་སྤྱད་པ་སྟོན། །དེ་ལྟར་ཞིང་རྣམས་ཀུན་ཏུ་བསམ་ཡས་རྣམ་འཕྲུལ་པ། །ཕྱོགས་རྣམས་རྒྱ་ཆེ་ཀུན་ཏུ་བཀང་སྟེ་རབ་ཏུ་བསྟན། །ཏིང་འཛིན་
D44.035.0088a01.01རྣམས་ལ་འཇུག་པ་རབ་ཏུ་བསྟན་པའི་ཕྱིར། །རྒྱལ་བའི་འོད་ཟེར་སྤྲིན་ལས་ཡོན་ཏན་ལེགས་སྒྲ་འབྱུང་། །དེ་ནས་བྱང་ཆུབ་སེམས་དཔའི་འཁོར་ཡོད་པ་ཐམས་ཅད་སངས་རྒྱས་ཀྱི་མཐུས་ཐལ་མོ་སྦྱར་ཏེ། བྱང་ཆུབ་སེམས་དཔའ་ཀུན་ཏུ་བཟང་པོ་ལ་ལྟ་ཞིང་དབྱངས་ཀྱི་ང་
D44.035.0088a02.01རོ་གཅིག་ཏུ་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བ་ཐམས་ཅད་ཆོས་ལས་སྐྱེས་པ་སྟེ། །སྨོན་ལམ་ཀུན་གྱིས་སངས་རྒྱས་རབ་ཏུ་བྱུང་། །དེ་བཞིན་ཉིད་མཉམ་ནམ་མཁའི་སྙིང་པོ་སྟེ། །ཆོས་ཀྱི་སྐུ་ཡིས་རྣམ་པར་རབ་ཏུ་མཛེས། །ཞིང་
D44.035.0088a03.01རྣམས་འབྱམ་ཀླས་ཀུན་ལ་བཞུགས་{མྱེད་,མེད་}ཀྱང་། །ཀུན་ཏུ་བཟང་པོའི་འཁོར་རྣམས་ཀུན་ན་སྣང་། །ཕྱོགས་བཅུ་ཀུན་ཏུ་ཡོན་ཏན་གྲག་པས་ཁྱབ། །ཡེ་ཤེས་རྒྱ་མཚོ་རབ་ཏུ་སྣང་བ་མངའ། །རྒྱལ་བ་ཐམས་ཅད་སྐུ་ཐོབ་ཕྱིར་སྤྱོད་པ། །ཕྱོགས་
D44.035.0088a04.01བཅུའི་ཡོན་ཏན་རྒྱ་མཚོ་ཡོད་པའི་རྣམས། །རྡུལ་སྦུབས་ཀུན་ཏུ་དེ་དག་ཆུད་བྱས་ཤིང་། །ཞིང་རྣམས་ཀུན་ཏུ་རྣམ་པར་རབ་ཏུ་མཛེས། །ཞིང་རྣམས་ཀུན་གྱི་རྒྱལ་བའི་ཞབས་དྲུང་ན། །རྒྱལ་སྲས་ཏིང་ངེ་འཛིན་དང་སྤྱད་པ་དང་། །ཆོས་རྣམས་ཀུན་ལ་སྤྱོད་
D44.035.0088a05.01ཅིང་གནས་པའི་རྣམས། །རྡུལ་དང་མཉམ་པའི་བསྐལ་པར་ཀུན་ཀྱང་སྣང་། །ཆོས་ཀྱི་དབྱིངས་རྣམས་ལུས་ཀྱིས་ཁྱབ་བྱས་ཤིང་། །ཞིང་རྣམས་འབྱམ་ཀླས་ཀུན་ལ་ཤིན་ཏུ་ཞུགས། །སེམས་ཅན་རྒྱ་མཚོའི་དོན་དུ་དེ་སྤྱོད་ཅིང་། །རྡུལ་ཕྲན་ཀུན་ལ་ཆོས་
D44.035.0088a06.01ཀྱི་དབྱིངས་སུ་ཞུགས། །ཆོས་ཀྱི་དབྱིངས་ལ་དེ་ལྟར་ཞུགས་ནས་ཀྱང་། །རྡུལ་ཕྲན་ཀུན་ལ་མི་ཟད་ཐ་མི་དད། །ནམ་མཁའི་དབྱིངས་ནི་ལུས་ཀྱིས་གང་བྱས་ཤིང་། །རྒྱལ་བའི་ཆོས་རྣམས་ཡངས་པ་རབ་ཏུ་སྟོན། །ཡོན་ཏན་རྒྱ་མཚོ་འོད་ཀུན་གཞལ་དུ་མེད། །
D44.035.0088a07.01