完整藏文原文 · 德格版页 当前仅加载第 35 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་སངས་རྒྱས་ཀྱི་གསུང་ཞི་བའི་དབྱངས་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རབ་ཏུ་རྣམ་པར་ཕྱེ་བའི་གནས་ཡོངས་སུ་འབྱུང་བ་ཞེས་བྱ་བ་རབ་ཏུ་གནས་སོ། །
D44.035.0133a01.01དེ་དང་འདབ་ཆགས་སུ་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་སྤོས་ཀྱི་རྒྱལ་མཚན་རི་རབ་ཀྱི་སྙིང་པོ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཞིང་ཡོངས་སུ་གསལ་བར་སྣང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་ཙན་དན་ཤིན་
D44.035.0133a02.01ཏུ་ཡིད་དུ་འོང་བའི་འོད་ཟེར་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མེ་ཏོག་གི་གློང་གི་འོད་ཟེར་གྱི་དཀྱིལ་འཁོར་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་བྱིན་གྱི་རླབས་ཀྱི་རླུང་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་
D44.035.0133a03.01རྒྱུད་རིན་པོ་ཆེའི་འོད་ཟེར་གྱི་སྤྲིན་འདལ་བའི་རྒྱལ་མཚན་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་བརྒྱ་བྱིན་གྱི་གདོང་དང་ལུས་ཤིན་ཏུ་བསྒྲུབས་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མུ་ཏིག་གི་རྒྱ་མཚོའི་སྙིང་པོ་ཞེས་བྱ་བ་རབ་ཏུ་
D44.035.0133a04.01གནས་སོ། །དེ་དང་འདབ་ཆགས་སུ་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོའི་གནས་ཤིན་ཏུ་མཉམ་པར་ཡང་དག་པར་བསྒྲུབས་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་བཻ་ཌཱུརྱའི་གྲམ་བུ་སྣ་ཚོགས་བཀྲམ་པ་ཞེས་བྱ་བ་རབ་ཏུ་གནས་ཏེ། དེ་དག་ལ་{སྩོགས་,སོགས་}པ་སྤོས་
D44.035.0133a05.01ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་ལྷོ་ཕྱོགས་ལོགས་ཀྱི་མཚམས་ན་སྤོས་ཆུའི་རྒྱ་མཚོ་ཤིང་གི་ཟེ་བ་ཞེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཡངས་པའི་ཞིང་ཡང་དག་པར་འབྱུང་བ་ཞེས་བྱ་བ་སངས་རྒྱས་ཐམས་ཅད་
D44.035.0133a06.01བདུད་ཀྱི་འཁོར་ཡོངས་སུ་འདུལ་བའི་གསུང་གི་ལྷུན་ཅན་ཞེས་བྱ་བ་རབ་ཏུ་གནས་སོ། །དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་ཀྱི་རྒྱུད་སྐར་མདའ་འོད་འཕྲོ་བ་ཞེས་བྱ་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་འཇིག་རྟེན་གྱི་མཆོད་པ་ཡོན་ཏན་རྒྱ་མཚོ་ཞེས་བྱ་བ་
D44.035.0133a07.01