完整藏文原文 · 德格版页 当前仅加载第 35 函德格 314b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཐའ་དང་དབུས་མེད་པར་རབ་ཏུ་ཆུད་པའི་ལུས་ཀྱི་ལས་དབེན་པ་དང་ལྡན་པ། ངག་གི་ལས་དབེན་པ་དང་ལྡན་པ། ཡིད་ཀྱི་ལས་དབེན་པ་དང་ལྡན་པས། ཤེས་པ་རྟོགས་པའི་ཆོས་ཐམས་ཅད་ཀྱི་རང་བཞིན་མིང་དང་སྒྲ་མེད་པ། ཞེས་བྱ་བའི་ཏིང་ངེ་
D44.035.0314b01.01འཛིན་གྲངས་མེད་པའི་ཏིང་ངེ་འཛིན་གྱི་སྒོ་དང་ལྡན་པ་འཐོབ་སྟེ། སྙིང་རྗེ་ཆེན་པོ་ཡང་ཡངས་ཤིང་ཚད་མེད་པར་བྱེད་དོ། །གལ་ཏེ་དེ་ལྟར་བྱང་ཆུབ་སེམས་དཔའི་ཏིང་ངེ་འཛིན་སྟོང་ཕྲག་གྲངས་མེད་པ་སེམས་ཀྱི་སྐད་ཅིག་གཅིག་གིས་ཐོབ་པར་བྱེད་ཀྱང་། བྱང་ཆུབ་
D44.035.0314b02.01སེམས་དཔའ་སེམས་ཏིང་ངེ་འཛིན་དང་ལྡན་པ་དེ་ལ་དེ་ལྟ་བུའི་རྣམ་པར་འཁྲུག་པས་དྲན་པ་རྣམ་པར་འཁྲུག་པར་མི་ནུས་ཀྱི། དེའི་ཕྱིར་ཞིང་འདི་སྙམ་དུ་སེམས་སྐྱེའོ། །དེ་ལྟར་བདག་གིས་སེམས་ཅན་དེ་དག་ཐམས་ཅད་བླ་ན་མེད་པའི་རྣམ་པ་རྣམ་པར་དག་པ་
D44.035.0314b03.01ལ་རབ་ཏུ་བཀོད་དེ། ཐམས་ཅད་མཁྱེན་པ་ཉིད་ལས་ཕྱིར་མི་ལྡོག་པར་བྱས་ལ། ཕུང་པོ་མ་ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་བཟླའོ། །སྙམ་མོ། །ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་
D44.035.0314b04.01ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་ལྔ་པ་སྟེ། རྨོངས་པ་མེད་པ་ཞེས་བྱའོ། །ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་དྲུག་པ་ལྟ་བ་བཟང་པོ་ཞེས་བྱ་བ་དེ་གང་ཞེ་ན།
D44.035.0314b05.01ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དམིགས་སུ་མེད་ཅིང་བསྟན་པ་མི་དམིགས་པའི་ལུས་ཀྱི་ལས་དབེན་པ་དང་། ངག་གི་ལས་དབེན་པ་དང་། ཡིད་ཀྱི་ལས་དབེན་པ་ཐོབ་པ་ཡིན། མ་ཆགས་མ་བཅིངས་པའི་
D44.035.0314b06.01ལུས་ཀྱི་ལས་དང་། མ་ཆགས་མ་བཅིངས་པའི་ངག་གི་ལས་དང་། མ་ཆགས་མ་བཅིངས་པའི་ཡིད་ཀྱི་ལས་མ་ཆགས་མ་བཅིངས་པར་བསྟན་པ། གནས་མེད་པ། མི་གནས་པ། སེམས་ཇི་ལྟ་བ་བཞིན་དུ་གནས་པ། སེམས་ཀྱི་
D44.035.0314b07.01