完整藏文原文 · 德格版页 当前仅加载第 35 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
གོ །སངས་རྒྱས་ཀྱི་ཆོས་དང་འཇིག་རྟེན་གྱི་ཆོས་འདྲེས་པར་མི་བྱེད་དོ། །འཇིག་རྟེན་གྱི་ཆོས་དང་སངས་རྒྱས་ཀྱི་ཆོས་ཐ་དད་པར་ཡང་མི་བྱེད་དོ། །འདི་ལྟར་དུས་གསུམ་ལ་གནས་པའི་ཆོས་ཀྱི་དབྱིངས་ཐ་དད་པ་མེད་པ་ལ་ཡང་རབ་ཏུ་འཇུག་གོ །བྱང་ཆུབ་
D44.035.0315b01.01སེམས་དཔའ་སེམས་དཔའ་ཆེན་པོ་ལས་ཀྱང་ཉམས་པར་མི་བྱེད་དེ། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་ལས་ཀྱང་མི་ལྡོག་སྟེ། སེམས་ཅན་ཐམས་ཅད་བསྐྱབ་པའི་ཕྱིར་སྙིང་རྗེ་ཆེན་པོ་ཡང་ཕྱིར་ཞིང་རབ་ཏུ་འཛིན་པར་
D44.035.0315b02.01བྱེད་དོ། །སེམས་ཅན་གྱི་ཁམས་བདག་གིས་སྨིན་པར་མ་བྱས་པ་ནི་སུ་ཞིག་སྨིན་པར་བྱེད། སེམས་ཅན་གྱི་ཁམས་བདག་གིས་དུལ་བར་མ་བྱས་པ་ནི་སུ་ཞིག་དུལ་བར་བྱེད། སེམས་ཅན་གྱི་ཁམས་བདག་གིས་ཞི་བར་མ་བྱས་པ་ནི་སུ་ཞིག་ཞི་བར་བྱེད།
D44.035.0315b03.01སེམས་ཅན་གྱི་ཁམས་བདག་གིས་ཤེས་པར་མ་བྱས་པ་ནི་སུ་ཞིག་ཤེས་པར་བྱེད། སེམས་ཅན་གྱི་ཁམས་བདག་གིས་དག་པར་མ་བྱས་པ་ནི་སུ་ཞིག་དག་པར་བྱེད་དེ། དེ་ལྟར་བདག་གིས་དེ་ལྟ་བུར་ཟབ་པའི་ཆོས་ཡང་དག་པར་མཐོང་ལ། གཅིག་
D44.035.0315b04.01པུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་གྲོལ་བར་བྱ་བ་འདི་ནི་བདག་ལ་ཚུལ་དང་མི་འདྲ་བ་སྟེ། སེམས་ཅན་གྱི་ཁམས་འདི་ཡང་མྱ་ངམ་ཆེན་པོའི་ལམ་དུ་ཞུགས་པ། ཉོན་མོངས་པས་ཀུན་ནས་བཟུང་བས་མདོངས་པར་
D44.035.0315b05.01གྱུར་པ། ཚོར་བ་ཉམས་སུ་བབ་པ་མི་ཟད་པས་ནད་པར་གྱུར་པ། སྲེད་པས་བསྐོར་བའི་བཙོན་རར་ཞུགས་པ། སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་ནས་མ་གཡོས་པ། སྡུག་བསྔལ་
D44.035.0315b06.01གྱི་ཕུང་པོས་མི་སྐྱོ་བ། སྡོམ་པ་གསུམ་གྱིས་བཅུགས་སུ་མ་རུང་བ། མུན་ནག་གི་ནང་དུ་རབ་ཏུ་ཞུགས་པ། མ་རིག་པའི་མངལ་དུ་སྐྱེ་བ་དང་། འཆི་བས་མནར་བ་འབྱུང་བ་མ་མཐོང་བར། མི་ཁོམ་པར་གྱུར་པ། མི་ཁོམ་པ་བརྒྱད་ཐོབ་པ།
D44.035.0315b07.01