完整藏文原文 · 德格版页 当前仅加载第 35 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
གནས། །རྒྱ་མཚོའི་རྒྱན་རྣམས་ཐམས་ཅད་སྣ་ཚོགས་བརྟན་པར་གནས། །ཕྱོགས་དང་ཕྱོགས་མཚམས་ཀུན་ཏུ་འོད་ཀྱི་སྤྲིན་ཀྱང་གཏོང་། །ནོར་བུ་ཐམས་ཅད་སྒོ་ནས་བྱང་ཆུབ་སེམས་དཔའི་རྣམས། །བྱུང་ཞིང་འོད་ཟེར་སྤྲིན་འབར་ཕྱོགས་རྣམས་ཀུན་ཏུ་གཏོང་། །
D44.035.0103b01.01འོད་ཟེར་མེ་ཏོག་ཚོན་དང་འོད་ཟེར་འཁོར་ལོའི་ཚོགས། །ཕྱོགས་རྣམས་མ་ལུས་ཀུན་གྱི་ཆོས་དབྱིངས་ཁྱབ་པར་བྱེད། །རིན་ཆེན་ཀུན་གྱི་འོད་ཟེར་སྤྲིན་རྣམས་བཀྱེ་བ་ནི། །ཕྱོགས་དང་ཕྱོགས་མཚམས་ཀུན་གྱི་ཞིང་རྣམས་ཁྱབ་པར་བྱེད། །སྡུག་བསྔལ་ཐམས་
D44.035.0103b02.01ཅད་བཅིལ་ཞིང་བྱང་ཆུབ་མཆོག་ལ་བགྲོད། །འཇིག་རྟེན་རྒྱ་མཚོ་ཐམས་ཅད་འོད་འཕྲོ་རབ་ཏུ་འབར། །འགྲོ་བ་ཀུན་དང་མཉམ་པའི་སྤྲུལ་པ་སྣ་ཚོགས་རྣམས། །རིན་ཆེན་ཀུན་དང་སྤུ་རྣམས་ཀུན་ནས་རྒྱལ་བ་འགྱེད། །བརྒྱ་བྱིན་དག་དང་ཚངས་པའང་འཁོར་
D44.035.0103b03.01ལོ་སྒྱུར་འདྲ་དང་། །འགྲོ་བ་ཀུན་གྱི་ལུས་སུ་ལུས་རྣམས་ཀུན་ཀྱང་གནས། །སྤྲུལ་པས་འོད་བཀྱེ་ཆོས་ཀྱི་དབྱིངས་ཀྱི་ཚད་མཉམ་པ། །འོད་ཟེར་སྒོ་ནས་སངས་རྒྱས་ཐམས་ཅད་མཚན་ཀྱང་སྒྲོག །འགྲོ་བ་མ་ལུས་ཀུན་གྱི་བསམ་པ་ཚིམ་བྱས་ནས། །ཚུལ་
D44.035.0103b04.01རྣམས་སྣ་ཚོགས་སྒོ་ནས་སེམས་ཅན་རྣམ་པར་འདུལ། །འཇིག་རྟེན་རྒྱ་མཚོ་མེ་ཏོག་སྙིང་པོ་དེ་ནང་ན། །རྡུལ་ཕྲན་ཀུན་གྱི་ཁོངས་ན་ཆོས་དབྱིངས་ཐམས་ཅད་ཀྱི། །རིན་ཆེན་འོད་ཀྱི་སངས་རྒྱས་སྤྲིན་རྣམས་འབར་བར་སྣང་། །རྣམ་པར་སྣང་མཛད་ཆོས་
D44.035.0103b05.01དབྱིངས་རྣམ་འཕྲུལ་ཞིང་ལ་ལྟོས། །བསྐལ་བ་རྒྱ་མཚོར་འགྲོ་བའི་སྡུག་བསྔལ་བསྩལ་བྱས་ཏེ། །སྨོན་ལམ་ཡངས་པའི་སྤྲིན་ནི་ཆོས་ཀྱི་དབྱིངས་མཉམ་དང་། །བཟང་པོ་སྤྱོད་པ་བརྙེས་ཤིང་ཡེ་ཤེས་ས་ལྡན་པའི། །དགོངས་པ་ལས་ནི་རྒྱན་མཛེས་དེ་དག་
D44.035.0103b06.01བྱུང་བ་ཡིན། །འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པའི་ཡོན་ཏན་རྒྱ་མཚོ་ཡོངས་སུ་དག་པས་སྣང་བ་ཞེས་བྱ་སྟེ། ལེའུ་ལྔ་པའོ།། །།ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་གཞི་དང་
D44.035.0103b07.01