完整藏文原文 · 德格版页 当前仅加载第 35 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་ཡངས་སྟོབས་ཆེན་འོད་ཟེར་ཡོན་ཏན་སྤྲིན། །འགྲོ་བ་རྒྱ་མཚོའི་དོན་དུ་སྤྱོད་བྱེད་ཅིང་། །རྒྱལ་བའི་སྤྱོད་ལམ་གཞལ་དུ་མེད་པ་སྟོན། །གང་གི་དོན་ཏུ་བསྐལ་པ་རྒྱ་མཚོ་དག །མཐའ་ཡས་པར་ནི་བཟང་པོའི་སྤྱོད་སྤྱད་པ། །དེ་དག་ཆོས་ཀྱི་དབྱིངས་རྣམས་
D44.035.0088b01.01གང་བྱས་ནས། །ཐམས་ཅད་ཆོས་ཀྱི་སྤྲིན་ལས་རབ་ཏུ་བརྗོད། །ཞིང་རྣམས་ཇི་ལྟར་འབྱུང་བར་འགྱུར་བ་དང་། །སྟོབས་བཅུ་རྣམས་ཀྱང་ཇི་ལྟར་འབྱུང་འགྱུར་དང་། །སེམས་ཅན་རྒྱ་མཚོ་ཇི་ལྟར་འབྱུང་འགྱུར་བ། །སེམས་ཅན་རྣམས་ལ་སྒྲ་དབྱངས་
D44.035.0088b02.01གཏོང་ཞིང་སྟོན། །འཁོར་རྣམས་ཡོངས་པ་འདི་དག་ཐམས་ཅད་ཀྱང་། །ཀུན་ཏུ་བཟང་པོ་ཁྱོད་ལ་མངོན་སུམ་གནས། །སངས་རྒྱས་ཀུན་གྱིས་གནང་བར་འགྱུར་བ་ཡིན། །ཆོས་ཀྱི་འཁོར་ལོ་དེ་རིང་ཁྱོད་ཀྱིས་བསྐོར། །ཀུན་ཏུ་བཟང་པོའི་ཏིང་ངེ་འཛིན་
D44.035.0088b03.01དང་རྣམ་པར་འཕྲུལ་པ་རབ་ཏུ་བྱུང་བ་ཞེས་བྱ་བ་སྟེ་ལེའུ་གསུམ་པའོ།། །།དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་སངས་རྒྱས་ཀྱི་བྱིན་གྱི་རླབས་ཀྱིས། འཇིག་རྟེན་གྱི་ཁམས་ཐམས་ཅད་ལ་རྣམ་པར་བལྟས། སེམས་ཅན་གྱི་ཁམས་རྒྱ་མཚོ་ལ་རྣམ་པར་
D44.035.0088b04.01བལྟས། ཆོས་ཀྱི་དབྱིངས་རྒྱ་མཚོ་ལ་རྣམ་པར་བལྟས། སེམས་ཅན་ཐམས་ཅད་ཀྱི་ལས་རྒྱ་མཚོ་ལ་རྣམ་པར་བལྟས། སེམས་ཅན་ཐམས་ཅད་ཀྱི་བསམ་པ་དང་དབང་པོ་རྒྱ་མཚོ་ལ་རྣམ་པར་བལྟས། སངས་རྒྱས་ཐམས་ཅད་ཀྱི་ཆོས་ཀྱི་རྒྱ་མཚོ་ལ་རྣམ་པར་
D44.035.0088b05.01བལྟས། དུས་རྒྱ་མཚོ་ལ་རྣམ་པར་བལྟས། སངས་རྒྱས་ཐམས་ཅད་ཀྱི་ཡང་དག་པར་འབྱུང་བའི་སྨོན་ལམ་རྒྱ་མཚོ་ལ་རྣམ་པར་བལྟས། སངས་རྒྱས་ཐམས་ཅད་ཀྱི་རྣམ་པར་འཕྲུལ་པ་རྒྱ་མཚོ་ལ་རྣམ་པར་བལྟས་ནས། བྱང་ཆུབ་སེམས་དཔའ་
D44.035.0088b06.01འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་སྨྲས་པ། ཀྱེ་རྒྱལ་བའི་སྲས་དག་སངས་རྒྱས་བཅོམ་ལྡན་འདས་རྣམས་ཀྱི་འཇིག་རྟེན་གྱི་ཁམས་ཐམས་ཅད་འདུ་ཞིང་འཇིག་པ་ཡོངས་སུ་དག་པ་འབྱུང་བའི་ཡེ་ཤེས་ནི་བསམ་གྱིས་མི་ཁྱབ་པོ། །སངས་རྒྱས་
D44.035.0088b07.01