完整藏文原文 · 德格版页 当前仅加载第 35 函德格 315a 版页；藏文 NFD、目录标记与异常页序保留在来源切片中，重复版页行以稳定序号区分。
རང་བཞིན་ཚད་མེད་པའི་རྗེས་སུ་སོང་བ། ཆོས་ཐམས་ཅད་ཀྱི་རང་བཞིན་འབྱམ་ཀླས་པའི་རྗེས་སུ་སོང་བ། མཚན་ཉིད་མི་དམིགས་ཤིང་། མཚན་ཉིད་བསྟན་དུ་མེད་པ་ཟབ་པ་གཏིང་དཔག་དཀའ་བ། དེ་བཞིན་ཉིད་ཀྱི་རང་
D44.035.0315a01.01བཞིན་གྱི་རྗེས་སུ་སོང་བ། རྣམ་པར་སྨིན་པ་དང་། བྲལ་བའི་སྐྱོན་མེད་པ། མངོན་པར་བསྒྲུབ་པ་ལ་མཁས་པ། འགོག་པ་དང་། མཐུན་པར་གནས་པ། མྱ་ངན་ལས་འདས་པའི་དབྱིངས་ཀྱི་སྤྱོད་ཡུལ་ཅན། ཞི་བའི་རྒྱུད་རབ་ཏུ་ཐོབ་པ། དངོས་པོ་མེད་
D44.035.0315a02.01པའི་ཚུལ་གྱི་གཞིར་གྱུར་པ། ཚིག་གི་ལམ་ཆད་པ། འགྲོ་བ་ཐམས་ཅད་ལས་འཕགས་པ། གནས་མེད་པའི་སྤྱོད་པ་རབ་ཏུ་ཐོབ་པ། བྱང་ཆུབ་ཀྱི་སེམས་བསྐྱེད་པའི་མཚན་མ་ལ་མཁས་པ། རྟོགས་པ་བཅིངས་པ་མེད་པ་ལ་གནས་པ། དེ་ཁོ་ན་ཉིད་ཀྱི་
D44.035.0315a03.01ཆོས་གནས་ཀྱི་རྗེས་སུ་ཞུགས་པ། འཇིག་རྟེན་ཐམས་ཅད་ཀྱིས་མི་བརྗོད་པ། འཇིག་རྟེན་ལས་འདས་པའི་གནས་དང་ལྡན་པ་ཐོབ་པ་ཡིན་ཏེ། དེ་འདི་སྙམ་དུ་སེམས་སོ། །ཀྱེ་སེམས་ཅན་འདི་དག་ཐམས་ཅད་ནི་རང་བཞིན་འདི་ལྟ་བུ་སྟེ། འདི་ལྟར་
D44.035.0315a04.01སེམས་ཅན་མེད་པའི་རང་བཞིན་ནོ། །ཀྱེ་ཆོས་འདི་དག་ཐམས་ཅད་རང་བཞིན་འདི་ལྟ་བུ་སྟེ། འདི་ལྟར་འདུས་བྱས་པ་མེད་པའི་རང་བཞིན་ནོ། །ཀྱེ་ཞིང་འདི་དག་ཐམས་ཅད་ནི་འདི་ལྟ་བུའི་མཚན་ཉིད་དེ། འདི་ལྟར་མཚན་ཉིད་མེད་པའོ། །ཀྱེ་དུས་འདི་
D44.035.0315a05.01དག་ཐམས་ཅད་ནི་འདི་ལྟར་བྱུང་བ་སྟེ། འདི་ལྟར་ཚིག་གི་ལམ་ལ་གཞོལ་ཞིང་ཆོས་ཀུན་གྱི་རྣམ་པར་ཚིག་གི་ལམ་ལ་ཤིན་ཏུ་གནས་ཀྱང་། ཆོས་ཐམས་ཅད་ནི་ཚིག་གི་ལམ་ལ་མི་གནས་པའོ་ཞེས། དེ་དེ་ལྟར་ཆོས་ཐམས་ཅད་ཟབ་པ་ཡང་རབ་ཏུ་ཤེས་སོ། །
D44.035.0315a06.01འཇིག་རྟེན་ཐམས་ཅད་དབེན་པ་ལ་ཡང་རབ་ཏུ་འཇུག་གོ །དེ་ལྟར་སངས་རྒྱས་ཀྱི་ཆོས་མ་བསྐྱེད་པ་ལ་ཡང་རབ་ཏུ་འཇུག་གོ །སངས་རྒྱས་ཀྱི་ཆོས་ཀྱང་འཇིག་རྟེན་གྱི་ཆོས་སུ་རབ་ཏུ་འཇུག་གོ །འཇིག་རྟེན་གྱི་ཆོས་ཀྱང་སངས་རྒྱས་ཀྱི་ཆོས་སུ་རབ་ཏུ་འཇུག་
D44.035.0315a07.01