完整藏文原文 · 德格版页 当前仅加载第 35 函德格 310b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་འདི་སྙམ་དུ་སེམས་ཏེ། སྡུག་བསྔལ་གྱི་རྣམ་པ་འདི་ཙམ་དག་གིས་ཕོག་པ་ལ་གལ་ཏེ་བདག་གིས་སེམས་འཁྲུག་པ་ཞིག་བྱས་སུ་ཟིན་ན། དེ་ནི་མ་དུལ་བ་དང་། མི་བདེན་པ་དང་། མི་མཁས་པ་དང་། མ་ཞི་བ་དང་། མ་བསྒོམས་པ་དང་། མ་
D44.035.0310b01.01བསྡམས་པ་དང་། མ་ཁུགས་པ་དང་། བྱས་པ་{མྱེད་,མེད་}པ་དང་། མཉམ་པར་མ་བཞག་པ་དང་། བདག་གི་ལུས་ལ་བརྟེན་པས་གཞན་གྱི་སེམས་མགུ་བར་བྱ་བར་མི་ནུས་ཀྱིས་ཞེས་ཏེ། དེ་ལུས་དང་སེམས་རང་བཞིན་ཤེས་ནས། ཐོག་མ་དང་ཐ་མ་མེད་
D44.035.0310b02.01པར་སྐྱེ་བ་དང་། འཁོར་བའི་སྡུག་བསྔལ་རྗེས་སུ་དྲན་ནས། ཆོས་འདི་དག་ནི་ཚུལ་གྱིས་དེ་བཞིན་ནོ་ཞེས་ནས། ཕྱིར་ཞིང་སེམས་དང་བར་བྱེད། རབ་ཏུ་དང་བར་བྱེད། དགའ་བར་བྱེད། རབ་ཏུ་དགའ་བར་བྱེད། ཚིམ་པར་བྱེད། གཟེངས་མཐོ་བར་བྱེད་
D44.035.0310b03.01སྤྲོ་བར་བྱེད། རབ་ཏུ་སྤྲོ་བར་བྱེད། འདུལ་བར་བྱེད། ཡོངས་སུ་འདེམས་པར་བྱེད་དེ། དེ་ལྟར་བདག་གིས་ཀྱང་སངས་རྒྱས་ཀྱི་ཆོས་ལ་བཞག་སྟེ། སེམས་ཅན་ཐམས་ཅད་ལ་ཡང་དོན་འདི་བསྟན་པར་བྱའོ་སྙམ་མོ། །དེ་ཅིའི་ཕྱིར་ཞེ་ན། འདི་ལྟར་
D44.035.0310b04.01ལུས་འདི་ནི་བདག་དང་བདག་གིས་སྟོང་པ། རང་བཞིན་གྱིས་སྟོང་པ་སྟེ། སྟོང་པ་ཉིད་ལ་བདེ་བའམ། སྡུག་བསྔལ་བའམ། གཉིས་སུ་བརྗོད་པ་གང་ཡང་མེད་དོ། །གང་སྟོང་པ་དེ་ལ་ཅི་ཡང་མེད་དེ། ཆོས་ཐམས་ཅད་ནི་ཅི་ཡང་མ་ཡིན་པ་ཡིན་
D44.035.0310b05.01གྱིས། དེ་བདག་གིས་ཀྱང་ཡང་དག་པར་ཤེས་པར་བྱས་ཏེ། སེམས་ཅན་ཐམས་ཅད་ལ་དངོས་པོར་འཛིན་པ་སྤང་བའི་ཕྱིར་ཆོས་ཐམས་ཅད་བསྟན་པར་བྱ་དགོས་ཀྱིས། དེ་ལྟར་བདག་གིས་འདི་དག་ལ་བྱམས་པའི་སེམས་དང་། ཕན་པའི་སེམས་དང་།
D44.035.0310b06.01བདེ་བའི་སེམས་དང་། སྙིང་རྗེ་བའི་སེམས་དང་། སྙིང་བརྩེ་བའི་སེམས་དང་། ཕན་པར་དགའ་བའི་སེམས་དང་། ཡོངས་སུ་མི་གཏོང་བའི་སེམས་དང་། འཚང་རྒྱ་བའི་སེམས་དང་། བྱང་ཆུབ་པའི་སེམས་དང་། མི་འཕྲོགས་པའི་སེམས་
D44.035.0310b07.01