完整藏文原文 · 德格版页 当前仅加载第 35 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཡོངས་སུ་བསྟན་པའི་ཕྱིར་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བ་འབྱུང་བ་ཐབས་རྣམས་སྣ་ཚོགས་ཀྱི། །སྒོ་ནས་ཞིང་རྣམས་རྒྱ་མཚོར་རབ་ཏུ་འབྱུང་། །དེ་དག་སེམས་ཅན་བསམ་པ་
D44.035.0098b01.01ཇི་བཞིན་མཁྱེན། །སངས་རྒྱས་ཐབས་ཀྱི་སྒོ་མང་རྒྱ་མཚོའོ། །སངས་རྒྱས་ཆོས་སྐུ་བསམ་གྱིས་{མྱི་,མི་}ཁྱབ་སྟེ། །མིག་ཡོར་མ་ཡིན་མཚན་ཉིད་མེད་པའི་གཟུགས། །གཟུགས་ཀྱི་ཁྱད་པར་འགྲོ་བ་འདི་དག་ཏུ། །སེམས་ཅན་བསམ་པའི་ཕྱོགས་བཞིན་
D44.035.0098b02.01སྟོན་ལ་ལྟོས། །སྐུ་ཚེ་ཐུང་བར་ལ་ལ་རྣམ་པར་སྟོན། །ལ་ལ་བསྐལ་པ་བསམ་ཡས་བྱིན་གྱིས་རློབ། །ཆོས་ཀྱི་སྐུ་ནི་ཕྱོགས་རྣམས་ཀུན་གྱི་སྒོ། །རབ་ཏུ་མཛེས་པར་འགྲོ་བ་འདི་ན་བཞུགས། །ལ་ལ་ཞིང་རྣམས་རྒྱ་མཚོ་བསམ་ཡས་དག །སྦྱོང་
D44.035.0098b03.01ཞིང་འབྱམ་ཀླས་ཕྱོགས་བཅུ་ཀུན་ན་ཡང་། །ལ་ལ་ཞིང་གཅིག་རྣམ་པར་སྦྱོང་བ་མཛད། །སྨོན་ལམ་མ་ལུས་ཀུན་ཀྱང་ཚུལ་གཅིག་གོ །ལ་ལ་བསམ་གྱིས་མི་ཁྱབ་ཐེག་པའི་རྒྱན། །སེམས་ཅན་ཡིད་བཞིན་སངས་རྒྱས་སྟོན་པ་མཛད། །ལ་ལ་ཐེག་
D44.035.0098b04.01པ་གཅིག་ཀྱང་རབ་སྟོན་ཏེ། །རྒྱལ་བའི་ཐབས་ནི་གཅིག་ཀྱང་མཐའ་ཡས་སོ། །རང་བྱུང་ལ་ལ་བྱང་ཆུབ་སངས་རྒྱས་ནས། །སེམས་ཅན་མི་མང་ལམ་ལ་གཞོག་པ་མཛད། །ལ་ལ་སྐད་ཅིག་གཅིག་གིས་སེམས་ཅན་རྣམས། །རྒྱ་མཚོ་བསམ་
D44.035.0098b05.01ཡས་བྱང་ཆུབ་དོན་དུ་འདུལ། །ལ་ལ་སྤུ་ཡི་སྒོ་ནས་བསམ་ཡས་པའི། །སངས་རྒྱས་སྤྲུལ་པའི་སྤྲིན་རྣམས་རབ་ཏུ་འགྱེད། །འགྲོ་བ་ཀུན་ཏུ་དེ་དག་མངོན་བཀང་ཞིང་། །ཐབས་ཀྱི་སྒོ་ནས་སེམས་ཅན་འདུལ་བ་མཛད། །ལ་ལ་སངས་རྒྱས་གསུང་གིས་
D44.035.0098b06.01ཀུན་བཀང་ཞིང་། །ཞིང་དུ་སེམས་ཅན་ཡིད་བཞིན་རབ་ཏུ་སྒྲོག །བསམ་ཡས་བསྐལ་པར་དེ་དག་གསུང་སྒྲོག་ཅིང་། །སེམས་ཅན་རྒྱ་མཚོ་མཐའ་ཡས་རྣམ་པར་འདུལ། །ལ་ལ་ཞིང་རྒྱན་བསམ་གྱིས་མི་ཁྱབ་སྟེ། །འཁོར་རྣམས་ཡང་དག་ཀུན་
D44.035.0098b07.01