完整藏文原文 · 德格版页 当前仅加载第 35 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཀླུའི་དབང་པོ་མ་དྲོས་པ་དང་། དེ་དག་ལ་སོགས་པ་ཀླུའི་དབང་པོ་མཐའ་ཡས་པ་ཀུན་ཀྱང་སེམས་ཅན་གྱི་ཉོན་མོངས་པས་གདུང་བའི་ཚ་བ་ཆེན་པོ་ཆར་པའི་སྤྲིན་གྱིས་ཤིན་ཏུ་ཞི་བར་བྱ་བ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ །གནོད་སྦྱིན་གྱི་བདག་
D44.035.0010a01.01པོ་ཀུན་ཏུ་མཐའ་ཡས་པ་དག་དང་ཡང་ཐབས་གཅིག་སྟེ། འདི་ལྟར་གནོད་སྦྱིན་གྱི་དབང་པོ་ངལ་བསོ་པོ་དང་། གནོད་སྦྱིན་གྱི་དབང་པོ་དབྱངས་ཆེན་དབང་ཕྱུག་དང་། གནོད་སྦྱིན་གྱི་དབང་པོ་ས་ལ་ཤིན་ཏུ་གཏུམ་པའི་མཚོན་ཆ་དང་། གནོད་སྦྱིན་གྱི་དབང་པོ་བློ་གྲོས་ཆེན་པོ་དང་། གནོད་
D44.035.0010a02.01སྦྱིན་གྱི་དབང་པོ་མིག་འོད་འཕྲོ་བའི་བདག་པོ་དང་། གནོད་སྦྱིན་གྱི་དབང་པོ་མིག་རྡོ་རྗེ་ལྟར་བརྟན་པ་དང་། གནོད་སྦྱིན་གྱི་དབང་པོ་སྡེ་མཆོག་ཏུ་དཔའ་བ་དང་། གནོད་སྦྱིན་གྱི་དབང་པོ་སྡེའི་རྒྱན་ཆེན་པོས་རབ་ཏུ་གནོན་པ་དང་། གནོད་སྦྱིན་གྱི་དབང་པོས་དགེ་བའི་ཚོགས་དང་། གནོད་སྦྱིན་གྱི་
D44.035.0010a03.01དབང་པོ་རི་བོའི་སྟོབས་རབ་ཏུ་འཇོམས་པ་དང་། དེ་དག་ལ་{སྩོགས་,སོགས་}པ་གནོད་སྦྱིན་གྱི་དབང་པོ་ཀུན་ཏུ་མཐའ་ཡས་པ་ཀུན་ཀྱང་སེམས་ཅན་ཐམས་ཅད་ལ་ཕན་པ་དང་། ཡོངས་སུ་བསྲུང་བར་རབ་ཏུ་བརྩོན་པ་ཤ་སྟག་དང་ཐབས་གཅིག་གོ །ཟླ་བའི་རིས་སུ་གཏོགས་པའི་ལྷ་དུ་མ་དག་དང་ཡང་
D44.035.0010a04.01ཐབས་གཅིག་སྟེ། འདི་ལྟར་ལྷའི་བུ་ཟླ་བ་དང་། ལྷའི་བུ་འོད་ཀྱི་མེ་ཏོག་རྒྱལ་པོའི་གཙུག་ཕུད་དང་། ལྷའི་བུ་དཔལ་གྱི་ཚོགས་སྣ་ཚོགས་ཀྱི་རྒྱན་གྱི་འོད་དང་། ལྷའི་བུ་འཇིག་རྟེན་དགའ་བའི་བདེ་བ་སྣ་ཚོགས་དང་། ལྷའི་བུ་ཤིང་གི་དབང་པོའི་{མྱིག་,མིག་}གི་འོད་དང་། ལྷའི་བུ་
D44.035.0010a05.01འོད་བཟང་པོ་སྟོན་པ་དང་། ལྷའི་བུ་ཀུན་ནས་སྤྱོད་པ་མི་སྒུལ་བའི་འོད་དང་། ལྷའི་བུ་སྐར་མའི་རྒྱལ་པོའི་བདག་པོ་དང་། ལྷའི་བུ་བློ་དྲི་མ་{མྱེད་,མེད་}པའི་ཟླ་བ་དང་། ལྷའི་བུ་གཟི་བརྗིད་ཆེན་པོའི་འོད་ཟེར་མཛེས་པ་དང་། དེ་དག་ལ་{སྩོགས་,སོགས་}པ་ལྷའི་བུ་ཟླ་བའི་རིས་སུ་གཏོགས་པ་དུ་མ་ཀུན་ཀྱང་།
D44.035.0010a06.01སེམས་ཅན་ཐམས་ཅད་ཀྱི་སེམས་རིན་པོ་ཆེ་སྣང་བར་བྱ་བ་ལ་བརྩོན་པ་ཤ་སྟག་དང་ཐབས་གཅིག་གོ །ཉི་མའི་རིས་སུ་གཏོགས་པའི་ལྷའི་བུ་མུ་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་བུ་ཉི་མ་དང་། ལྷའི་བུ་གཟི་བརྗིད་ཀྱི་འོད་ཟེར་འབར་བའི་མིག་དང་། རི་བོའི་རྒྱལ་མཚན་
D44.035.0010a07.01